قاراعاندى. 21 ءساۋىر. قاراعاندى وبلىسىندا 67 باس جىلقى ۇرلاعان ەكى ەر ادام بەس جىلعا باس بوستاندىقتارىنان شارتتى تۇردە ايىرىلدى. بۇل تۋرالى قارقارالى اۋداندىق سوتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قارقارالى اۋدانىنىڭ ەكى تۇرعىنى شارۋا قوجالىقتارىنىڭ بىرىندەگى 67 باس اسىل تۇقىمدى جىلقى مالىن ايداپ اكەتكەن. كەلتىرىلگەن شىعىننىڭ كولەمى 16,5 ميلليون تەڭگەنى قۇرادى.
قاراقارالى اۋداندىق سوتى ايىپتاۋشىلاردى قىلمىستىق كودەكستىڭ 175-بابى, 4-تارماعى بويىنشا كىنالى دەپ تاۋىپ, 3 جىل سىناق مەرزىمىن قولدانا وتىرىپ, 5 جىلعا شارتتى تۇردە باس بوستاندىقتارىنان ايىردى.
سوت ۇكىم شىعاراردا ۇرىلاردىڭ كەلتىرىلگەن شىعىننىڭ ورنىن ءوز ەرىكتەرىمەن تولتىرعانىن, وزدەرىنىڭ كىنالارىن تولىق مويىنداپ, ىستەرىنە وكىنەتىنىن ەسكەرگەن.
ۇكىم ءوزىنىڭ زاڭدى كۇشىنە ءالى ەنگەن جوق.
قايرات ءابىلدينوۆ.
دەرەك: قارقارالى اۋداندىق سوتىنىڭ ءباسپاسوز قىزمەتى.
فوتو: mediasat.info.