ورال. 29 ءساۋىر. استانا مەن ورال اراسىندا قاتىنايتىن جانە رەسەي شەكاراسىندا كەدەندىك تەكسەرىستەن وتپەيتىن «تۇلپار-تالگو» جەدەل پويىزى مامىر ايىنىڭ سوڭىنا دەيىن ىسكە قوسىلادى. بۇل تۋرالى egemen.kz ءتىلشىسى حابارلادى.
وسى ۋاقىتقا دەيىن رەسەي تارابىنان ترانزيتتىك پويىزدارعا ءوزارا كەدەندىك تەكسەرۋسىز وتكىزۋگە رۇقسات بەرىلمەي كەلگەن. الايدا, 2015 جىلدىڭ قاراشا ايىندا قازاقستان تەمىر جولى رەسەي ۇكىمەتىنە ءوزارا كەدەندىك تەكسەرىستى توقتاتۋ تۋرالى ۇسىنىس ءتۇسىرۋىنىڭ ارقاسىندا رەسەي كەلىسىم بەرگەن. كەيىن رەسەيدىڭ كولىك جانە كوممۋنيكاتسيا مينيسترلىگى وسى جوبانى ىسكە اسىرۋ ماقساتىندا, قازاقستان مەن رەسەيدىڭ شەكاراسىندا ورنالاسقان يلەتسك بەكەتىندە كەدەندىك تەكسەرىسسىز وتۋىنە جول اشتى.
وسى قاۋلى تولىعىمەن قابىلدانعان سوڭ, استانا-ورال جۇردەك پويىزى ىسكە قوسىلاتىن بولادى.
تەمىر قۇسايىن.
دەرەك, فوتو: egemen.kz.