جانارىم – مەنىڭ جۇرەگىم

مۇمكىندىگى شەكتەۋلى, ياع­ني زاعيپ قامكوڭىل جاس­تار­دىڭ ينتەللەكتۋالدىق, شىعار­ماشىلىق قابىلەتتەرىن ەسكەرىپ, اقپاراتتىق كەڭىستىكتە ناسيحاتتاپ, جۇرەكتەرىنە شىراق, كو­ڭىلدەرىنە شۋاق سىيلاۋ – ءبىزدىڭ كىتاپحانانىڭ باستى مىندەتى. ولارعا قوعامدا تەڭ ەكەندىكتەرىن سەزىنىپ جۇرۋلەرىنە قامقورلىق جاساپ, قولداۋ كورسەتىپ, ومىردە ءوز ورنىن تاۋىپ, بيىك بەلەستەرگە جەتكەن زاعيپ ازاماتتاردىڭ ءومىرىن ارقاۋ ەتۋ ارقىلى كوپ­تەگەن الەۋمەتتىك-ساۋىقتىرۋ جۇ­مىستارى جۇرگىزىلۋدە. وبلىستا 5 مىڭنان اسا ءى-ءىى توپتاعى كوزى كەم مۇگەدەكتەر تۇ­رادى. بۇل كىسىلەردىڭ ىشىندە كوپتەگەن زاعيپ جاندار جوعارى ءبىلىمدى, بىرەۋلەرى ولەڭ جازىپ, ءان ايتسا, ال بىرەۋلەرى كەزىندە بىرنەشە سپورت تۇرلەرىنەن چەمپيون اتانعان جاندار. جانە ءالى كۇنگە سپورتتان قول ۇزگەن ەمەس. ءتۇرلى وقيعا سالدارىنان كوز جانارىنان ايىرىلعان ازاماتتار ۇلكەن كۇيزەلىسكە ۇشىراپ, ءتىپتى, ومىرىمەن قوشتاسقىسى كەلىپ ءوز-وزىنە قول جۇمساپ جات­قان جاعدايلار دا جوق ەمەس. سوندىقتان, زاعيپ جان­داردىڭ رۋحىن كوتەرۋ ماقساتىندا كىتاپحانا كوپتەگەن جۇمىستار اتقارىپ كەلەدى. جاقىندا كىتاپحانادا ءتاۋ­ەل­­سىزدىكتىڭ 25 جىلدىعىنا ار­نالعان كەش ۇيىمداستىرىلىپ, كەلۋشىلەر كوز مۇگەدەكتەرىنىڭ ينتەللەكتۋالدى قابىلەتتەرىنە, سپورت ويىن­دارىنا, قولونەر شەبەرلىگىنە, اقىندىق, انشىلىك, كۇي تارتۋ سياقتى جان-جاقتى تالانتتارىنا كۋا بولدى. زاعيپ جاستار وزدە­رىنىڭ پاتريوتتىق سەزىمدەرىن ونەرلەرى ارقىلى جەتكىزدى. كەشتى وبلىستىق كوز مۇگەدەكتەرى بالالارىنا ارنالعان «ءۇمىت» مەكتەپ-ينتەرناتى وقۋشىلارىنان قۇرالعان «سۇڭقار» دومبىراشىلار وركەسترى «كۇي تارتىس», «تەپەڭكوك» كۇيلەرىمەن اشتى. كوز مۇگەدەگى, جاس اقىن, «جاس جا­نىم قۇشتار اق تاڭعا» ولەڭ جيناعىنىڭ اۆتورى ەربەك باكيەۆ, ت.ءابدىراسىلوۆ, پ.ۇيسىنباەۆا, ن.ورال­باي, ر.تايىروۆ, ن.ءتو­رەباي, م.ەراليەۆا, ا.سمانديار, «سامعاۋ» توبى, اسىلاي مەن نۇرتىلەۋ, ق.باسقان, ج.بارلىباەۆ ولەڭ وقىپ, ءان شىرقادى, دومبىرادا وينادى. سونداي-اق, بۇل كەشتە شەتەلدەردە وتكەن پار­اليمپيادانىڭ بىرنەشە دۇركىن جەڭىمپازى (جۇزۋدەن) م. يبراشەۆ ءوز جەڭىستى ساتتەرىمەن بولىسكەن بولسا, سپورتشى جاستار اراسىندا شاحمات, دويبى, توعىزقۇمالاقتان جارىستار ۇيىمداستىرىلدى.  ۇلبيكە تۇرانباەۆا, وبلىستىق زاعيپتار كىتاپحاناسى ديرەكتورىنىڭ ورىنباسارى وڭتۇستىك قازاقستان وبلىسى