اتىراۋدا ديزەل وتىنىن زاڭسىز تاسىمالداۋشى ۇستالدى

اتىراۋ. 20 مامىر. اتىراۋ وبلىسىندا مۇناي ونىمدەرىن زاڭسىز تاسىمالداۋ دەرەگى انىقتالدى. بۇل تۋرالى مەملەكەتتىك كىرىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتى مەن جەرگىلىكتى پوليتسيانىڭ بىرلەسكەن جەدەل-ىزدەستىرۋ شارالارى بارىسىندا اتىراۋ-دوسسور تراسساسىندا «قاراباتان» ۋاقىتشا بەكەتىندە Daf Te 105Xf ماركالى تىركەمەلى اۆتوماشينا توقتاتىلدى. اتالعان اۆتوماشينا تەكسەرىلىپ, تىركەمەسىندە 26 دانا ارنايى پلاستيكالىق ىدىستارعا قۇيىلعان شامامەن 26 000 ليتر سۇيىقتىق انىقتالعان. جۇكتىڭ ىلەسپە قۇجاتتارى بويىنشا اتالعان ىدىستاردا «ەتيلەنگلەكول» حيميالىق زاتى دەپ جازىلعان. جۇك جونەلتۋشى رەتىندە Granit جاۋاپكەرشىلىگى شەكتەۋلى سەرىكتەستىگى كورسەتىلگەن. بىراق, كورسەتىلگەن ىدىستاردى اشقاندا مۇناي ءونىمىنىڭ (ديزەل جانارمايى) ءيىسى بار مايلى سۇيىقتىق انىقتالدى. وسىعان وراي ءمان-جايدى انىقتاعانشا تىركەمەلى اۆتوكولىك قۇرالى ارنايى تۇراققا قويىلدى. ال اتالعان جايت بويىنشا مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىمەتى قىلمىستىق كودەكستىڭ 197-بابىنىڭ 1-تارماعىمەن (مۇنايدىڭ جانە مۇناي ونiمدەرiنىڭ شىعارىلۋ زاڭدىلىعىن راستايتىن قۇجاتتارسىز ولاردى تاسىمالداۋ, يەمدەنۋ, وتكiزۋ, ساقتاۋ, سونداي-اق, مۇنايدى قايتا وڭدەۋ) سوتقا دەيىنگى تەرگەۋ تىركەلدى. قازىرگى ۋاقىتتا قازاقستان اۋماعىندا Granit سەرىكتەستىگى تىركەلمەگەنى بەلگىلى بولدى. دەمەك, جايت بويىنشا جالعان قۇجاتتار جاساۋ قىلمىسىنىڭ بەلگىلەرى بار. سونىمەن قاتار, سوتقا دەيىنگى تەرگەۋ بارىسىندا كورسەتىلگەن جۇكتەن ۇلگىلەر الىنىپ, ساراپتاما جۇرگىزۋ ءۇشىن «ءاتموز» ماماندارى تارتىلدى. الدىن الا بەرىلگەن قورىتىندىعا قاراعاندا, تىركەمەلى كولىكتەگى پلاستيكالىق ىدىستارداعى سۇيىقتىق «ديزەل جانارمايى» بولىپ تابىلادى. قىلمىستىق ءىستى تەرگەۋ جالعاستىرىلۋدا. جولداسبەك شوپەعۇل. دەرەك: اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتى. فوتو: today.kz.