7 كوللەكتورلىق اگەنتتىكتە جالپى سوماسى 11,8 ميلليارد تەڭگەگە كىرىستەردى اسىرا كورسەتۋ فاكتىلەرى انىقتالعان. بۇل تۋرالى مەملەكەتتىك كىرىستەر كوميتەتى مالىمدەدى, دەپ حابارلايدى Egemen.kz.
ۆەدومستۆونىڭ مالىمەتىنشە, تولەنبەگەن قوسىلعان قۇن سالىعى (ققس) 128 ميلليون تەڭگەنى قۇراعان. ققس بويىنشا ەسەپكە تىركەلمەگەنى ءۇشىن سالىق تولەمەگەندەرگە 1,6 ميلليون تەڭگە كولەمىندە ايىپپۇل ەسەپتەلگەن.
اقتوبەدە ليتسەنزياسى جوق لومبارد 93 ميلليون تەڭگە تابىس تاپقان
«بۇدان بولەك, ۇقساس بەلگىلەرى بار تاعى 15 سالىق تولەۋشى انىقتالدى. ولاردا كىرىستەردى اسىرا كورسەتۋ كولەمى 61,6 ميلليارد تەڭگەگە, ال بولجامدى تولەنبەگەن ققس سوماسى 7,4 ميلليارد تەڭگەگە باعالانىپ وتىر. قازىرگى ۋاقىتتا اتالعان فاكتىلەر بويىنشا تەكسەرۋ جۇمىستارى جالعاسىپ جاتىر», دەلىنگەن حابارلامادا.
اقمولا وبلىسىندا مادەنيەت ءۇيىنىڭ ەسەپشىسى 58 ميلليون تەڭگە جىمقىرعان
كوميتەت مالىمەتىنە سايكەس, جەكەلەگەن كوللەكتورلىق اگەنتتىكتەر سالىق سالىناتىن تابىستى تومەندەتۋ سحەمالارىن قولدانعان. اتاپ ايتقاندا, اگەنتتىكتەر بانكتەردەن بەرەشەكتى نومينالدىق قۇنىنان تومەن باعادا ساتىپ الىپ, كەيىن بورىشكەرلەردەن ءوندىرىپ الىنعان قاراجاتتى كەي جاعدايلاردا ققس-تان بوساتىلعان وپەراتسيالار رەتىندە كورسەتكەن.