استانا. 13 مامىر. ءۇندىستاننىڭ شىعىسىنداعى باتىس بەنگاليا شتاتىندا ۇيلەنۋ تويى كەزىندە جول اپاتىنان 8 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
DNA باسىلىمىنىڭ اقپارىنا سۇيەنەر بولساق, جول-كولىك وقيعاسى باتىس ميدناپۋر وكرۋگىندە بولدى. پوليتسيا قىزمەتكەرلەرى ۇيلەنۋ تويى كەزىندە مەيماندار مىنگەن پيكاپ ءاۆتوموبيلى جول جيەگىندەگى اعاشقا سوعىلىپ, اۋدارىلىپ قالعان. سالدارىنان 6 ادام وقيعا ورنىندا قازا تاپسا, 2 ادام اۋرۋحاناعا بارار جولدا قايتىس بولعان.
ال كۇيەۋ جىگىت پەن قالىڭدىق باسقا كولىكتە بولعاندىقتان زارداپ شەكپەگەن.
ايتا كەتەيىك, اتالعان مەملەكەت جول اپاتى مەن وسىدان قازا تابۋشىلار كورسەتكىشى بويىنشا الەمدە الدىڭعى ەلدەردىڭ قاتارىندا تۇر. بەيرەسمي مالىمەتتەر بويىنشا, ءۇندىستاندا جىلىنا 200 مىڭعا جۋىق ادام جول-كولىك وقيعاسىنان وپات بولىپ, جۇزدەگەن مىڭى ءتۇرلى دەڭگەيدە جاراقات الادى.
ايان ءابدۋالي.
دەرەك, فوتو: ريا «نوۆوستي».