استانا. 3 مامىر. يراك استاناسى باعداد قالاسىنداعى لاڭكەستىك ارەكەتتەن قازا تاپقاندار سانى 18 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وقيعا مىڭداعان تۇرعىنداردىڭ جەتىنشى شيت يمامى مۋسا يبن دجافار ال-كازيمانىڭ مازارى ورنالاسقان التىن مەشىتكە كەتىپ بارا جاتقان كەزىندە بولعان. مالىمەتتەر بويىنشا, وسى كەزدە جانكەشتى مىنگەن كولىك جارىلعان. Associated Press اگەنتتىگى بۇل ءىستى تگيل سودىرلارى ءوز موينىنا العانىن حابارلادى.
پوليتسيا قىزمەتكەرلەرى تەراكتىنىڭ سالدارىنان تاعى 45 ادامنىڭ ءتۇرلى دەڭگەيدە جاراقات العانىن مالىمدەدى.
ايتا كەتەيىك, وتكەن دۇيسەنبى كۇنى, ياعني 2 مامىردا باعداد قالاسىنا تاياۋ ماڭدا ەكى تەررورلىق شابۋىل بولدى. اتالعان قالادان 25 شاقىرىم قاشىقتىقتا ورنالاسقان تارميا ايماعىندا جارىلعىش زات ىسكە قوسىلىپ, سالدارىنان ەكى ادام مەرت بولىپ, التاۋى جارالاندى. ال ەكىنشىسى حاليسا قالاسىندا ورىن الدى. ءبىر ادام قازا تاۋىپ, ەكى تۇرعىن زارداپ شەكتى.
ايان ءابدۋالي.
دەرەك, فوتو: تاسس.