استانا. 21 ءساۋىر. بوكستان قازاقستان ۇلتتىق قۇراما كومانداسىنىڭ باس جاتتىقتىرۋشىسى مىرزاعالي ايتجانوۆ گەننادي گولوۆكيننىڭ دومينيك ۋەيدپەن بولاتىن جەكپە-جەكتە 7-8 راۋندتا جەڭەتىنىن ايتتى. بۇل تۋرالى egemen.kz ءتىلشىسى حابارلادى.
«گولوۆكين ۋەيدتى 7-8 راۋندتا جەڭەدى. 12 راۋندتقا دەيىن جەكپە-جەك بولمايدى. ۋەيد – ورتاڭقول بوكسشى. وعان گولوۆكينگە جەتۋگە ءالى ءبىراز جۇمىس ىستەۋ كەرەك. ال گولوۆكين تاجىريبەلى بوكسشى. ول بوكستىڭ ىستىق-سۋىعىنان وتكەن. گەننادي الۆارەستى جەكپە-جەككە شاقىردى دەپ ەستىدىم. قازىر ول كوتتو, باسقا دا بوكسشىلار سياقتى وتانداسىمىزدان قاشىپ ءجۇر. شاقىرتۋلارىنا جاۋاپ بەرمەيدى», دەدى ول.
سونداي-اق, مىرزاعالي ايتجانوۆ ۇلتتىق قۇراما كوماندانىڭ مۇشەسى 75 كيلوعا دەيىنگى سالماقتا بوكستاساتىن جانىبەك ءالىمحان ۇلى مەن گەننادي گولوۆكيننىڭ شارشى الاڭداعى ايقاستارى ءبىر-بىرىنە ۇقساس ەكەنىن ايتتى.
داستان كەنجالين.
دەرەك, فوتو: قازاقستان بوكس فەدەراتسياسى.