الماتى وبلىسىندا بەس اي بۇرىن الماتى – جاندوسوۆ – بەسمويناق تاسجولىندا بولعان جول-كولىك وقيعاسىنا قاتىستى ءىس قارالىپ, سوت ۇكىمى شىعارىلدى, دەپ حابارلايدى Egemen.kz.
وقيعا سالدارىنان ءبۇتىن ءبىر وتباسى زارداپ شەككەن. قارسى باعىتتا كەلە جاتقان كولىك جۇرگىزۋشىسى جىلدامدىقتى اسىرىپ, كولىك شامىن قوسپاي جۇرگەن. سونىڭ ناتيجەسىندە جول اپاتى بولىپ, اكە مەن ونىڭ ءۇش كامەلەتكە تولماعان بالاسى اۋىر جاراقات العان بولاتىن.
قاراعاندى وبلىسىندا جول اپاتىنان ەكى ادام قازا تاپتى
جابىرلەنۋشى رومان سميرنوۆتىڭ ايتۋىنشا, ولاردىڭ امان قالۋىنا كەزدەيسوق جاعداي سەبەپ بولعان. ونىڭ سوزىنشە, بالالاردىڭ ءبىرى اياق-قولىنان اۋىر جاراقات السا, ۇلكەن ۇلىنىڭ جاق سۇيەگى زاقىمدانعان.
«ەگەر ول كولىك قارسى باعىتتا تۋرا كەلگەن بولسا مەن سول جەردە قازا تابار ەدىم. جىلدامدىق وتە قاتتى بولدى. كىشى ۇلىمنىڭ ەكى اياعىنىڭ تومەنگى بولىگى سىنعان. ۇلكەن ۇلىمنىڭ جاق سۇيەگى زاقىمدانعان», دەدى جابىرلەنۋشى رومان سميرنوۆ.
قازىرگى ۋاقىتتا وتباسى ۇزاق وڭالتۋ ەمىنەن ءوتىپ جاتىر. وتباسىنىڭ الەۋمەتتىك جاعدايى ناشارلاعاندىقتان, 80 ميلليون تەڭگە كولەمىندە وتەماقى تالاپ ەتكەن. جابىرلەنۋشى تاراپتىڭ ادۆوكاتى ايىپتالۋشىنىڭ وكىنىش بىلدىرمەگەنىن جانە كەشىرىم سۇراماعانىن اتاپ ءوتتى. سونداي-اق ول ايىپتالۋشىنىڭ ءوز جاعدايىن اۋىر دەپ كورسەتىپ, جاۋاپكەرشىلىكتەن جالتارۋعا تىرىسىپ وتىرعانىن جەتكىزدى.
قوستاناي وبلىسىندا جول اپاتىنان 4 ادام قايتىس بولدى
تەرگەۋ بارىسىندا كولىك جۇرگىزۋشىسىنىڭ وقيعا كەزىندە ماس كۇيدە بولعانى انىقتالعان. سوت ۇكىمىمەن ايىپتالۋشى كىنالى دەپ تانىلىپ, 1 جىل 6 ايعا باس بوستاندىعىنان ايىرىلدى. سونىمەن قاتار وعان 10 جىلعا كولىك باسقارۋ قۇقىعىنان ايىرۋ جازاسى تاعايىندالدى. جابىرلەنۋشى تاراپتىڭ پايداسىنا 35 ميلليون تەڭگە مورالدىق وتەماقى ءوندىرىلدى.
سوت شەشىمىنە قاراماستان, جابىرلەنۋشى وتباسى وتەماقى مولشەرىن جەتكىلىكسىز دەپ ساناپ, ونى قايتا قاراۋدى تالاپ ەتىپ وتىر.