استانا. 1 مامىر. جەرورتا تەڭىزىنىڭ ليۆياعا تاياۋ جاعالاۋىندا ميگرانتتار مىنگەن قايىق داۋىلعا تاپ بولىپ, 84 ادام ءىز-ءتۇزسىز جوعالىپ كەتتى. بۇل تۋرالى 24.kz-كە سىلتەمە جاساعان egemen.kz ءتىلشى حابارلادى.
يتاليانىڭ جاعالاۋ كۇزەتى زاقىمدانىپ, ىشىنە سۋ تولعان قايىقتى بايقاعان. ولار 26 بوسقىندى قۇتقارىپ, 2 كەمەمەن لامپەدۋزا ارالىنا جەتكىزگەن. قۇتقارۋشىلاردىڭ حابارلاۋىنشا, قايىقتا ليۆيادان شىققاندا 110 ميگرانت بولعان.
قازىر جوعالعانداردى ىزدەۋ وپەراتسياسى ءجۇرىپ جاتىر. بۇۇ-نىڭ مالىمەتى بويىنشا, بيىل ەۋروپاعا تەڭىز ارقىلى 180 مىڭ ادام وتپەك بولعان. الايدا ولاردىڭ 800-گە جۋىعى قاۋىپتى ساپار كەزىندە قازا تاپقان.
تالعات رايىمبەك.
دەرەك, فوتو: 24.kz.