استانا. 21 ءساۋىر. استانادا XIII ەۋرازيالىق مەديا فورۋم باستالدى. بۇل تۋرالى egemen.kz ءتىلشىسى حابارلادى. بيىلعى باسقوسۋدا الەمدىك ەكونوميكانىڭ بولاشاعى, الپاۋىت ەلدەردىڭ جاڭا ساياسي مۇددەلەرى سياقتى كوپشىلىكتى تولعاندىرىپ جۇرگەن ماسەلەلەر تالقىلانادى.
سونىمەن بىرگە ەامف-2016 باعدارلاماسى اياسىندا دەلەگاتتار «تاياۋ شىعىستاعى وزگەرىستەردىڭ سالدارى», «ەۋروپالىق وداققا (ەو) مۇشە بولۋ: اقيقات پەن اڭىز», «ەو-نىڭ ىدىراۋى مەن وسى ءۇردىستىڭ جاپپاي سيپات الۋ ىقتيمالدىعى», «مۇناي ەلدەرىنىڭ جاڭا ءيميدجى مەن ەل برەندى قۇنى» دەگەن تاقىرىپتاردا بايانداما جاساپ, ءوز پىكىرلەرىن بىلدىرەدى.
مەديا فورۋمنىڭ جۇمىسىنا 400-دەن استام دەلەگات قاتىسادى. سونىڭ ىشىندە اۋعانستاننىڭ بۇرىنعى پرەزيدەنتى حاميد كارزاي, ۇلىبريتانيانىڭ بۇرىنعى سىرتقى ىستەر ءمينيسترى دجەك سترو سياقتى تانىمال ساياساتكەرلەر بار. ەامف ۇيىمداستىرۋ كوميتەتىنىڭ ءتورايىمى داريعا نازارباەۆا ەۋرازيالىق مەديا فورۋم بەلگىلى ساياساتكەرلەر مەن جۋرناليستەردىڭ باسىن قوسىپ, شىعىس پەن باتىس اراسىندا ءوزارا تۇسىنىستىكتى قالىپتاستىرۋعا اتسالىسادى. ءبىز اسا ماڭىزدى جاڭالىقتار لەگىمەن جۇمىس ىستەيمىز», دەدى.
ەۋرازيالىق مەديا فورۋمدى ۇيىمداستىرۋ كوميتەتىنىڭ مالىمەتىنە قاراعاندا, وسى شاراعا قاتىسۋ ءۇشىن قازاقستانعا الەمنiڭ 50 ەلiنەن 30 سپيكەر مەن 400 دەلەگات كەلدi. بۇقارالىق اقپارات قۇرالدارىنىڭ 400-دەن استام وكiلi فورۋمنان حابار تاراتاتىن بولادى.
فورۋمدى ەامف-2016 ۇيىمداستىرۋ كوميتەتىنىڭ ءتورايىمى, پرەمەر-ءمينيستردىڭ ورىنباسارى داريعا نازارباەۆا ءسوز سويلەپ, اشتى. ودان كەيىن كۇن تارتىبىندەگى ماسەلەلەردى تالقىلاۋ باستالدى.
داستان كەنجالين.
دەرەك, فوتو: egemen.kz