استانا. 30 ءساۋىر. قازاقستان پرەزيدەنتى نۇرسۇلتان نازارباەۆ الماتى قالاسىنىڭ اكىمى باۋىرجان بايبەكتى قابىلدادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
كەزدەسۋ بارىسىندا مەملەكەت باسشىسىنا باۋىرجان بايبەك الماتى قالاسىن دامىتۋ جونىندەگى كەڭەستە بەرىلگەن تاپسىرمالاردىڭ ورىندالۋى تۋرالى باياندادى.
اتاپ ايتقاندا, اكىمدىك ءال-فارابي كوشەسىنەن جوعارىدا ورنالاسقان قۇرىلىستار قاباتىن شەكتەۋ جونىندە قاۋلى قابىلداپ, «مەدەۋ» تاۋلى سپورت كەشەنى مەن «شىمبۇلاق» تاۋ شاڭعىسى كۋرورتىنىڭ اۋماعىنا اۆتوموبيلدەردىڭ كىرۋىنە تىيىم سالدى. بۇل رەتتە ەكولوگيالىق تازا كولىك تۇرلەرىنە كوشۋدى ىنتالاندىرۋ ماقساتىمەن ەلەكتروموبيلدەردىڭ وتۋىنە رۇقسات ەتىلدى.
قالانى ساپالى اۋىل شارۋاشىلىعى ازىق-ت ۇلىك ونىمدەرىمەن قامتاماسىز ەتۋ اياسىندا كەشەندى شارالار جۇزەگە اسىرىلۋدا. ماسەلەن, «اتامەكەن» ۇلتتىق كاسىپكەرلەر پالاتاسىنىڭ قولداۋىمەن وڭىرارالىق كووپەراتسيانى دامىتۋ جۇمىستارى جۇرگىزىلىپ جاتىر. سونىمەن قاتار, كولىك جانە ساۋدا ينفراقۇرىلىمدارىن كەڭەيتۋ ماقساتىمەن نىساندار سالىنۋدا. بۇلار كوكونىستەر باعاسىنىڭ ماۋسىمدىق قۇبىلمالىلىعىن ازايتۋعا مۇمكىندىك بەرەدى. الاتاۋ اۋدانىندا جىلىجاي كەشەنىن سالۋ جونىندەگى جوبا اياقتالىپ كەلەدى, ول سىرتتان اكەلىنەتىن قىزاناققا دەگەن سۇرانىستى 75 پايىزعا تومەندەتۋگە مۇمكىندىك بەرەدى. ەل وڭىرلەرىنىڭ قولداۋىمەن بيىل قالادا 800 اۋىل شارۋاشىلىعى جارمەڭكەسىن وتكىزۋ جوسپارلانىپ وتىر.
سونداي-اق, قالا اكىمى «الماتى-2020» باعدارلاماسىن جۇزەگە اسىرۋ, پيك-تەردى رەفورمالاۋ, الماتى اگلومەراتسيالىق بەلدەۋىندە جاڭا جۇمىس ورىندارىن اشۋ جونىندە قابىلدانىپ جاتقان شارالار تۋرالى باياندادى.
سونىمەن قاتار, مەملەكەتتىك ورگانداردىڭ حالىق الدىنداعى ەسەپتىلىگى قامتاماسىز ەتىلدى, نەگىزگى ماسەلەلەر قالا تۇرعىندارىمەن بىرلەسىپ تالقىلاندى, قوعامدىق كەڭەس وتىرىسى وتكىزىلدى.
مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.
تالعات رايىمبەك.
دەرەك, فوتو: akorda.kz.