ەلىمىزدە اۆتومەكتەپتەردىڭ قىزمەتىنە جۇرگىزىلگەن تەكسەرۋلەر بىرقاتار ورەسكەل ولقىلىقتى انىقتادى. ىشكى ىستەر مينيسترلىگى زاڭ تالاپتارىن بۇزعان وقۋ توپتارىنىڭ جۇمىسىن توقتاتقانىن مالىمدەدى, دەپ حابارلايدى Egemen.kz.
ءىىم اۋماقتىق بولىمشەلەرى جۇرگىزگەن تەكسەرىس بارىسىندا قازىرگى تاڭدا 727 اۆتومەكتەپ جۇرگىزۋشىلەردى دايارلايتىنى بەلگىلى بولدى. الايدا ولاردىڭ قىزمەتىندە بىرقاتار كەمشىلىك انىقتالعان. اتاپ ايتقاندا, كوپتەگەن اۆتودرومداردا جول بەلگىلەرى, جول تاڭبالارى مەن جارىقتاندىرۋ جەتكىلىكسىز, ال كەيبىر وقۋ كولىكتەرى تەحنيكالىق اقاۋمەن پايدالانىلعان.
انىقتالعان زاڭبۇزۋشىلىقتاردى جويۋ ءۇشىن 20 ۇيعارىم بەرىلدى. سونىمەن قاتار, 59 وقۋ ۇيىمى جۇرگىزۋشىلەردى دايارلاۋ كەزىندە مىندەتتى تەحنيكالىق تەكسەرۋدەن وتپەگەن جانە ساقتاندىرۋ ءپوليسى جوق كولىكتەردى پايدالانعانى بەلگىلى بولدى.
تەكسەرۋ ناتيجەسىندە ءىىم اكىمشىلىك پوليتسيا كوميتەتى 701 وقۋ توبىنىڭ قىزمەتىن توقتاتتى.
ىشكى ىستەر مينيسترلىگى جەلىدە تاراعان جالعان اقپاراتقا قاتىستى تۇسىنىكتەمە بەردى
ۆەدومستۆو مالىمەتىنشە, اۆتومەكتەپتەردىڭ ەسەبى مەن وقۋ توپتارىن تىركەۋ «اۆتومەكتەپ» اقپاراتتىق جۇيەسى ارقىلى جۇرگىزىلەدى. بۇل جۇيە ارقىلى بەرىلگەن كۋالىكتەردىڭ زاڭدىلىعىن, وقۋ باعدارلاماسىنىڭ ورىندالۋىن جانە وقۋ كولىكتەرىنىڭ ەسەبىن ونلاين رەجيمدە تەكسەرۋگە بولادى.
بۇدان بولەك, سالاداعى باقىلاۋدى كۇشەيتۋ ماقساتىندا اۆتومەكتەپ اشۋ ءتارتىبىن حابارلامالىق جۇيەدەن رۇقسات بەرۋ فورماتىنا كوشىرۋ ۇسىنىلىپ وتىر. سونداي-اق ولاردىڭ قىزمەتىنە مەملەكەتتىك باقىلاۋ تەتىكتەرىن ەنگىزۋ كوزدەلگەن.
وسى باعىتتاعى وزگەرىستەردى قامتيتىن «جول ءجۇرىسى تۋرالى» زاڭعا تۇزەتۋلەر ەنگىزۋ جونىندەگى زاڭ جوباسى ماجىلىستە قارالىپ جاتىر.
ىشكى ىستەر مينيسترلىگى «اۆتومەكتەپ» اقپاراتتىق جۇيەسىن ەنگىزدى