2015 جىلعى 22 جەلتوقسان استانا قالاسى
ۋاكىلەتتى ورگان جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جاساۋ جونىندەگى ۇيلەستىرۋ كەڭەسى تۋرالى ەرەجەسىن بەكىتۋ تۋرالى
«قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىقاقىلار تۋرالى» قازاقستان رەسپۋبليكاسىنىڭ 2015 جىلعى 12 ساۋىردەگى زاڭىنىڭ 4-1-بابىنىڭ 2-3) تارماقشاسىنا سايكەس بۇيىرامىن:
1. قوسا بەرىلىپ وتىرعان ۋاكىلەتتى ورگان جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى ۇيلەستىرۋ كەڭەسى تۋرالى ەرەجەسى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ, قازاقستان رەسپۋبليكاسى ءنورماتيۆتى قۇقىقتىق اكتىلەرىنىڭ ەتالوندى باقىلاۋ بانكىنە ەنگىزۋ ءۇشىن ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرىلعان ەلەكتروندىق تۇردەگى وسى بۇيرىقتىڭ كوشىرمەلەرىن جولداۋدى;
3) وسى بۇيرىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى مادەنيەت جانە سپورت ءمينيسترى ا. مۇحامەدي ۇلى
قازاقستان رەسپۋبليكاسى مادەنيەت جانە سپورت ءمينيسترىنىڭ
2015 جىلعى 22 جەلتوقسانداعى № 404 بۇيرىعىمەن بەكىتىلگەن
ۋاكىلەتتى ورگان جانىنداعى ۇكىمەتتىك ەمەس ۇيىمدارمەن
ءوزارا ءىس-قيمىل جاساۋ جونىندەگى ۇيلەستىرۋ كەڭەسى تۋرالى ەرەجە
1. جالپى ەرەجەلەر
1. ۋاكىلەتتى ورگان جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جاساۋ جونىندەگى ۇيلەستىرۋ كەڭەسى (بۇدان ءارى - ۇيلەستىرۋ كەڭەسى) ۇكىمەتتىك ەمەس ۇيىمدارمەن ءوزارا ءىس-قيمىل سالاسىنداعى ۋاكىلەتتى ورگاننىڭ (بۇدان ءارى - ۋاكىلەتتى ورگان) جانىنداعى كونسۋلتاتيۆتىك-كەڭەسشى ورگان بولىپ تابىلادى.
2. ۇيلەستىرۋ كەڭەسى ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, 1996 جىلعى 31 مامىرداعى «قوعامدىق بىرلەستىكتەر تۋرالى», 2001 جىلعى 16 قاڭتارداعى «كوممەرتسيالىق ەمەس ۇيىمدار تۋرالى», 2005 جىلعى 12 ساۋىردەگى «قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىقاقىلار تۋرالى» قازاقستان رەسپۋبليكاسىنىڭ زاڭدارىن, ۇكىمەتتىك ەمەس ۇيىمدارمەن ءوزارا ءىس-قيمىل سالاسىنداعى وزگە دە نورماتيۆتىك قۇقىقتىق اكتىلەردى, سونداي-اق وسى ۋاكىلەتتى ورگان جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جاساۋ جونىندەگى ۇيلەستىرۋ كەڭەسى تۋرالى ەرەجەنى باسشىلىققا الادى.
2. ۇيلەستىرۋ كەڭەسىنىڭ مىندەتتەرى جانە فۋنكتسيالارى
3. ۇيلەستىرۋ كەڭەسىنىڭ نەگىزگى مىندەتتەرى:
1) مەملەكەتتىك ورگاندار مەن ۇكىمەتتىك ەمەس ۇيىمداردىڭ ءوزارا ءىس-قيمىلىن جەتىلدىرۋ;
2) مەملەكەتتىك الەۋمەتتىك تاپسىرىستى قالىپتاستىرۋ جانە ىسكە اسىرۋ بويىنشا ۇسىنىستاردى ازىرلەۋگە ۇكىمەتتىك ەمەس ۇيىمداردى تارتۋ;
3) ازاماتتىق باستامانىڭ ءوسۋى ءۇشىن جاعداي جاساۋ;
4) مەملەكەتتىك ورگاندار مەن ۇكىمەتتىك ەمەس ۇيىمداردىڭ ءوزارا ءىس-قيمىل جاساۋ ماسەلەلەرى بويىنشا نورماتيۆتىك قۇقىقتىق اكتىلەردى جەتىلدىرۋ بولىپ تابىلادى.
4. ۇيلەستىرۋ كەڭەسى جۇكتەلگەن مىندەتتەردى ىسكە اسىرۋ ماقساتىندا, مىناداي فۋنكتسيالاردى ورىندايدى:
1) ۇكىمەتتىك ەمەس ۇيىمداردىڭ دامۋى ءۇشىن قولايلى جاعداي جاساۋ جونىندە ۇسىنىستار ازىرلەيدى;
2) ۇكىمەتتىك ەمەس ۇيىمدار ءۇشىن سىيلىقاقىلاردى تاعايىنداۋ بويىنشا ۇسىنىمداردى ازىرلەيدى;
3) مەملەكەتتىك ورگاندار مەن ۇكىمەتتىك ەمەس ۇيىمدار اراسىنداعى ءوزارا ءىس-قيمىل جاساۋدىڭ تيىمدىلىگىن ارتتىرۋ بويىنشا ۇسىنىستاردى ازىرلەيدى;
4) مەملەكەتتىك الەۋمەتتىك تاپسىرىستى ىسكە اسىرۋ, ۇكىمەتتىك ەمەس ۇيىمدار ءۇشىن گرانتتاردى ءبولۋ جانە سىيلىقاقىلاردى تاعايىنداۋ ماسەلەلەرىن قارايدى;
5) ۇيلەستىرۋ كەڭەسى وتىرىستارىنا مەملەكەتتىك ورگاندار جانە وزگە ۇيىمدار وكىلدەرىن شاقىرادى جانە تىڭدايدى;
6) ۇيلەستىرۋ كەڭەسى قۇزىرەتىنە كىرەتىن ماسەلەلەرى بويىنشا مەملەكەتتىك ورگاندار جانە وزگە ۇيىمداردان ءتيىستى ماتەريالدار مەن قۇجاتتاردى سۇراتادى.
3. ۇيلەستىرۋ كەڭەسىنىڭ قىزمەتىن ۇيىمداستىرۋ
5. ۇيلەستىرۋ كەڭەسىنىڭ قۇرامى توراعادان, توراعانىڭ ورىنباسارىنان, حاتشىدان جانە مەملەكەتتىك ورگاندار جانە ۇكىمەتتىك ەمەس ۇيىمدار وكىلدەرى قاتارىنان قالىپتاستىرىلاتىن ۇيلەستىرۋ كەڭەسىنىڭ مۇشەلەرىنەن قۇرالادى.
ۇيلەستىرۋ كەڭەسىندەگى ۇكىمەتتىك ەمەس ۇيىمدار وكىلدەرىنىڭ قۇرامىنا ەكى جىلدا ءبىر رەتتەن كەم ەمەس وزگەرىستەر ەنگىزىلەدى.
6. ۇيلەستىرۋ كەڭەسىن توراعا باسقارادى.
7. توراعا:
1) ۇيلەستىرۋ كەڭەسىنىڭ قىزمەتىنە باسشىلىقتى جۇزەگە اسىرادى;
2) ۇيلەستىرۋ كەڭەسىنىڭ وتىرىستارىندا توراعالىق ەتەدى;
3) ۇيلەستىرۋ كەڭەسىنىڭ جۇمىس جوسپارىن بەكىتەدى;
4) ۇيلەستىرۋ كەڭەسىنىڭ وتىرىس حاتتامالارىنا قول قويادى.
توراعا بولماعان جاعدايدا ونىڭ فۋنكتسيالارىن ورىنباسارى اتقارادى.
8. ۇيلەستىرۋ كەڭەسىنىڭ حاتشىسى ۇيلەستىرۋ كەڭەسىنىڭ جۇمىس جوسپارىن ازىرلەۋدى قامتاماسىز ەتەدى, وتىرىس حاتتاماسىن رەسىمدەيدى. حاتشىنىڭ داۋىس بەرۋ قۇقىعى جوق.
9. ۇيلەستىرۋ كەڭەسىنىڭ وتىرىستارى كەمىندە جارتىجىلدا ءبىر رەت وتكىزىلەدى. ۇيلەستىرۋ كەڭەسى مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسسا, ۇيلەستىرۋ كەڭەسىنىڭ وتىرىسى زاڭدى بولىپ سانالادى.
10. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق ساياسي جۇمىس كوميتەتى ۇيلەستىرۋ كەڭەسىنىڭ جۇمىس ورگانى بولىپ تابىلادى.
ۇيلەستىرۋ كەڭەسىنىڭ جۇمىس ورگانى ۇيلەستىرۋ كەڭەسىنىڭ جۇمىسىن ۇيىمداستىرۋشىلىق-تەحنيكالىق قامتاماسىز ەتۋدى جۇزەگە اسىرادى, ونىڭ ىشىندە كەڭەس وتىرىسىنىڭ كۇن ءتارتىبى بويىنشا ۇسىنىستاردى, قاجەتتى قۇجاتتاردى, ماتەريالداردى دايىندايدى, ولار ۇيلەستىرۋ كەڭەسىنىڭ حاتشىسىمەن ۇيلەستىرۋ كەڭەسىنىڭ وتىرىسى وتكىزىلگەنگە دەيىن ءۇش جۇمىس كۇنى قالعاندا حاتتاما جوباسىمەن قوسا ۇيلەستىرۋ كەڭەسىنىڭ مۇشەلەرىنە جىبەرىلەدى.
11. ۇيلەستىرۋ كەڭەسىنىڭ شەشىمدەرى اشىق داۋىس بەرۋ ارقىلى قابىلدانادى جانە ەگەر ولارعا قاتىسىپ وتىرعان ۇيلەستىرۋ كەڭەسى مۇشەلەرىنىڭ جالپى سانىنىڭ كوپشىلىگى داۋىس بەرسە قابىلداندى دەپ ەسەپتەلەدى.داۋىستار تەڭ بولعان جاعدايدا, توراعا داۋىس بەرگەن شەشىم قابىلداندى دەپ ەسەپتەلەدى.
12. ۇيلەستىرۋ كەڭەسىنىڭ شەشىمدەرى حاتتامامەن رەسىمدەلەدى جانە ۇسىنىمدىق سيپاتتا بولادى.
13. ۇيلەستىرۋ كەڭەسى مۇشەلەرى ەرەكشە پىكىرلەر ايتقان جاعدايدا, ونى جازباشا تۇردە جازادى جانە ۇيلەستىرۋ كەڭەسىنىڭ حاتتاماسىنا قوسا بەرەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12623 بولىپ ەنگىزىلدى.