استانا. 21 ءساۋىر. نيگەريانىڭ سولتۇستىك-شىعىسىنداعى زانگو ەلدى مەكەنىندە «بوكو حارام» لاڭكەستىك ۇيىمىنىڭ شابۋىلىنان 11 ادام مەرت بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
كۋاگەرلەردىڭ ايتۋىنشا, سودىرلار تۇندە بەيبىت تۇرعىندارعا وق جاۋدىرعان. وسىنىڭ سالدارىنان باسپانالارىن تاستاپ, ورمانعا قاشۋعا ءماجبۇر بولعان. ەكسترەميستەر ۇيلەردى قيراتىپ, قىستاقتى تۇگەلىمەن ورتەپ كەتتى.
مۇنداي جاعداي وسىدان ەكى اپتا بۇرىن گۋلاني ايماعىندا دا بولعان. ول كەزدە تەررورلىق ارەكەتتەن 20 ادام وپات بولدى.
ايتا كەتەيىك, بۇل توپتىڭ تەررورلىق شابۋىلىنان 2009 جىلدان بەرى 20 مىڭعا جۋىق ادام مەرت بولىپ, ونداعان مىڭى ءتۇرلى دەڭگەيدە جاراقات العان. «بوكو حارام» كوبىنە كامەرۋن, نيگەريانىڭ سولتۇستىك بولىگىندە جانە چاد ەلدەرىندە شابۋىل جاسايدى.
ايان ءابدۋالي.
دەرەك, فوتو: ريا «نوۆوستي».