استانا. 21 ءساۋىر. بريتانيالىق تانىمال رەجيسسەر گاي حەميلتون 93 جاسىندا قايتىس بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ول كوپشىلىككە James Bond كينوسى ارقىلى تانىلعان. وسىعان دەيىن 20-دان استام فيلم ءتۇسىردى. ونىڭ تورتەۋى بەلگىلى سۋپەراگەنت جايلى. «التىن قارۋلى ادام» (The man with the golden gun), «گولدفينگەر» (Goldfinger), «تەك قانا گاۋھار تاس» (Diamonds are forever) تۋىندىلارى كوپشىلىكتىڭ ىقىلاسىنا بولەنگەن.
گاي حەميلتون 1922 جىلى پاريجدە تۋعان. 1938-1939 جىلدارى نيتستسا قالاسىنداعى «ۆيكتورين» كينوستۋدياسىندا ءبىلىم الدى. وسى جەردە رەجيسسەر جيۋلەن ديۋۆيۆەمەن تانىسىپ, كومەكشىسى بولىپ قىزمەت ەتكەن.
«مانۋەل» (Manuel) ءفيلمى ءۇشىن «التىن ايۋ», «ۇرلىقشىنىڭ ءىسى» (A touch of larceny) تۋىندىسى ارقىلى BAFTA سىيلىقتارىن جەڭىپ العان.
ايان ءابدۋالي.
دەرەك: ريا «نوۆوستي».
فوتو: تاسس.