ىشكى ىستەر مينيسترلىگىنىڭ ۇلتتىق ۇلانىندا اۋەدە 900 ساعاتتىق تاجىريبەسى بار ۇشقىش قىزمەت ەتەدى. 3656 اسكەري ءبولىمىنىڭ ۇشقىشى, اۋە كەمەسىنىڭ كومانديرى حابيبوللا بەرىكبولسىن توعىزىنشى سىنىپتان باستاپ ۇشاق تىزگىندەگەن, دەپ جازادى Egemen.kz.
حابيبوللا بەرىكبولسىن استانا قالاسىنداعى ۇشقىشتاردى دايارلايتىن وقۋ-تەحنيكالىق مەكتەبىندە وقىپ, كەيىن ءبىلىم جولىن الماتىداعى ازاماتتىق اۆياتسيا اكادەمياسىندا جالعاستىرعان. سونداي-اق ول لاتۆيا, ليتۆا جانە ەستونيا, گەرمانيا, يسپانيا سىندى مەملەكەتتەردە تاعىلىمدامادان وتكەن.
«اسپان قاتەلىكتى كەشىرمەيدى. ول سەنەن ءتارتىپتى, سابىردى جانە تولىق دايىندىقتى تالاپ ەتەدى. ءاربىر كوككە كوتەرىلۋ بۇرىنعىدان دا مۇقيات بولۋعا ۇيرەتەدى. ۇشاق كابيناسىنا وتىرعان ساتتەن باستاپ سەن ۇشاقپەن ءبىر تۇتاس مەحانيزمگە اينالاسىڭ», دەيدى حابيبوللا بەرىكبولسىن.
ارنايى جاساق جاۋىنگەرى: قازاقستان اسكەري قۇرىلىمىنىڭ دايىندىعى جوعارى دەڭگەيدە ەكەنىن دالەلدەدىك
تاجىريبەلى ۇشقىش تۇركيا مەن سيريادا بولعان جويقىن جەر سىلكىنىسى كەزىندە پرەزيدەنت تاپسىرماسىن ورىنداۋعا اتسالىسقان. 3656 اسكەري ءبولىمىنىڭ اۆياتسيالىق ەكيپاجى قۇرامىندا التى رەت اپات ايماقتارىنا گۋمانيتارلىق كومەك جەتكىزگەن. ۇلتتىق ۇلان ءباسپاسوز قىزمەتىنىڭ مالىمەتىنشە, ول توتەنشە جاعدايدا كورسەتكەن باتىلدىعىنىڭ ارقاسىندا «جاۋىنگەرلىك ەرلىگى ءۇشىن» مەدالىمەن ماراپاتتالعان.
ۇلتتىق ۇلان مەن «انالار جۇرەگى»: اسكەردەگى باقىلاۋ قالاي وزگەرەدى؟
ايتا كەتەيىك, 3656 اسكەري ءبولىمى قۇرىلعاننان بەرى 100 مىڭنان استام ادام مەن 8 ميلليون توننادان استام جۇكتى تاسىمالداعان. حابيبوللا بەرىكبولسىن سىندى ۇلتتىق ۇلان ساپىنداعى ۇشقىشتار ەل سەنىمىن ابىرويمەن اقتاپ, مەملەكەتتىڭ اۋە قالقانىنىڭ بەرىكتىگىن كۇن سايىن دالەلدەپ كەلەدى.
ۇلتتىق ۇلان ساربازى 7 ءتىلدى جەتىك مەڭگەرگەن