اققىزدىڭ كۇيى اعىنداپ...

قاراعاندى قالاسىندا ارقا شەرتپە كۇي ونەرىنىڭ الىبى, كۇيشى-كومپوزيتور اققىز (مۇگىلسىم) احمەتقىزىنا ارناپ وتكىزىلگەن كۇيشىلەر سايىسى كەلەسى كۇنى گالا-كونتسەرتكە ۇلاسىپ, ونەرسۇيەر قاۋىم ايتا جۇرەرلىك ۇلىق مەرەكەگە اينالدى. شارانى ۇيىمداستىرۋشى بولات تاكىشوۆتىڭ ايتۋىنشا,­ بۇل يگى ءىس ايگىلى كۇيشىنىڭ كە­لەسى جىلى بولاتىن 120 جىل­دىق تويىنا دايىندىقتىڭ باسى ەكەن. كەنشىلەر استاناسىنداعى مامانداندىرىلعان مۋزىكا مەكتەپ-ينتەرناتىندا وتكەن كۇيشىلەر جارىسىندا قازىلار القاسىنا قازاقستاننىڭ ەڭ­بەك سىڭىرگەن ءارتىسى, كۇيشى-كوم­پوزيتور, گۋمانيتارلىق عى­لىمدار اكادەمياسىنىڭ اكا­دەميگى سەكەن تۇرىسبەك ءتور­اعالىق ەتتى. قازىلار القا­سىنىڭ قۇرامىندا مۋزىكا زەرتتەۋشى جارقىن شاكا­رىم, قازاق ۇلتتىق ونەر ۋني­ۆەرسيتەتىنىڭ پروفەس­سورى جانعالي ءجۇزباي, اق­قىز مۇراسىن زەرتتەۋشى بولات تاكىشوۆ, ۇستاز جەڭىس سارسەمبەكوۆ سياقتى كۇي الەمىندە ءىز تاستاعان بەلگىلى تۇلعالار بولدى. ەكى كۇنگە سوزىلعان سايىس قورىتىندىسىندا 12-14 جاس ارالىعىنداعى بالعىن كۇيشىلەر ىشىندە ءبىرىنشى ءجۇل­دەگە ايانا ساتانوۆا لايىقتى دەپ تانىلدى. ال 15-17 جاس­تا­عى كۇيشىلەر اراسىنداعى نەگىزگى سىندا باس جۇلدەگە باعى جانعان بالجان سەرىكبولقىزى يە بولدى. جەڭىمپازعا 100 مىڭ تەڭگەنىڭ سەرتيفيكاتىن ءماجىلىس دەپۋتاتتارى نۇرلان دۋلاتبەكوۆ پەن ايگۇل سولوۆەۆا تابىس ەتتى. شارا بارى­سىندا پرو­فەسسور جانعالي ءجۇز­باي­دىڭ رەداكتورلىعىمەن جارىق كورگەن «اققىزدىن كۇي مۇ­راسى» اتتى كۇيتاباق ال­بوم­جيناعىنىڭ تۇساۋى كەسىلدى جانە ۇستازدارعا شەبەرلىك سىنىبى وتكىزىلدى. كۇي سايىسىنان كەيىن كەنشىلەردىڭ مادەنيەت سارايىندا وتكەن گالا-كونتسەرتتە كونكۋرسانتتارمەن بىرگە سەكەن تۇرىسبەك, جانعالي ءجۇزباي, دانيەل حامزين, قايروللا سادۋاقاسوۆ, گۇلنار شاريپوۆا سىندى ەسىمدەرى ەلگە بەلگىلى كۇيشىلەر ساحنا تورىنە شىعىپ,تىڭدارماننىڭ قۇلاق قۇرىشىن قاندىرا كۇي شەرتتى. اقتوعاي اۋدانىنان كەلگەن «توقىراۋىن تولقىندارى» ءان-بي ءانسامبلى ونەر كورسەتىپ, ءانشى داۋرەنبەك اركەنوۆ اققىز (مۇگىلسىم) احمەتقىزىنىڭ اندەرىن شىرقادى. ايتا كەتەتىن جايت, بۇگىنگى كۇندە اققىز كۇيشىنىڭ توعىز كۇيى ورىندالىپ ءجۇر, سەگىز كۇيى نوتاعا تۇسكەن. سونىمەن قاتار, كۇيشىنىڭ ءتورت ءانى بار, سونىڭ ءبىرى – «امان بول, امال قانشا» ءانىن بەلگىلى ءانشى ماناربەك ەرجانوۆ ورىنداعان. گالا-كونتسەرتتە ءسوز العان بەلگىلى كۇيشى سەكەن تۇرىسبەك اققىز كۇيشىنىڭ قازاق مۋزىكا ونەرىنىڭ دامۋىنا قوسقان زور ۇلەسىنە, سوڭىنا قالدىرعان مول مۇراسىنا جوعارى باعا بەرە كەلىپ, ونىڭ ەسىمىن قاراعاندىداعى مامانداندىرىلعان مۋزىكا مەكتەپ-ينتەرناتىنا بەرۋ تۋرالى ورىندى ۇسىنىس ايتتى. سونداي-اق, ونەر زەرتتەۋشىسى جارقىن شاكارىم ايگىلى كۇيشى اتىنداعى كونكۋرستىڭ اياسىن كەڭىتىپ, رەسپۋبليكالىق دەڭگەيدە وتكىزۋ تۋرالى پايىمدى پىكىرىن ءبىلدىردى. قايرات ءابىلدينوۆ, «ەگەمەن قازاقستان» قاراعاندى