كوميتەت توراعالىعىنا قايتا سايلاندى

گرۋزيانىڭ استاناسى – تبي­ليسي­ قالاسىندا دوستاستىققا قا­تىسۋشى ەلدەر تەمىرجول كولىگى جونىندەگى كەڭەستىڭ 64-ءشى سەسسياسى ءوتتى. اتالعان شارا اياسىندا «قازاقستان تەمىر جولى» ۇك» اق پرەزيدەنتى اسقار ءماميننىڭ توراعالىعىمەن ترانسكاسپي حالىقارالىق كولىك ءدالىزىن (تحكد) دامىتۋدى ۇيلەستىرۋ كوميتەتىنىڭ كەزەكتى وتىرىسى بولدى. ا.مامين ءوزىنىڭ سوزىندە تحكد-ءنى باسەكەلەستىككە ساي دامىتۋدىڭ ماڭىزى زور ەكەندىگىن, ونىڭ ەۋرازيا قۇرلىعىنداعى بولاشاعى زور باعىت بولا الاتىندىعىن اتاپ ءوتتى. «ۇيلەستىرۋ كوميتەتى قۇرىلعالى بەرى ءتيىمدى تاريف ساياساتىن جاساۋ, جۇكتەردى تاسىمالداۋدىڭ بىرىڭعاي تەحنولوگياسىن وندىرىسكە ەنگىزۋ, بىرلەسكەن ىقپالداسقان لوگيستيكالىق Nomad Express ءونىمىن قالىپتاستىرۋ, العاشقى كونتەينەرلىك پويىزدى جىبەرۋ, ترانسكاسپي حالىقارالىق كولىك كونسورتسيۋمىن قۇرۋ بويىنشا قىرۋار ىستەر اتقارىلدى. ترانسكاسپي دالىزىنە قاتىسۋشى مەملەكەتتەردىڭ قاتارى كوبەيدى. بۇگىندە كوميتەتتە تەمىرجول, تەڭىز, پورت اكىمشىلىكتەرى, قازاقستان, قىتاي, ازەربايجان, گرۋزيا, تۇركيا, ۋكراينا جانە رۋمىنيا سياقتى مەملەكەتتەردىڭ لوگيستيكالىق كومپانيالارى بار», – دەپ اتاپ ءوتتى ا.مامين. وتىرىس بارىسىندا تحكد اۋماعىندا كونتەينەرلىك, ۆاگوندار, كونتەينەر­لىك تاسىمالداۋدىڭ باسەكەلەستىككە ساي ءمول­شەرلەمەسىن بەكىتۋ جايى دا قاراس­تىرىلدى. تحكد ۇيلەستىرۋ كوميتەتىنىڭ جۇ­مى­سىن تۇراقتى اتقارۋ ءۇشىن ونىڭ ۇيلەستىرۋ كوميتەتىنىڭ تۇراقتى شتاب-پاتەرىن استانادا اشۋ ۋاعدالاسىلدى. ترانسكاسپي حالىقارالىق كولىك كون­سورتسيۋمىنىڭ جۇمىس كەستەسى بەكىتىلدى. اتالعان باعىت قىتايدان قازاقستان ارقىلى كاسپي تەڭىزى, ازەربايجان, گرۋ­زيا, تۇركيا, ودان ءارى قاراي ەۋروپاعا تارتىلادى. تحكد ەۋرازيا قۇرلىعىنداعى كونتەينەرلىك تاسىمالداۋ الەۋەتىن دامىتۋ ارقىلى ساۋدا قاتىناسىنىڭ ورىستەۋىنە جول اشادى. وتىرىس بارىسىندا «قازاقستان تەمىر جولى» ۇك» اق پرەزيدەنتى اسقار مامين ءبىراۋىزدان ترانسكاسپي حالىقارالىق كولىك ءدالىزى (تحكد) ۇيلەستىرۋ كوميتەتىنىڭ توراعاسى بولىپ سايلاندى.  «ەگەمەن-اقپارات»