ەلوردادا تۇرعىنداردى شوشىتقان وقيعاعا قاتىستى ءمان-جاي انىقتالدى. تەكسەرۋ بارىسىندا اۋلادا قولىنا پىشاق ۇستاپ جۇگىرگەن بالانىڭ 7 جاستا ەكەنى بەلگىلى بولدى, دەپ جازادى Egemen.kz.
كۋاگەرلەردىڭ ايتۋىنشا, كوكتال شاعىن اۋدانىندا بالا ءوزىن اگرەسسيۆتى ۇستاپ, قولىنداعى پىشاقپەن ءوتىپ بارا جاتقان ادامدارعا جاقىنداعان.
جاڭاوزەندە اۋرۋحانالاردىڭ بىرىندە دارىگەردى پىشاقتاپ كەتتى
اتالعان دەرەك بويىنشا پوليتسيا تەكسەرۋ جۇرگىزىپ, بالانىڭ جەكە باسىن انىقتادى. ناتيجەسىندە, بولعان جاعداي ءۇشىن ونىڭ زاڭدى وكىلى جاۋاپكەرشىلىككە تارتىلدى. سونداي-اق وعان بالانى تيىسىنشە تاربيەلەمەگەنى ءۇشىن ايىپپۇل سالىندى. ءىس ماتەريالدارى اۋدان اكىمدىگى جانىنداعى كامەلەتكە تولماعانداردىڭ ىستەرى جونىندەگى كوميسسياعا جولداندى.
قۇقىق قورعاۋ ورگاندارى اتا-انالارعا بالالاردىڭ قاۋىپسىزدىگى مەن تارتىبىنە مۇقيات قاراۋ قاجەتتىگىن ەسكەرتەدى.
30 جەردەن پىشاق سۇققان: 7 بالانىڭ اكەسىن ءولتىردى دەگەن كۇدىكپەن ايەلى مەن ەنەسى ۇستالدى