الماتىداعى ۇلتتىق كىتاپحانادا «كىتاپحانا جۇيەسىندەگى تسيفرلىق ترانسفورماتسيا: قازاقستان كىتاپحانالارىنىڭ Smart تەحنولوگياسى» تاقىرىبىندا ەكى كۇندىك سەمينار-ترەنينگ ءوتتى. كىتاپحانا ءىسىن تسيفرلىق تۇرعىدان قايتا پايىمداۋ, جاساندى ينتەللەكت تەحنولوگيالارىن ءتيىمدى پايدالانۋ باعىتىندا وتكەن ءىس-شارا تسيفرلاندىرۋ جانە جاساندى ينتەللەكت جىلى اياسىندا ۇيىمداستىرىلدى, دەپ حابارلايدى Egemen.kz.
سەمينارعا مادەنيەت جانە اقپارات مينيسترلىگى ارحيۆ, قۇجاتتاما جانە كىتاپ ءىسى كوميتەتىنىڭ توراعاسى رۋستام الي قاتىسىپ, كىتاپحانا سالاسىن تسيفرلىق جاڭعىرتۋدىڭ ستراتەگيالىق ماڭىزىن اتاپ ءوتتى. ول اقپاراتتىق قوعام جاعدايىندا كىتاپحانالاردىڭ تەك مادەني وشاق ەمەس, ۇلتتىق زياتكەرلىك ينفراقۇرىلىمنىڭ ماڭىزدى بولىگىنە اينالىپ وتىرعانىن ايتتى.
ال ۇلتتىق كىتاپحانا ديرەكتورى عازيزا قۇدايبەرگەنقىزى كىتاپحانا ىسىندە تەحنولوگيالاردى ءتيىمدى ءارى ساۋاتتى پايدالانۋدىڭ ماڭىزىن ايرىقشا اتاپ ءوتتى. تسيفرلىق قۇرالدار كىتاپحاناشىنىڭ ورنىن الماستىرۋ ءۇشىن ەمەس, كەرىسىنشە ونىڭ كاسىبي ەڭبەگىن جەڭىلدەتىپ, قىزمەت اياسىن كەڭەيتۋگە جانە جاڭا مۇمكىندىكتەرگە جول اشۋعا باعىتتالۋى ءتيىس ەكەنىن جەتكىزدى.
الماتىدا قانداي كىتاپحانالار تاۋلىك بويى جۇمىس ىستەيدى؟
سەميناردىڭ العاشقى كۇنى جاساندى ينتەللەكت قۇرالدارىن كىتاپحانا قىزمەتىنە بەيىمدەۋگە ارنالدى. قاتىسۋشىلار كاتالوگتاۋ ۇدەرىسىن جەتىلدىرۋ, ىزدەۋ جۇيەلەرىن وڭتايلاندىرۋ, ەلەكتروندىق قورلاردى قالىپتاستىرۋ جانە تولىقماتىندى قۇجاتتارمەن جۇمىس ىستەۋ تاجىريبەسىمەن ءبولىستى.
ۇلتتىق كىتاپحانانىڭ عىلىمي-ادىستەمەلىك قىزمەتىنىڭ كىتاپحاناشىسى نۇرلىحان جۇماحان ChatGPT پلاتفورماسىن كاسىبي مىندەتتەرگە پايدالانۋ, Custom GPT نەگىزىندە كىتاپحاناعا ارنالعان تسيفرلىق كومەكشىلەر ازىرلەۋ جولدارى تۋرالى مازمۇندى بايانداما جاسادى. سونىمەن قاتار شەبەرلىك ساعاتىندا LibLab اۆتورلىق جوباسى تانىستىرىلدى. LibLab – جاساندى ينتەللەكت نەگىزىندە ازىرلەنگەن تسيفرلىق قۇرال. ول بيبليوگرافيالىق سيپاتتاما جاساۋعا, كاتالوگتاۋ ۇدەرىسىن وڭتايلاندىرۋعا, اقپاراتتىق سۇرانىستارعا جەدەل جاۋاپ بەرۋگە, ماتىندەردى تالداۋعا جانە رەسمي قۇجاتتار ازىرلەۋگە قولداۋ كورسەتەدى. جوبا كىتاپحاناشىنىڭ كۇندەلىكتى ەڭبەگىن جەڭىلدەتىپ قانا قويماي, كاسىبي ساپانى جاڭا دەڭگەيگە كوتەرۋدى ماقسات ەتەدى.
الماتىدا برايل قارپى بار, IT-ايماقتى كىتاپحانا اشىلدى
سونداي-اق ۇلتتىق كىتاپحانانىڭ اقپاراتتىق رەسۋرستار قىزمەتىنىڭ جەتەكشىسى تولقىن زامزاەۆا كاتالوگتاۋ جانە زياتكەرلىك ىزدەۋ جۇيەلەرى بويىنشا پراكتيكالىق كەيستەر ۇسىنىپ, دەرەكتەرمەن جۇمىس ىستەۋدىڭ زاماناۋي تاسىلدەرىن كورسەتتى. سەميناردىڭ ەكىنشى كۇنى نورماتيۆتىك جانە تەحنولوگيالىق باعىتتارعا ارنالدى. ەلەكتروندىق قۇجاتتاردى تىركەۋ مەن ۇزاقمەرزىمدى ساقتاۋ تالاپتارى, قازاقستاندىق كاتالوگتاۋدىڭ بولاشاعى, كاسىبي ستاندارتتاردى جەتىلدىرۋ ماسەلەلەرى جان-جاقتى تالقىلاندى.
ۇلتتىق كىتاپحانادا جولتاي ءالماش ۇلىنىڭ جاڭا كىتاپتارى تانىستىرىلدى
ۇلتتىق كىتاپ پالاتاسى ديرەكتورىنىڭ ورىنباسارى تولقىن سالمەنباەۆا باسىلىمداردى حالىقارالىق سايكەستەندىرۋ جۇيەلەرى – ISBN, ISSN جانە ISMN ەرەكشەلىكتەرى, ۇلتتىق ءباسپاسوزدى تىركەۋ جانە ەسەپكە الۋ تەتىكتەرى تۋرالى باياندادى. ال ۇلتتىق اكادەميالىق كىتاپحانا ديرەكتورىنىڭ ورىنباسارى نۇرجان جولدىبالينوۆ «قازاقستاندىق ۇلتتىق ەلەكتروندىق كىتاپحانا (قازۇەك) – جاساندى ينتەللەكتتىڭ جاڭا قۇرالدارى» تاقىرىبىندا بايانداما جاساپ, تسيفرلىق رەسۋرستاردى جۇيەلەۋ, دەرەكتەردى تالداۋدىڭ زاماناۋي تاسىلدەرى جانە وقىرمانعا باعىتتالعان اقىلدى قىزمەتتەردى دامىتۋ جولدارىن تارقاتتى. وسىلايشا ەكى كۇندىك سەمينار كىتاپحانا سالاسىنىڭ تسيفرلىق بولاشاعىن ايقىنداپ, كاسىبي ورتادا جاڭا سەرپىن تۋدىردى.