ەلورداداعى ونەر ەسەبى

جۋىردا جامبىل وبلىستىق قازاق دراما تەاترى ەل تاۋەلسىزدىگىنىڭ 25 جىلدىعىنا جانە ونەر شاڭىرا­عى­نىڭ 80 جىلدىق مەرەيتويىنا وراي شىعارماشىلىق ەلوردادا ەسەپ بەردى. تەاتردىڭ گاسترولدىك قويى­لىمدارى جاس­تار تەاترىندا كور­سەتىلدى. قالا قوناقتارى جام­بىل تەاترى قويعان قازاق حاندىعىنىڭ قۇرىلۋ تاريحى باياندالاتىن ق.ىس­قاق پەن ش.قۇسايىنوۆتىڭ «قا­زاقتار» تاريحي دراماسىن ەرەكشە ىقىلاسپەن تاماشالادى. تۋعان ەل مەن تۋعان جەردى قور­عاۋ يدەياسىن ناسيحاتتاپ, جاس ۇر­پاققا پاتريوتتىق تاربيە بەرۋ ماق­ساتىندا ساحنالانعان ءا.فاي­زۋللا ۇلىنىڭ «التىن ادام» اڭىز-ەرتەگىسى استانالىق جاستار مەن كىشكەنتاي بۇلدىرشىندەردىڭ كوڭى­لىنەن شىقتى. اسىرەسە, اتالمىش تەاتردىڭ ءاي­گىلى كومپو­زيتور ش.قالداياقوۆتىڭ ءومىر جولىنىڭ كوپشىلىككە بەيمالىم تۇستارى مەن تىلسىم ساتتەرى سۋرەت­تەلەتىن ي.ساپاربايدىڭ «سىعان سەرەناداسى» مۋزىكالىق دراماسىن كورەرمەن قاۋىم ريزاشىلىقپەن جىلى قابىلداپ, جامبىلدىق ارتىستەردىڭ ونەرىنە ءتانتى بولدى. كورەرمەن كوزايىمىنا بولەنىپ, كوپشىلىك كوڭى­لىنەن شىققان تەاتر ۇجىمىنا ءما­دەنيەت جانە سپورت ءمينيسترىنىڭ, سونداي-اق استانا جاستار تەاترىنىڭ العىس حاتتارى تابىس ەتىلدى.  «ەگەمەن-اقپارات»