مەملەكەت باسشىسى قاسىم-جومارت كەمەل ۇلى توقاەۆ «قازاقستان رەسپۋبليكاسىنىڭ ورتا ءبىلىم بەرۋ جۇيەسىنە جاساندى ينتەللەكتىنى ەنگىزۋ جونىندەگى شارالار تۋرالى» جارلىققا قول قويدى. بۇل ەلىمىزدىڭ ءبىلىم جۇيەسىن جاڭا ساپالىق دەڭگەيگە كوتەرەتىن ستراتەگيالىق شەشىم. جاڭا قۇجات – ءاربىر وقۋشىنىڭ ساپالى بىلىمگە تەڭ قولجەتىمدىلىگىن قامتاماسىز ەتۋگە ارنالعان ماڭىزدى قادام.
شىندىعىندا, جاساندى ينتەللەكت مۇمكىندىكتەرى, اسىرەسە شالعاي وڭىرلەردەگى اۋىل مەكتەپتەرىنە تىڭ سەرپىن بەرەدى. سونداي-اق وقۋشىلاردىڭ جەكە دامۋ ءبىلىم تراەكتورياسى, مۇعالىمدەردىڭ كاسىبي دامۋى, زاماناۋي تسيفرلى ينفراقۇرىلىم, جوعارى جىلدامدىقتى ينتەرنەت – مۇنىڭ بارلىعى ءبىلىم ساپاسىنداعى الشاقتىقتى ازايتىپ, جاڭا مۇمكىندىكتەر كەزەڭىنە جول اشادى. ەڭ باستىسى, جارلىقتا پەداگوگ مارتەبەسى مەن ۇستاز رولىنە ايرىقشا ءمان بەرىلگەن. جاساندى ينتەللەكت پەداگوگتى الماستىرمايدى, كەرىسىنشە ونىڭ جۇمىسىن جەڭىلدەتەتىن قوسىمشا قۇرالعا اينالادى.
ءبىلىم سالاسىندا الدىمىزدا تۇرعان اۋقىمدى مىندەتتەر كوپ. الداعى ۋاقىتتا دا مەملەكەت باسشىسىنىڭ تاپسىرمالارىن ساپالى ءارى ناتيجەلى جۇزەگە اسىرۋ ءۇشىن جۇيەلى جۇمىس جۇرگىزىلەتىن بولادى. ءبىزدىڭ ماقسات – جاساندى ينتەللەكتىنى ەلدىڭ ادامي كاپيتالى مەن بولاشاق ۇرپاقتىڭ الەۋەتىن ارتتىرۋدىڭ ناقتى قۇرالىنا اينالدىرۋ.
جۇلدىز سۇلەيمەنوۆا,
وقۋ-اعارتۋ ءمينيسترى