استانا. 5 مامىر. بۇگىن فۋتبولدان قازاقستان پرەمەر-ليگاسىنىڭ 9-تۋر ويىندارى وينالدى. التى كەزدەسۋدىڭ بەسەۋىندە ەسەپ اشىلسا, ءبىر ماتچتا گول سوعىلعان جوق. بۇل تۋرالى egemen.kz ءتىلشىسى حابارلادى.
تۋرنير كەستەسىندە كوش باستاپ كەلە جاتقان «استانا» مەن پاۆلوداردىڭ «ەرتىسى» بۇل جولى دا قارسىلاستارىنان باسىم ءتۇستى. ەلوردالىقتار سىرت الاڭدا كوكشەتاۋدىڭ «وقجەتپەسىن» 1:0 ەسەبىمەن جەڭسە, «ەرتىس» پاۆلوداردا قوستانايدىڭ «توبىلىن» 3:1 ەسەبىمەن تىزە بۇكتىردى.
سونىمەن قاتار, تۋر بارىسىندا جانكۇيەرلەر نازار اۋدارعان ويىن رەتىندە الماتىنىڭ «قايراتى» مەن تالدىقورعاننىڭ «جەتىسۋى» اراسىنداعى كەزدەسۋدى ايتۋعا بولادى. بىلتىر ەۋروپا ليگاسىنىڭ ىرىكتەۋ سىنىندا جاسىنداي جارقىلداعان «قايرات» ازىرگە كىبىرتىكتەپ كەلەدى. ماۋسىم باستالعالى ەكى-اق رەت جەڭىسكە جەتكەن الماتىلىقتار بۇگىنگى ويىندا ءوز جانكۇيەرلەرىن ءۇشىنشى مارتە قۋانتتى. «جەتىسۋدان» 2:0 ەسەبىمەن ايلاسىن اسىرعان «قايرات» ازىرگە تۋرنير كەستەسىندە 6-ورىندا تۇر.
9-تۋر ويىندارىنىڭ ناتيجەلەرى:
«وقجەتپەس» (كوكشەتاۋ) – «استانا» (استانا) 0:1
گول: دجوردجە دەسپوتوۆيچ 74.
«اقجايىق» (ورال) – «اقتوبە» (اقتوبە) 0:0
«ەرتىس» (پاۆلودار) – «توبىل» (قوستاناي) 3:1
گولدار: بايە فالل 25, رومان مۇرتازاەۆ 74, گوگيتا گوگۋا 76 (پەنالتي) – نۇربول جۇماسقاليەۆ 44.
«تاراز» (تاراز) – «شاحتەر» (قاراعاندى) 1:2
گولدار: باۋىرجان بايتانا 90+3 – سەرگەي سكورىح 71, اندرەي فينونچەنكو 76.
«اتىراۋ» (اتىراۋ) – «ورداباسى» (شىمكەنت) 2:2
گولدار: پشەمىسلاۆ ترىتكو 45, 86, جاسۇر نارزىقۇلوۆ 51 (اۆتوگول) – فيليپپ كاساليتسا 5.
«قايرات» (الماتى) – «جەتىسۋ» (تالدىقورعان) 2:0
گولدار: گاەل تاۆامبا 72 – باۋىرجان تۇرىسبەك 25 (اۆتوگول).
9-تۋر ويىندارىنىڭ قورىتىندىسى بويىنشا تۋرنير كەستەسى
ۇزدىك مەرگەندەر:
رومان مۇرتازاەۆ («ەرتىس») – 6 گول;
گوگيتا گوگۋا («ەرتىس») – 4 گول;
سامات سماقوۆ («اقتوبە») – 4 گول;
دجوردجە دەسپوتوۆيچ («استانا») – 4 گول.
10-تۋر ويىندارى 9-10 مامىر كۇنى وينالادى. اتالعان تۋرداعى قارسىلاستار رەتى تومەندەگىدەي:
9 مامىر
«اقتوبە» – «اتىراۋ»
«ەرتىس» – «تاراز»
«ورداباسى» – «شاحتەر»
10 مامىر
«استانا» – «اقجايىق»
«جەتىسۋ» – «وقجەتپەس»
«توبىل» – «قايرات».
ەلامان قوڭىر.
دەرەك: egemen.kz.
فوتو: pflk.kz.