ەسكى قالدىقتان – ءوتىمدى ءونىم

وڭىردە جىلىنا شامامەن 14-18 مىڭداي اۆتوموبيل شينالارى جارامسىز بولىپ قالادى ەكەن. ولاردى قايتا وڭدەپ, كادەگە جاراتۋ تاجىريبەسى دامىعان ەلدەردە بار. وكىنىشكە وراي, قازاقستان­دا كەز كەلگەن جەرلەردە تاۋ-تاۋ بولىپ ءۇيىلىپ جاتقان شينالاردى كەزدەستىرۋ تاڭسىق ەمەس. پەتروپاۆلدا جۇمىس ىستەيتىن «Soltustik rubber recycling» جشس وزىق تەحنولوگيالاردى قولدانا وتىرىپ, ەسكى قالدىقتان ءوتىمدى ونىمدەر جاساۋعا بىلەك سىبانا كىرىستى. بۇگىنگە دەيىن كاسىپورىن 30 توننا ۇگىندى مەن ءبىر مىڭ شارشى مەتر تاقتاتاستى تۇتىنۋشىلارعا جونەلتتى. سەرىكتەستىك باسشىسى تال­عات­بەك عالەەۆتىڭ ايتۋىنشا, ەكولوگيالىق جاعىنان تازا, ساپاسى جوعارى بۇيىمداردىڭ پايدالانۋ مەرزىمى–10-15 جىل. كەلەشەكتە بەلسەندىلەندىرىلگەن ۇگىندىلەر شىعارۋ ويلاستىرىلعان. ول اسفالت توسەمىنە پايدالانى­لاتىن بولادى. سوندا جولدىڭ بەرىكتىگى مەن توزىمدىلىگى الدە­قايدا جاقسارادى. بۇگىندە رەزەڭ­كە شيكىزاتتان الىنعان ءونىم بالالار الاڭدارىندا قول­دانىلۋدا. كەلەشەكتە ءتورت ءتۇ­لىك مالعا توسەمەلەر ازىرلەۋ جوسپارلانعان. سەرىكتەستىك «دامۋ» قورى ار­قىلى 55 ميلليون تەڭگە نەسيە الىپ, زاماناۋي قوندىرعىلار مەن قۇرال-جابدىقتار ورنات­قان. وزىق تەحنولوگيالاردىڭ كۇشىمەن ەسكى شينالار ءىرىلى-ۇساقتى ۇگىندىگە اينالدىرىلىپ, ساپالى ونىمدەر شىعارىلادى. ءومىر ەسقالي, «ەگەمەن قازاقستان» سولتۇستىك قازاقستان وبلىسى