الماتىداعى ۋنيۆەرسيادا

FISU تاريحىنداعى ەڭ ۇزدىك ويىندار بولماق بۇل كۇندەرى الماتىدا انە-مىنە دەگەنشە جەتىپ كەلەتىن ۋنيۆەرسياداعا قارقىندى قۇرىلىس, قىزۋ دايىن­دىقتار جۇمىسى ءجۇرىپ جاتىر. الداعى ايتۋلى وقيعاعا وراي الماتى قالاسىندا حالىقارالىق ستۋدەنتتەر سپورتى فەدەرا­تسياسى (FISU) دەلەگاتسياسىنىڭ ينسپەكتورلىق ساپارى ءوتتى. FISU كەڭەسى 2017 جىلعى قىسقى ۋنيۆەرسيادا نىساندارىنىڭ دايىندىعىن باقىلاپ, قىسقى ويىنداردى ۇيىمداستىرۋ كوميتەتىنىڭ دەپارتامەنت قىزمەتكەرلەرىمەن جۇمىس بارىسىنداعى كەزدەسۋلەر وتكىزدى. 2017 جىلعى قىسقى ۋنيۆەر­سيادانى ۇيىمداستىرۋ جانە ءوت­كىزۋ جونىندەگى ديرەكتسيا ديرەكتورى اسەت ابدۋاليەۆتىڭ ايتۋىن­شا, جارىسقا دايىندىق پەن ونى ءوت­كىزۋ بويىنشا 800 ۇردىستەن تۇ­راتىن فۋنكتسيالىق جوسپار ءازىر­لەنگەن. ونىڭ ىشىندە اككرەديتتەۋ, سپورتتىق سەرۆيس, برەندينگ, ويىن كەيپى, ەرىكتىلەردى دايىنداۋ, تاسىمالداۋ, مەديتسينالىق قامتۋ, تاراتۋ, تاماقتانۋ, جاريالانىمدار, اشىلۋ جانە جابىلۋ سالتاناتتارىن وتكىزۋ جانە دەلەگاتسيالارعا قىز­مەت كورسەتۋ, تاعىسىن-تاعىلار بار. – وسىنداي جاعدايدا FISU-دىڭ حالىقارالىق ساراپشىلارىنىڭ كومەگى اسا قاجەت. ويتكەنى, قازاق­ستان­دى ەڭ ءىرى سپورتتىق شارانى ءناتي­جەلى وتكىزۋ مىندەتى كۇتىپ تۇر. ۋني­ۆەرسيادا – ۇلتتىق جوبا, ول 1000 جىلدىق تاريحى بار الما­تىنىڭ اتىن الەمگە تانىتىپ, تۋ­ريس­تىك الەۋەتىن ارتتىرادى, – دەيدى اسەت ابدۋاليەۆ. الماتىعا ءبىرىنشى رەت كەلىپ وتىرعان FISU ۆيتسە-پرەزي­دەن­تى ءارى باقىلاۋ كەڭەسىنىڭ ءتور­اعاسى ماريان دىمالسكي ساپار بارىسىندا ۇيىمداستىرۋ كوميتەتىمەن ماڭىزدى كەزدەسۋلەر وتكەنىن مالىمدەي كەلە, ۇي­ىم­داستىرۋ كوميتەتىنىڭ ەسەبىن تىڭ­داپ, باسقوسۋلارعا كوڭىلى تولعانىن اي­تا كەلە, مەنىڭ وسى ساپاردان ال­عان ءبىرىنشى اسەرىم وتە جوعارى دەدى. سول سياقتى قىسقى ۋنيۆەرسيا­دالار FISU ديرەكتورى ميلان اۆ­گۋستين, ويىندارعا دايىندىق بەل­گىلەنگەن ۋاقىت بويىنشا ءجۇ­رىپ جاتقانىن تىلگە تيەك ەتتى. سون­­داي-اق, ۋنيۆەرسياداعا داي­ىن­­­­دىق كەزىندە العا قويىلعان ماق­ساتتاردىڭ بارلىعى ۇلكەن ناتيجە بەرۋ كەرەكتىگىن اتاپ ءوتتى. «2017 جىلعى ۋنيۆەرسياداعا قاتىسۋعا نيەت بىلدىرگەن 60-تان استام مەملەكەت جارىستىڭ ۇيىم­داستىرۋ كوميتەتىنە ريزا بولادى دەگەن سەنىمدەمىز. قازاقستان – الەم حالقىنا تەك بيزنەسپەن ەمەس, سپورتتىق جەتىستىكتەرىمەن دە جاقسى تانىس. بۇل ەلدە وليمپيادا جەڭىمپازدارى مەن جۇلدەگەرلەرى جەتكىلىكتى. مەنىڭ ويىمشا, قازاق­ستان ۋنيۆەرسيادانى ءوز دەڭگەيىندە, ءساتتى وتكىزەدى. FISU تاريحىندا  ال­ماتى ۋنيۆەرسياداسى ەڭ ءساتتى ءارى وزىق بولادى دەپ سەنەمىز», – دەدى قىسقى ۋنيۆەرسيادالار ديرەكتورى ميلان اۆگۋستين. بۇدان بولەك, بۇل كۇندەرى FISU وكىلدەرى ۋنيۆەرسيادا نىسان­دا­رى­نىڭ الاڭدارىن قاراپ كوردى. اتاپ ايتساق, 12 مىڭدىق مۇز سارايى, 3 مىڭدىق مۇز ارەناسى جانە اتلەتيكالىق قالاشىق. سونداي-اق, جارىس وتەتىن – بالۋان شولاق اتىنداعى سپورت سارايى, «Cۇڭقار» حالىقارالىق شاڭعىمەن ترامپليننەن سەكىرۋ كەشەنى, «مەدەۋ» مۇز ايدىنى, «شىمبۇلاق» تاۋ شاڭعىسى كۋرورتى, «الاتاۋ» شاڭ­عى-بياتلون ستاديونى جانە ت.ب. ترەنتينوداعى 2013 جىلعى قىس­قى ۋنيۆەرسيادانىڭ سپورتتىق ديرەكتورى ۋبالدو پرۋكەر الما­تىدا وتەتىن ۋنيۆەرسيادانىڭ بار­­لىق نىساندارى انىقتالعان, قۇ­رى­لىس ءجۇرىپ, جارىقتاندىرۋ جا­عى جاقسارتىلىپ جاتقاندىعىنا توق­تالدى. – بۇل – وتە ماڭىزدى. قازىرگى تاڭدا دالادا وتەتىن سپورت تۇرلە­رىنە كوڭىل ءبولۋ كەرەك. ويتكەنى, بۇل سپورت تۇرلەرى اۋا رايىنا باعى­نىشتى, سونىمەن قاتار, جارىقتاندىرۋدى تالاپ ەتەدى. ۋني­­ۆەرسيادادان كەيىن ارتىنان مۇرا قالدىرۋ جانە تاجىريبە جي­ناقتاۋ ماقساتىندا قولۇشىن بەرىپ جاتقان قازاقستان سپورت قاۋىم­داستىقتارىنا العىسىمدى ءبىل­دىرەمىن, – دەدى حالىقارالىق كە­ڭەسشى. اتلەتتەر قالاشىعىنداعى «پي­راميدا» عيماراتىنداعى اككرەديتتەۋ ورتالىعى سپورتشىلار مەن رەسمي وكىلدەر ءۇشىن وتە ىڭعايلى بولاتىنىن FISU ديرەكتورى لوران بريەل دە اتاپ ءوتتى. قىسقاسى, حالىقارالىق ستۋ­دەنتتەر سپورتى فەدەراتسيا­سى (FISU) دەلەگاتسياسىنىڭ ينس­پەك­تور­لىق ساپارىنىڭ وكىلدەرىنىڭ پىكىرىنە قاراعاندا, الماتىداعى ۋنيۆەرسيادا FISU تاريحىنداعى ەڭ ۇزدىك ويىندار بولماق. ايناش ەسالي, «ەگەمەن قازاقستان» الماتى