باتىرحان شۇكەنوۆتىڭ جاڭا كليپى

ونىڭ تۋعان كۇنىنە وراي ءتۇسىرىلدى ءانشى باتىرحان شۇكەنوۆتىڭ «اسەل» انىنە جاڭا كليپ ءتۇسىرىلدى. «باتىرحان شۇكەنوۆ اتىنداعى قوعامدىق قور» بۇل بەينەباياندى مارقۇم ءانشىنىڭ تۋعان كۇنىنە وراي دايىنداعان ەكەن. ءادىل شەكىلوۆتىڭ انىنە ءتۇسى­رىلگەن بەينەباياندا باتىرحان شۇكەنوۆتىڭ سيرەك كەزدەسەتىن كادرلارى, ونىڭ دوستارى, ءارىپ­تەستەرى ەنگەن. سونىمەن قاتار, گاسترولدىك ساپاردا جۇرگەن ءسات­تەرى, ستۋدياداعى تۇسىرىلىمدەر جانە 1993 جىلى جازىلعان «دجۋليا» ءانىنىڭ ەپيزودتارى كورىنىس تاپقان. اتالعان قوردىڭ قىزمەت­كەرلەرى جاڭا كليپتەگى كەيىپكەردىڭ ويدان قۇراستىرىلعانىن ءمالىم­دەدى. ال الداعى ۋاقىتتا باتىرحان شۇكەنوۆ جايلى كوركەم فيلم ءتۇسىرۋ جوسپاردا بار. بىراق قار­جىنىڭ تاپشىلىعىنان ءازىر باستاۋعا مۇمكىندىك بولماي تۇر­عان كورىنەدى. – ول سونداي مەيىرىمدى جان ەدى, ەشكىمگە داۋىس كوتەرىپ ءسوي­لەگەن ەمەس. ءوزىنىڭ ەرەكشە دارىنىمەن كوپشىلىكتىڭ ىستىق ىقىلاسىنا بولەندى. ءبىز بۇل بەينەباياندا باتىرحاننىڭ ومىردەگى كەلبەتىن بارىنشا شىنايى كور­سەتۋگە تالپىندىق, – دەيدى ءانشى اتىن­داعى قوعامدىق قوردىڭ ات­قارۋشى ديرەكتورى جەمىس يساباەۆا. ايتا كەتەيىك, A’Studio توبى­نىڭ ەكس-ءانشىسى 2015 جىلدىڭ 28 ساۋىرىندە ماسكەۋ قالاسىندا جۇرەك تالماسىنان قايتىس بولعان ەدى. ايان ءابدۋالي, «ەگەمەن قازاقستان»