سانكت-پەتەربۋرگتىڭ سازدى سالەمى

جاقىندا قازاقستان رەسپۋب­ليكاسى تۇڭعىش پرەزيدەنتى – ەلباسى قورىنىڭىندا اقمولا وبلىسى جانە استانا قالاسى بالالار ءۇيىنىڭ تاربيەلەنۋشىلەرى جانە مۇمكىندىگى شەكتەۋلى بالالاردىڭ, سونداي-اق مۋزىكالىق مەكتەپ-ينتەرناتتار وقۋشىلارىنىڭ الدىندا (250 بالادان استام) ءبىرىنشى رەت سمولنىي شىركەۋىنىڭ كامەرالىق حورى (سانكت-پەتەربۋرگ قالاسى) كونتسەرت بەردى. كونتسەرتپەن قاتار, نەۆا وزە­نى بويىنداعى قالانىڭ جاڭا كەل­بەتىن اشاتىن «پەتەربۋرگ – پەرىشتەلەردىڭ كوزىمەن: يسااكي­دىڭ كوزىمەن» دەپ اتالاتىن فوتو­كور­مە ۇسىنىلدى. فوتوكورمە «يسااكيەۆ شىركەۋى» مەملەكەتتىك مۇراجاي-ەسكەرتكىشىنىڭ باستاۋشى جانە كاسىبي فوتوگرافتاردىڭ سانكت-پەتەربۋرگتى جانە ونىڭ كورىكتى جەرلەرىن كورسەتەتىن جوباسى. «مادەنيەت ارقىلى ۇنقاتىسۋ» حالىقارالىق جوباسىن ىسكە اسىرۋ قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى قورى­نىڭ جانە قازاقستان رەسپۋبلي­كاسى تۇڭعىش پرەزيدەنتى مۇراجايى­نىڭ بىرلەسكەن ءىس-شاراسى بولدى. سول كۇنى «نازارباەۆ ورتالى­عىندا» قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى جانە «يسااكيەۆ شىركەۋى» مۇراجاي-ەسكەرتكىشى اراسىنداعى ارىپتەستىك جانە ىنتىماقتاستىق تۋرالى مەموراندۋمعا قول قويىل­دى. وسىلايشا, جاڭا اۋقىم­دى جوبالاردى ىسكە اسىرۋ ءۇشىن نەگىز قالاندى. – ءبىز ءۇشىن قوردىڭ قىز­مەتىنىڭ مۇمكىندىگىن كەڭەيتۋ, مادەنيەت, تاريح جانە ونەر سا­لاسىنداعى الەمدىك ساراپشىلارمەن ىن­تىماقتاسا جۇمىس ىستەۋ, جاس عا­لىمداردىڭ نازا­رىن اۋدارۋ, وسكەلەڭ ۇر­پاققا ءبىلىم بەرۋ, سونداي-اق دارىن­دى عىلىمي جانە شىعار­ما­شىل جاستاردىڭ ءبىر­لەسكەن عى­­­لىمي جانە عىلىمي-ءتا­جى­ريبەلىك كون­فەرەنتسيالارعا, سە­مي­نار­لارعا جانە سيمپو­زيۋم­دارعا قا­تىسۋى وزەكتى ماسە­لە­لەردىڭ ءبىرى بولىپ تابىلادى, – دەدى قازاقستان رەس­پۋبليكاسىنىڭ تۇڭ­عىش پرە­­زيدەنتى – ەلباسى قورىنىڭ ات­قارۋشى ديرەكتورى ساعىندىق نۇراحانوۆ. «ەگەمەن-اقپارات»