پوشتا تۋرالى
وسى زاڭ قازاقستان رەسپۋبليكاسىنىڭ اۋماعىندا پوشتا سالاسىنداعى قىزمەتتىڭ قۇقىقتىق نەگىزدەرىن بەلگىلەيدى جانە قوعامدىق قاتىناستاردى رەتتەيدى, پوشتا قىزمەتi سۋبەكتىلەرiنiڭ قۇقىقتارى مەن مiندەتتەرiن, پوشتا سالاسىنداعى مەملەكەتتiك ورگانداردىڭ قۇزىرەتiن ايقىندايدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگiزگi ۇعىمدار
وسى زاڭدا مىناداي نەگiزگى ۇعىمدار پايدالانىلادى:
1) ابونەمەنتتىك جاشiك – پوشتا جونەلتىلىمدەرiنiڭ جەكەلەگەن تۇرلەرiن الۋعا ارنالعان, وندiرiستiك وبەكتiلەردە ورناتىلاتىن, ادرەساتتار پوشتا سالاسىنداعى ۋاكiلەتتi ورگان بەلگiلەگەن تارتiپپەن پايدالاناتىن ارنايى جاشiك;
2) ابونەنتتiك پوشتا جاشiگi – ادرەساتتاردىڭ پوشتا جونەلتىلىمدەرiن الۋى ءۇشiن عيماراتتاردا, تۇرعىن ءۇيلەردە (تۇرعىن عيماراتتاردا), جەكە تۇرعىن ۇيلەردە ورناتىلاتىن, ۇياشىقتارى بار ارنايى شكاف;
3) ادرەسات (الۋشى) – پوشتا جونەلتىلىمi نەمەسە پوشتالىق اقشا اۋدارىمى باعىتتالعان, پوشتا وپەراتورىنىڭ كورسەتىلەتىن قىزمەتتەرىن پايدالانۋشى;
4) اتاۋلى قۇرىلعى – قۇجاتتار مەن پوشتا جونەلتىلىمدەرiنە پوشتا وپەراتورىنىڭ, ونىڭ وندiرiستiك وبەكتiسiنiڭ اتاۋى, سونداي-اق پوشتا وپەراتورى ايقىنداعان وزگە دە اقپارات كورسەتىلگەن بەدەرلەردى سالۋعا ارنالعان قۇرىلعى;
5) باندەرول – مولشەرى, ماسساسى جانە بۋىپ-ءتۇيۋ ءتاسىلى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىنا سايكەس كوزدەلگەن, ىشىنە باسپا باسىلىمدارى, ىسكەرلىك قاعازدار, قۇجاتتار جانە باسقا دا زاتتار سالىنعان تىركەلمەيتىن جانە تىركەلەتىن پوشتا جونەلتىلىمى;
6) گيبريدتىك جونەلتىلىم – پوشتا وپەراتورى جىبەرۋگە قابىلداعان جانە ادرەساتقا حات (پوشتا كارتوچكاسى) تۇرىندە جەتكىزىلەتىن ەلەكتروندىق حات (حابار) نە پوشتا وپەراتورى جىبەرۋگە قابىلداعان جانە ادرەساتقا ەلەكتروندىق پوشتاعا نەمەسە ەلەكتروندىق ابونەنتتىك پوشتا جاشىگىنە ەلەكتروندىق حات (حابار) نىسانىندا جەتكىزىلەتىن حات;
7) گيبريدتىك جونەلتىلىمدى جىبەرۋ بويىنشا كورسەتىلەتىن قىزمەت – پوشتا وپەراتورىنىڭ گيبريدتىك جونەلتىلىمدى قابىلداۋ, وڭدەۋ, جەتكىزۋ جانە (نەمەسە) تابىس ەتۋ بويىنشا قىزمەتى;
8) دۇنيەجۇزىلىك پوشتا وداعى – اۋماقتارى حالىقارالىق پوشتا جونەلتىلىمدەرىمەن ءوزارا الماسۋ ءۇشىن ءبىرتۇتاس پوشتا اۋماعىن قۇرايتىن مۇشە ەلدەردەن تۇراتىن, ماقساتى پوشتا بايلانىستارىن ۇيىمداستىرۋ مەن جەتىلدىرۋدى قامتاماسىز ەتۋ جانە وسى سالاداعى حالىقارالىق ىنتىماقتاستىقتى دامىتۋ ءۇشىن قولايلى جاعدايلار جاساۋ بولىپ تابىلاتىن حالىقارالىق ۇيىم;
9) دۇنيەجۇزىلىك پوشتا وداعىنىڭ اكتىلەرى – دۇنيەجۇزىلىك پوشتا وداعىنىڭ كونگرەسىندە ونىڭ جارعىسىنا سايكەس قابىلداناتىن قۇجاتتار;
10) جازباشا حات-حابار – تىركەلمەيتىن جانە تىركەلەتىن حاتتار, پوشتا كارتوچكالارى, باندەرولدەر جانە ۇساق پاكەتتەر;
11) جازدىرىپ الىناتىن مەرزiمدi باسپا باسىلىمدارىن تاراتۋ – پوشتا وپەراتورىنىڭ بۇقارالىق اقپارات قۇرالدارىنىڭ مەنشىك يەسىمەن نەمەسە ونىڭ وكىلىمەن جاسالعان شارت نەگىزىندە مەرزىمدى ءباسپاسوز باسىلىمىنا جازىلۋدى, ونىڭ ىشىندە ينتەرنەت-رەسۋرستى پايدالانا وتىرىپ قابىلداۋ جانە مەرزىمدى ءباسپاسوز باسىلىمىن قابىلداۋدى, وڭدەۋدى, تاسىمالداۋدى جانە پوشتا وپەراتورىنىڭ كورسەتىلەتىن قىزمەتتەرىن پايدالانۋشىعا جەتكىزۋدى جۇزەگە اسىرۋ بويىنشا كورسەتىلەتىن قىزمەتتى ۇسىنۋى;
12) جاۋاپ قايتارىلاتىن حالىقارالىق كوممەرتسيالىق حات-حابار – دۇنيەجۇزىلىك پوشتا وداعىنىڭ اكتىلەرىنە سايكەس رەسىمدەلگەن, جونەلتۋشى الدىن الا اقىسىن تولەگەن قايتارىلاتىن پوشتا جونەلتىلىمىن قامتيتىن پوشتا جونەلتىلىمى;
13) جەدەلدەتىلگەن پوشتا بايلانىسىنىڭ كورسەتىلەتىن قىزمەتتەرى – پوشتا جونەلتىلىمدەرىن جەدەل وڭدەۋ, تاسىمالداۋ, جەتكىزۋ جانە (نەمەسە) تابىس ەتۋ رەجيمىندەگى پوشتا جونەلتىلىمدەرىن جىبەرۋ بويىنشا كورسەتىلەتىن قىزمەتتەر;
14) جونەلتۋشi – پوشتا جونەلتىلىمiن نەمەسە اقشانى جiبەرۋ ءۇشiن ولاردى پوشتا وپەراتورىنا بەرەتىن, پوشتا وپەراتورىنىڭ كورسەتىلەتىن قىزمەتتەرىن پايدالانۋشى;
15) جىبەرىلىم – مولشەرى, ماسساسى جانە بۋىپ-ءتۇيۋ ءتاسىلى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىنا سايكەس كوزدەلگەن, نارسەلەر, زاتتار مەن تاۋارلار سالىنعان تىركەلەتىن پوشتا جونەلتiلىمى;
16) كۋرەر – تىركەلەتىن پوشتا جونەلتىلىمىن وندىرىستىك وبەكتىلەردەن تىس جەرلەردە جونەلتۋشىدەن قابىلدايتىن جانە وسىنداي جونەلتىلىمدى پوشتا جونەلتىلىمىندە كورسەتىلگەن مەكەنجاي بويىنشا ادرەساتقا نەمەسە جونەلتۋشىگە تابىس ەتەتىن پوشتا وپەراتورىنىڭ جۇمىسكەرى نەمەسە پوشتا وپەراتورىمەن جاساسقان شارتى بار جەكە تۇلعا;
17) كۋرەرلىك پوشتا بايلانىسىنىڭ كورسەتىلەتىن قىزمەتتەرى – كۋرەر كورسەتەتىن, تىركەلەتىن پوشتا جونەلتىلىمدەرىن قابىلداۋ, تاسىمالداۋ جانە تابىس ەتۋ بويىنشا كورسەتىلەتىن قىزمەتتەر;
18) وپەراتسيالىق كۇن – پوشتا وپەراتورى پوشتالىق كورسەتىلەتىن قىزمەتتەر ۇسىناتىن جۇمىس ۋاقىتى;
19) وندiرiستiك وبەكت – پوشتا وپەراتورىنىڭ پوشتا سالاسىنداعى قىزمەتتى جۇزەگە اسىرۋىنا ارنالعان جانە سول ءۇشiن جابدىقتالعان عيمارات, عيماراتتاعى ءۇي-جاي;
20) پوشتا – پوشتا وپەراتورلارىنىڭ قازاقستان رەسپۋبليكاسىنىڭ اۋماعىندا دۇنيەجۇزىلىك پوشتا وداعىنىڭ اكتىلەرىنە جانە وسى زاڭعا سايكەس كورسەتىلەتىن قىزمەتتەر كەشەنىن ۇسىنۋىن جانە وزگە دە قىزمەتتى جۇزەگە اسىرۋىن قامتاماسىز ەتەتiن بايلانىس ءتۇرى;
21) پوشتا بايلانىسىنىڭ امبەباپ كورسەتىلەتىن قىزمەتتەرى – بايلانىستىڭ امبەباپ كورسەتىلەتىن قىزمەتتەرىنىڭ قۇرامىنا كىرەتىن, كەز كەلگەن ەلدى مەكەندە كورسەتىلگەن مەرزىمدە بەلگىلەنگەن ساپادا جانە وسى كورسەتىلەتىن قىزمەتتەردىڭ قولجەتىمدىلىگىن قامتاماسىز ەتەتىن باعا دەڭگەيىندە پوشتا وپەراتورىنىڭ كورسەتىلەتىن قىزمەتتەرىن كەز كەلگەن پايدالانۋشىعا كورسەتىلەتىن قىزمەتتەر;
22) پوشتا بايلانىسىنىڭ كورسەتىلەتiن قىزمەتتەرى – پوشتا وپەراتورىنىڭ تىركەلەتىن جانە تىركەلمەيتىن پوشتا جونەلتىلىمدەرiن, پوشتالىق اقشا اۋدارىمدارىن, گيبريدتىك جونەلتىلىمدەردى جiبەرۋ, مەرزىمدى باسپا باسىلىمدارىن تاراتۋ, پوشتا تولەمى بەلگىلەرىن جانە فيلاتەليالىق ونىمدەردى وتكىزۋ بويىنشا قىزمەتى;
23) پوشتا بايلانىسىنىڭ قۇرالدارى – پوشتا بايلانىسىنىڭ كورسەتىلەتiن قىزمەتتەرىن ۇسىنۋ ءۇشiن قولدانىلاتىن تەحنيكالىق قۇرالدار, جابدىق جانە تەحنولوگيالار;
24) پوشتا جاشiگi – تىركەلمەيتىن حاتتار مەن پوشتا كارتوچكالارىن جيناۋعا ارنالعان, بەلگiلەنگەن تۇستەگi, نىسانداعى جانە كولەمدەگi جاشiك;
25) پوشتا جەلiسi – پوشتا وپەراتورى پوشتا بايلانىسىنىڭ كورسەتىلەتىن قىزمەتتەرىن ۇسىنۋ كەزىندە پايدالانىلاتىن وندiرiستiك وبەكتiلەر مەن پوشتا مارشرۋتتارىنىڭ جيىنتىعى;
26) پوشتا جونەلتىلىمدەرi – پوشتا وپەراتورى جىبەرۋگە قابىلداعان جازباشا حات-حابار, جىبەرىلىمدەر;
27) پوشتا جونەلتىلىمiن جەتكiزۋ – پوشتا جونەلتىلىمiن مەجەلى جەردەگi وندiرiستىك وبەكتiلەردەن ابونەمەنتتiك جاشiككە نەمەسە ابونەنتتiك پوشتا جاشiگىنە نەمەسە جونەلتۋشi كورسەتكەن وزگە دە مەكەنجاي بويىنشا اپارۋ;
28) پوشتا جونەلتىلىمiن جiبەرۋ – پوشتا جونەلتىلىمiن قابىلداۋ, وڭدەۋ, تاسىمالداۋ جانە (نەمەسە) بەرۋ, جەتكiزۋ جانە (نەمەسە) تابىس ەتۋ وپەراتسيالارىنىڭ جيىنتىعى;
29) پوشتا جونەلتىلىمiن قابىلداۋ – جونەلتۋشiدەن قابىلدانعان, ونىڭ iشiندە پوشتا جاشiكتەرiنەن الۋ ارقىلى قابىلدانعان پوشتا جونەلتىلىمiن ودان ءارi تاسىمالداۋ ءۇشiن پوشتا وپەراتورىنىڭ رەسiمدەۋi;
30) پوشتا جونەلتىلىمiن وڭدەۋ – پوشتا جونەلتىلىمدەرiن تاسىمالداۋعا دايىنداۋدى قامتاماسىز ەتەتىن, ولارمەن جاسالاتىن وندiرiستiك وپەراتسيالار;
31) پوشتا جونەلتىلىمiن تابىس ەتۋ – پوشتا جونەلتىلىمiن ادرەساتتىڭ وزiنە نەمەسە ونىڭ زاڭدى وكiلiنە نەمەسە سەنiمحات نەگiزiندە ارەكەت ەتەتىن سەنiم بىلدىرiلگەن ادامىنا بەرۋ;
32) پوشتا جونەلتىلىمiن تاسىمالداۋ – پوشتا جونەلتىلىمiن ادرەساتقا جەتكiزۋ جانە (نەمەسە) تابىس ەتۋ ءۇشiن جونەلتۋ پۋنكتiنەن مەجەلى جەردەگi وندىرىستىك وبەكتىلەرگە دەيiن اپارۋ (تاسىمالداۋ);
33) پوشتا يندەكسi – پوشتا جونەلتىلىمiن نەمەسە پوشتالىق اقشا اۋدارىمىن جiبەرۋدi جىلدامداتۋ ماقساتىندا جىلجىمايتىن م ۇلىك وبەكتiلەرiنە ولاردى اكiمشىلىك-اۋماقتىق سايكەستەندىرۋ جانە جۇيەلەندىرۋ ءۇشىن بەرiلەتiن, مەكەنجايدىڭ شارتتى تسيفرلىق جانە ارىپتىك بەلگiلەنۋى;
34) پوشتا كارتوچكاسى – ارناۋلى ستاندارتتى بلانكiگە جازباشا حابار جازىلعان, تىركەلمەيتىن نەمەسە تiركەلەتiن پوشتا جونەلتىلىمi;
35) پوشتا قىزمەتى – پوشتا جەلiلەرi ارقىلى پوشتا بايلانىسىنىڭ كورسەتىلەتىن قىزمەتتەرىن ۇسىنۋ;
36) پوشتا قىزمەتى سۋبەكتiلەرi – پوشتا وپەراتورلارى جانە پوشتا وپەراتورىنىڭ كورسەتىلەتىن قىزمەتتەرىن پايدالانۋشىلار;
37) پوشتا وپەراتورى – قازاقستان رەسپۋبليكاسىنىڭ اۋماعىندا تىركەلگەن, پوشتا قىزمەتى سالاسىندا كورسەتىلەتىن قىزمەتتەردى ۇسىناتىن جەكە نەمەسە زاڭدى تۇلعا;
38) پوشتا وپەراتورىنىڭ كورسەتىلەتىن قىزمەتتەرىن پايدالانۋشى – پوشتا وپەراتورى ۇسىناتىن, ونىڭ ىشىندە پوشتا وپەراتورىمەن ءوزى جاساسقان شارتتار نەگىزىندە ۇسىنىلاتىن كورسەتىلەتىن قىزمەتتەردى تۇتىنۋشى بولىپ تابىلاتىن جەكە نەمەسە زاڭدى تۇلعا;
39) پوشتا سالاسىنداعى ۋاكiلەتتi ورگان (بۇدان ءارi – ۋاكiلەتتi ورگان) – ءوز قۇزىرەتi شەگiندە قازاقستان رەسپۋبليكاسىنىڭ اۋماعىندا پوشتا سالاسىنداعى مەملەكەتتiك ساياساتتى ىسكە اسىرۋدى, مەملەكەتتىك باقىلاۋدى, قىزمەتتى ۇيلەستىرۋدى جانە رەتتەۋدى جۇزەگە اسىراتىن قازاقستان رەسپۋبليكاسىنىڭ ورتالىق اتقارۋشى ورگانى;
40) پوشتا تولەمىنىڭ بەلگىلەرى – پوشتا بايلانىسىنىڭ كورسەتىلەتىن قىزمەتتەرىنە اقى تولەنگەنىن راستايتىن, پوشتا وپەراتورى جازباشا حات-حابار جونەلتىلىمدەرىنە جاپسىراتىن بەلگىلەر, ونىڭ ىشىندە پوشتا ماركالارى, بلوكتار, ماركالى كونۆەرتتەر جانە (نەمەسە) پوشتا كارتوچكالارى, فرانكيرلەۋ ماشينالارىنىڭ بەدەرلەرى, ەلەكتروندىق جانە وزگە دە بەلگىلەر;
41) پوشتا تولەمiنiڭ مەملەكەتتiك بەلگىلەرi – اينالىمعا ۋاكىلەتتi ورگان ەنگiزەتiن, ۇلتتىق پوشتا وپەراتورىنىڭ كورسەتىلەتىن قىزمەتتەرىنە اقى تولەنگەنiن راستايتىن پوشتا ماركالارى, بلوكتار, ماركالى كونۆەرتتەر جانە (نەمەسە) پوشتا كارتوچكالارى, فرانكيرلەۋ ماشينالارىنىڭ بەدەرلەرى, ەلەكتروندىق جانە وزگە دە بەلگiلەر;
42) پوشتا شتەمپەلi – قۇجاتتار مەن پوشتا جونەلتىلىمدەرiنە: پوشتا جونەلتىلىمiن قابىلداۋدى جۇزەگە اسىرعان وندiرiستiك وبەكتiنiڭ اتاۋى, پوشتا جونەلتىلىمiنiڭ جونەلتىلۋ ورنى, قابىلدانعان كۇنi مەن ۋاقىتى; پوشتا جونەلتىلىمiن الۋدى جۇزەگە اسىرعان وندiرiستiك وبەكتiنiڭ اتاۋى, مەجەلى جەرى, الىنعان كۇنi مەن ۋاقىتى; پوشتا جونەلتىلىمiن ادرەساتقا جەتكiزگەن جانە (نەمەسە) تابىس ەتكەن وندiرiستiك وبەكتiنiڭ اتاۋى, جەتكiزiلگەن جانە (نەمەسە) تابىس ەتىلگەن كۇنi مەن ۋاقىتى كورسەتىلگەن بەدەرلەردى سالۋعا ارنالعان قۇرىلعى;
43) پوشتالىق اقشا اۋدارىمى – وسى زاڭعا جانە دۇنيەجۇزىلىك پوشتا وداعىنىڭ اكتىلەرىنە سايكەس جونەلتۋشىنىڭ ادرەساتقا اقشا جىبەرۋگە ارنالعان تاپسىرماسىن پوشتا وپەراتورىنىڭ ۋاكiلەتتi ورگان بەكiتكەن پوشتا جونەلتىلىمى بلانكىسىنىڭ نىسانىن تولتىرا وتىرىپ ورىنداۋى بويىنشا پوشتا بايلانىسىنىڭ كورسەتىلەتىن قىزمەتى;
44) پوشتالىق قۇپيا – پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردىڭ پوشتالىق مەكەنجايى, دەربەس دەرەكتەرى, پوشتا جونەلتىلىمدەرى, ولاردىڭ ىشىندەگىسى مەن ورنالاسقان جەرى تۋرالى مالىمەتتەر;
45) پوشتالىق مەكەنجاي (بۇدان ءارi – مەكەنجاي) – پوشتا جونەلتىلىمدەرiن جانە پوشتالىق اقشا اۋدارىمىن جەتكiزۋ جانە (نەمەسە) تابىس ەتۋ ءۇشiن پوشتا وپەراتورىنىڭ كورسەتىلەتىن قىزمەتتەرىن پايدالانۋشى ايقىندايتىن جەر;
46) پوشتامات – پوشتالىق اقشا اۋدارىمىن قوسپاعاندا, پوشتا جونەلتىلىمدەرىن قابىلداۋعا, جىبەرۋگە, ساقتاۋعا, جەتكىزۋگە (تابىس ەتۋگە) جانە الۋعا ارنالعان اۆتوماتتاندىرىلعان قۇرىلعى;
47) پوشتاشى – پوشتا وپەراتورىمەن ەڭبەك قاتىناستارىندا تۇراتىن, جونەلتۋشىدەن پوشتا جونەلتىلىمدەرىن قابىلداۋدى, سونداي-اق پوشتا جونەلتىلىمىن ادرەساتقا نەمەسە جونەلتۋشىگە جەتكىزۋدى جانە (نەمەسە) تابىس ەتۋدى جۇزەگە اسىراتىن جۇمىسكەر;
48) سايكەستەندىرۋ – پوشتا وپەراتورى جۇمىسكەرلەرىنىڭ, ۇلتتىق پوشتا وپەراتورىنىڭ جەكە تۇلعانىڭ ۇسىنىلعان جەكە باستى كۋالاندىراتىن قۇجاتقا سايكەستىگىن بەلگىلەۋگە باعىتتالعان ارەكەتتەرى;
49) تاعايىندالعان وپەراتور – پوشتا بايلانىسىنىڭ قىزمەتتەرىن كورسەتۋدى قامتاماسىز ەتۋ جانە قازاقستان رەسپۋبليكاسىنىڭ بۇكىل اۋماعىندا دۇنيەجۇزىلىك پوشتا وداعىنىڭ اكتىلەرىنەن تۋىندايتىن, وزدەرىنە قاتىستى مىندەتتەمەلەردى ورىنداۋ ءۇشىن ۋاكىلەتتى ورگان تاعايىندايتىن پوشتا وپەراتورى;
50) تاريف – پوشتا وپەراتورىنىڭ كورسەتىلەتىن قىزمەتتەرىنە اقى تولەۋ مولشەرi;
51) تiركەلەتiن پوشتا جونەلتىلىمi – جونەلتۋشiگە پوشتا جونەلتىلىمىنە پوشتالىق تىركەۋ ءنومىرىن (سايكەستەندىرۋ ارىپتىك-تسيفرلىق شتريح-كود) قويۋ ارقىلى تۇبiرتەك بەرىلىپ, قابىلداناتىن جانە ادرەساتقا قولحات ارقىلى تابىس ەتiلەتiن جازباشا حات-حابار, جىبەرىلىم;
52) تىركەلمەيتىن پوشتا جونەلتىلىمى – جونەلتۋشىلەرگە قابىلدانعانى تۋرالى تۇبىرتەك بەرمەستەن (پوشتالىق تىركەۋ ءنومىرىن, سايكەستەندىرۋ ارىپتىك-تسيفرلىق شتريح-كود بەرمەستەن) پوشتا جاشىكتەرى نەمەسە وندىرىستىك وبەكتىلەر ارقىلى قابىلداناتىن جانە قولحات الماي ادرەساتقا جەتكىزىلەتىن جازباشا حات-حابار;
53) ۇلتتىق پوشتا جەلiسi – قازاقستان رەسپۋبليكاسىنىڭ بۇكىل اۋماعىندا ارەكەت ەتەتىن, پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا سول ارقىلى قىزمەتتەر ۇسىنىلاتىن ۇلتتىق پوشتا وپەراتورىنىڭ پوشتا جەلىسى;
54) ۇلتتىق پوشتا وپەراتورى – وسى زاڭدا كوزدەلگەن مىندەتتەمەلەر جۇكتەلگەن, اكتسيالارىنىڭ باقىلاۋ پاكەتى ۇلتتىق باسقارۋشى حولدينگكە تيەسىلى اكتسيونەرلىك قوعامنىڭ ۇيىمدىق-قۇقىقتىق نىسانىندا قۇرىلعان, پوشتا سالاسىنداعى ۋاكىلەتتى ورگان ايقىندايتىن پوشتا وپەراتورى;
55) ۇستەمە تولەمدى پوشتا جونەلتىلىمى – بەرۋ كەزىندە جونەلتۋشى پوشتا وپەراتورىنا ادرەساتتان ءوزى بەلگىلەگەن اقشا سوماسىن (ۇستەمە تولەم سوماسىن) الۋدى جانە ونى جونەلتۋشىنىڭ مەكەنجايىنا جىبەرۋدى تاپسىراتىن پوشتا جونەلتىلىمى;
56) فيلاتەليالىق ءونىم – كوللەكتسيا وبەكتىلەرى بولىپ تابىلاتىن, پوشتا تولەمىنىڭ مەملەكەتتىك بەلگىلەرىن جانە فيلاتەليالىق ءونىمدى شىعارۋ, وتكىزۋ قاعيدالارىنا سايكەس پوشتا اينالىمىنان الىنعان پوشتا تولەمىنىڭ مەملەكەتتىك بەلگىلەرى;
57) فرانكيرلەۋ ماشيناسى – جازباشا حات-حابارعا پوشتا بايلانىسىنىڭ كورسەتىلەتىن قىزمەتتەرىنە اقى تولەنگەنiن, جازباشا حات-حاباردىڭ جانە باسقا دا اقپاراتتىڭ قابىلدانعان كۇنىن راستايتىن بەدەرلەر سالۋعا ارنالعان قۇرىلعى;
58) حالىقارالىق قايتارىم كۋپونى – دۇنيەجۇزىلiك پوشتا وداعى اينالىمعا ەنگiزەتiن, دۇنيەجۇزىلىك پوشتا وداعىنا مۇشە كەز كەلگەن ەلدە پوشتا ماركالارىنا ايىرباستاۋعا جاتاتىن, اۋە كولiگiمەن جىبەرiلەتiن, ماسساسى جيىرما گرامعا دەيiنگi جاي حالىقارالىق حاتتىڭ ەڭ تومەن اقىسىن بىلدiرەتiن قۇجات;
59) حالىقارالىق پوشتا الماسۋ ورنى – حالىقارالىق كىرىس جانە شىعىس پوشتا جونەلتىلىمدەرىن وڭدەۋ جۇزەگە اسىرىلاتىن, سونداي-اق مەملەكەتتىك كىرىستەر ورگاندارى كورسەتىلگەن جونەلتىلىمدەرگە كەدەندىك باقىلاۋ جۇرگىزەتىن وندىرىستىك وبەكت;
60) حالىقارالىق پوشتا جونەلتىلىمi – قازاقستان رەسپۋبليكاسى اۋماعىنىڭ تىس جەرلەرگە جiبەرۋ ءۇشiن قابىلداناتىن, قازاقستان رەسپۋبليكاسىنىڭ اۋماعىنا كەلiپ تۇسەتiن نە قازاقستان رەسپۋبليكاسىنىڭ اۋماعى ارقىلى ترانزيتپەن وتەتiن پوشتا جونەلتiلىمى;
61) حات – مولشەرى, ماسساسى جانە بۋىپ-ءتۇيۋ ءتاسىلى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىنا سايكەس كوزدەلگەن, جازباشا حابارلامامەن جانە باسقا دا ۇساق زاتتارمەن بىرگە جiبەرiلەتiن, تىركەلمەيتىن جانە تىركەلەتىن پوشتا جونەلتiلىمى;
62) ىشكى پوشتا جونەلتىلىمى – قازاقستان رەسپۋبليكاسىنىڭ اۋماعى شەگىندە جىبەرۋ ءۇشىن قابىلداناتىن پوشتا جونەلتىلىمى;
63) ەلەكتروندىق ابونەنتتىك پوشتا جاشىگى – ەلەكتروندىق حاتتار (حابارلار) مەن قۇجاتتاردى قابىلداۋ جانە جەتكىزۋ ءۇشىن ۇلتتىق پوشتا وپەراتورىنىڭ نەمەسە پوشتا وپەراتورىنىڭ اقپاراتتىق جۇيەسىندە قۇرىلاتىن پوشتا وپەراتورىنىڭ كورسەتىلەتىن قىزمەتتەرىن پايدالانۋشىنىڭ دومەندىك اتاۋى;
64) ەلەكتروندىق حات (حابار) – تەلەكوممۋنيكاتسيالار جەلىسىن, ينتەرنەت نەمەسە ەلەكتروندىق جەتكىزگىشتەردى پايدالانا وتىرىپ, ەلەكتروندىق نىساندا جىبەرىلەتىن اقپارات.
2-باپ. وسى زاڭنىڭ قولدانىلۋ اياسى
وسى زاڭنىڭ كۇشى قازاقستان رەسپۋبليكاسىنىڭ اۋماعىندا پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا, سونداي-اق پوشتا سالاسىنداعى قىزمەتتى جۇزەگە اسىراتىن جەكە جانە زاڭدى تۇلعالارعا قولدانىلادى.
3-باپ. قازاقستان رەسپۋبليكاسىنىڭ پوشتا تۋرالى زاڭناماسى
1. قازاقستان رەسپۋبليكاسىنىڭ پوشتا تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگiزدەلەدi, وسى زاڭ مەن قازاقستان رەسپۋبليكاسىنىڭ وزگە دە نورماتيۆتiك قۇقىقتىق اكتiلەرiنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭداعىدان وزگەشە قاعيدالار بەلگiلەنسە, وندا حالىقارالىق شارتتىڭ قاعيدالارى قولدانىلادى.
4-باپ. پوشتا قىزمەتىنىڭ نەگىزگى قاعيداتتارى
مىنالار:
1) پوشتا بايلانىسى سالاسىنداعى قىزمەتتى جۇزەگە اسىرۋ كەزىندە زاڭدىلىقتىڭ ساقتالۋى;
2) قازاقستان رەسپۋبليكاسىنىڭ اۋماعىندا پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا پوشتا بايلانىسىنىڭ كورسەتىلەتىن قىزمەتتەرىنىڭ قولجەتiمدiلىگى;
3) پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردىڭ قۇقىقتارى مەن مۇددەلەرiن پوشتا وپەراتورلارىنىڭ ساقتاۋى;
4) قازاقستان رەسپۋبليكاسىنىڭ اۋماعىندا پوشتا جونەلتiلىمدەرi قوزعالىسىنىڭ جانە قازاقستان رەسپۋبليكاسىنىڭ اۋماعى ارقىلى حالىقارالىق پوشتا جونەلتىلىمدەرى ءترانزيتىنىڭ ەركىندىگى;
5) پوشتا بايلانىسىنىڭ كورسەتىلەتىن قىزمەتتەرىن ۇسىنۋ جانە وسى قىزمەتتiڭ ناتيجەلەرiن پايدالانۋ كەزىندە جەكە جانە زاڭدى تۇلعالار قۇقىقتارىنىڭ تەڭدiگi;
6) پوشتا قۇپياسىن قامتاماسىز ەتۋ;
7) قازاقستان رەسپۋبليكاسىندا ۇلتتىق پوشتا جەلىسىنىڭ دامۋىن جانە جۇمىس ىستەۋىن قامتاماسىز ەتۋ;
8) پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا پوشتا بايلانىسىنىڭ قىزمەتتەرىن كورسەتۋ كەزىندە پوشتا وپەراتورلارى ءۇشىن پوشتا بايلانىسى سالاسىنداعى قاعيدالار مەن تالاپتار بiرلiگi پوشتا قىزمەتىنىڭ قاعيداتتارى بولىپ تابىلادى.
2-تاراۋ. پوشتا سالاسىنداعى مەملەكەتتىك رەتتەۋ
5-باپ. پوشتا سالاسىنداعى مەملەكەتتىك ورگانداردىڭ قۇزىرەتى
1. ۋاكiلەتتi ورگان:
1) پوشتا سالاسىنداعى مەملەكەتتiك ساياساتتى iسكە اسىرادى;
2) قازاقستان رەسپۋبليكاسىنىڭ اۋماعىندا پوشتا سالاسىنداعى قىزمەتتi رەتتەۋدi جۇزەگە اسىرادى;
3) قازاقستان رەسپۋبليكاسىنىڭ پوشتا بايلانىسىنىڭ كورسەتىلەتىن قىزمەتتەرىن ۇسىنۋ جونىندەگى زاڭناماسىنىڭ ساقتالۋىن باقىلاۋدى جۇزەگە اسىرادى;
4) ۇلتتىق پوشتا وپەراتورىنىڭ ۇسىنىسى بويىنشا پوشتا تولەمiنiڭ مەملەكەتتiك بەلگiلەرiنiڭ تۇرلەرi مەن شىعارىلۋ كولەمiن بەكiتەدi;
5) پوشتا تولەمىنىڭ مەملەكەتتىك بەلگىلەرىن جانە فيلاتەليالىق ءونىمدى شىعارۋ, وتكىزۋ قاعيدالارىن بەكىتەدى;
6) پوشتا تولەمi بەلگiلەرiنiڭ مەملەكەتتiك كوللەكتسياسىن قالىپتاستىرادى;
7) قازاقستان رەسپۋبليكاسىندا پوشتا يندەكستەرىن بەرۋ جونىندەگى قاعيدالاردى بەكىتەدى;
8) ءوز قۇزىرەتى شەگىندە قازاقستان رەسپۋبليكاسىندا پوشتا قىزمەتىن جەتىلدىرۋگە جانە دامىتۋعا باعىتتالعان پوشتا سالاسىنداعى نورماتيۆتىك قۇقىقتىق اكتىلەردى ازىرلەيدى جانە بەكىتەدى جانە ولاردىڭ ىسكە اسىرىلۋىن ۇيىمداستىرادى;
9) ارناۋلى پوشتا بايلانىسى قىزمەتى قىزمەتكەرلەرىنىڭ نىساندى كيىمىنىڭ جانە ۇلتتىق پوشتا وپەراتورى جۇمىسكەرلەرىنىڭ نىساندى كيىمىنىڭ (پوگونسىز) ۇلگىلەرىن, ونى كيىپ ءجۇرۋ قاعيدالارىن, ونىمەن قامتاماسىز ەتۋ نورمالارىن بەكىتەدى;
10) ۇلتتىق قاۋىپسىزدىك ورگاندارىمەن كەلىسۋ بويىنشا جەدەل-ىزدەستىرۋ ءىس-شارالارىن جۇرگىزۋ ماقساتىندا پوشتا بايلانىسى جەلىلەرى مەن قۇرالدارىنا قويىلاتىن تالاپتاردى, سونداي-اق قازاقستان رەسپۋبليكاسىنىڭ پوشتا جەلىلەرىندە جەدەل-ىزدەستىرۋ ءىس-شارالارىن جۇرگىزۋدىڭ اپپاراتتىق-باعدارلامالىق جانە تەحنيكالىق قۇرالدارىن ەنگىزۋ جانە پايدالانۋ كەزىندەگى ءوزارا ءىس-قيمىل جاساۋ قاعيدالارىن بەكىتەدى;
11) قازاقستان رەسپۋبليكاسىنىڭ ۇكىمەتى اتىنان جانە قازاقستان رەسپۋبليكاسىنىڭ ۇكiمەتi ايقىنداعان وكiلەتتiكتەر شەگiندە ارەكەت ەتەدi, باسقا مەملەكەتتەرمەن, حالىقارالىق وداقتارمەن جانە حالىقارالىق ۇيىمدارمەن ءوزارا ءىس-قيمىل كەزiندە قازاقستاننىڭ پوشتا بايلانىسى سالاسىنداعى مۇددەلەرiن بiلدiرەدi جانە قورعايدى;
12) كەدەن ءىسى سالاسىنداعى ۋاكىلەتتى ورگانمەن كەلىسۋ بويىنشا ۇلتتىق پوشتا وپەراتورىنىڭ نەمەسە پوشتا وپەراتورلارىنىڭ ءوتىنىشتەرى بويىنشا حالىقارالىق پوشتا الماسۋ ورىندارىن بەكىتەدى;
13) وپەراتوردى تاعايىنداۋ جانە تاعايىندالعان وپەراتوردىڭ وكىلەتتىكتەرىن كەرى قايتارىپ الۋ قاعيدالارىن بەكىتەدى;
14) وپەراتوردى تاعايىندايدى جانە تاعايىندالعان وپەراتوردىڭ وكىلەتتىكتەرىن كەرى قايتارىپ الادى;
15) پوشتا وپەراتورلارىنىڭ اتاۋلى قۇرىلعىلاردى قولدانۋ قاعيدالارىن بەكىتەدى;
16) پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىن بەكىتەدى;
17) پوشتا تولەمىنىڭ مەملەكەتتىك بەلگىلەرىن قوسپاعاندا, پوشتا وپەراتورىنىڭ پوشتا تولەمى بەلگىلەرىن كەلىسەدى, ونى پايدالانۋ ءتارتىبىن جانە پوشتا وپەراتورىنىڭ پوشتا تولەمى بەلگىلەرىنە قويىلاتىن تالاپتاردى ايقىندايدى;
18) فيلاتەليالىق ءونىم رەتىندە پايدالانۋ ماقساتىندا پوشتا تولەمىنىڭ مەملەكەتتىك بەلگىسىن پوشتا اينالىمىنان الۋدى جۇزەگە اسىرادى;
19) ەلەكتروندىق ابونەنتتىك پوشتا جاشىكتەرىنىڭ بىرىڭعاي جۇيەسىنىڭ جۇمىس ىستەۋى جانە ەلەكتروندىق ابونەنتتىك پوشتا جاشىكتەرىنىڭ بىرىڭعاي جۇيەسىندە پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردى اۆتورلاندىرۋ قاعيدالارىن بەكىتەدى;
20) ابونەنتتىك پوشتا جاشىكتەرىن ورنالاستىرۋ, كۇتىپ-ۇستاۋ جانە ولاردىڭ تەحنيكالىق سيپاتتامالارى جونىندەگى تالاپتاردى بەكىتەدى;
21) پوشتا بايلانىسىنىڭ امبەباپ كورسەتىلەتىن قىزمەتتەرىنىڭ ساپا كورسەتكىشتەرىن بەكىتەدى;
22) پوشتا وپەراتورلارىنىڭ قىزمەتتەر كورسەتۋىنە قاجەتتى جانە جەتكىلىكتى, پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردىڭ دەربەس دەرەكتەرىنىڭ بىرىڭعاي تىزبەسىن بەكىتەدى;
23) ۇلتتىق پوشتا وپەراتورىن ايقىندايدى;
24) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
2. وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋداندار, اۋداندىق ماڭىزى بار قالالار, كەنتتەر, اۋىلدار, اۋىلدىق وكرۋگتەر اكىمدەرى:
1) پوشتا وپەراتورلارىنا وزدەرىنىڭ اۋماقتارىنا وندىرىستىك وبەكتىلەردى ورنالاستىرۋىندا جاردەم كورسەتەدى;
2) اكىمشىلىك-اۋماقتىق بىرلىك اۋماعىندا پوشتا بايلانىسىنىڭ ءتيىمدى جۇمىس ىستەۋىنە جاردەمدەسەدى;
3) كوندومينيۋم وبەكتىلەرىن باسقارۋ ورگاندارىمەن, تۇرعىن جانە تۇرعىن ەمەس عيماراتتاردىڭ مەنشىك يەلەرىمەن ولاردىڭ ابونەنتتىك پوشتا جاشىكتەرىن قامتاماسىز ەتۋى جانە ولاردى تيىسىنشە پايدالانۋ جونىندە جۇمىس جۇرگىزەدى.
6-باپ. پوشتا سالاسىنداعى قۇپيانى قامتاماسىز ەتۋ
1. مەملەكەت ءاربىر پوشتا وپەراتورىنىڭ كورسەتىلەتىن قىزمەتتەرىن پايدالانۋشىعا پوشتا قۇپياسى قۇقىعىنا كەپىلدىك بەرەدى. قازاقستان رەسپۋبليكاسىنىڭ زاڭدارىندا تىكەلەي بەلگىلەنگەن جاعدايلاردا جانە تارتىپپەن عانا وسى قۇقىقتى شەكتەۋلەرگە جول بەرىلەدى.
2. پوشتا سالاسىنداعى قۇپيا پوشتا قۇپياسى جانە بانك قۇپياسى بولىپ بولىنەدى. پوشتا قۇپياسىن جانە بانك قۇپياسىن ساقتاۋ جانە قامتاماسىز ەتۋ جونىندەگى تالاپتار وسى زاڭدا جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسىنىڭ زاڭىندا بەلگىلەنەدى.
3. پوشتا وپەراتورلارى پوشتا سالاسىنداعى قۇپيانى قامتاماسىز ەتۋ جونىندەگى تالاپتاردى ساقتاۋعا مىندەتتى. قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, پوشتا جونەلتىلىمدەرىن اشۋ پروتسەسىنە قاتىسقان پوشتا وپەراتورلارىنىڭ جۇمىسكەرلەرى قازاقستان رەسپۋبليكاسىنىڭ زاڭدارىندا تىكەلەي بەلگىلەنگەن جاعدايلاردى قوسپاعاندا, پوشتا قۇپياسىن ساقتاۋمەن بايلانىستى اقپاراتتى جاريالاۋعا قۇقىلى ەمەس.
4. پوشتا سالاسىنداعى قۇپيانىڭ بۇزىلۋىنا جول بەرگەن پوشتا وپەراتورلارىنىڭ لاۋازىمدى ادامدارى مەن باسقا دا جۇمىسكەرلەرى, سونداي-اق وزگە دە جەكە جانە زاڭدى تۇلعالار قازاقستان رەسپۋبليكاسىنىڭ زاڭدارىنا سايكەس جاۋاپقا تارتىلادى.
5. پوشتا جونەلتىلىمدەرىن قاراپ-تەكسەرۋدى, الۋدى جانە تىيىم سالۋدى قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن جاعدايلاردا عانا سوتتار, قۇقىق قورعاۋ ورگاندارى جانە ارناۋلى مەملەكەتتىك ورگاندار جۇزەگە اسىرادى.
7-باپ. پوشتا وپەراتورلارىنىڭ جەدەل-ىزدەستىرۋ قىزمەتىن جۇزەگە اسىراتىن ورگاندارمەن ءوزارا ءىس-قيمىلى
1. قازاقستان رەسپۋبليكاسىنىڭ اۋماعىندا پوشتا قىزمەتىن جۇزەگە اسىراتىن پوشتا وپەراتورلارى قازاقستان رەسپۋبليكاسىنىڭ زاڭنامالىق اكتىلەرىنە سايكەس پوشتا بايلانىسى جەلىلەرىندە جەدەل-ىزدەستىرۋ قىزمەتىن جۇزەگە اسىراتىن ورگاندارعا پوشتا بايلانىسىنىڭ بارلىق جەلىلەرىندە جەدەل-ىزدەستىرۋ ءىس-شارالارىن جۇرگىزۋدىڭ ۇيىمداستىرۋشىلىق جانە تەحنيكالىق مۇمكىندىكتەرىن, پوشتا وپەراتورىنىڭ كورسەتىلەتىن قىزمەتتەرىن پايدالانۋشىلار تۋرالى قىزمەتتىك اقپاراتقا قولجەتىمدىلىكتى قامتاماسىز ەتۋگە, سونداي-اق كورسەتىلگەن ءىس-شارالاردى وتكىزۋ نىساندارى مەن تاسىلدەرىنىڭ اشىلۋىن بولدىرماۋ جونىندە شارالار قولدانۋعا مىندەتتى.
ۋاكىلەتتى ورگان ۇلتتىق قاۋىپسىزدىك ورگاندارىمەن كەلىسۋ بويىنشا جەدەل-ىزدەستىرۋ ءىس-شارالارىن جۇرگىزۋ ماقساتىندا پوشتا بايلانىسى جەلىلەرى مەن قۇرالدارىنا قويىلاتىن تالاپتاردى, سونداي-اق قازاقستان رەسپۋبليكاسىنىڭ پوشتا جەلىلەرىندە جەدەل-ىزدەستىرۋ ءىس-شارالارىن جۇرگىزۋدىڭ اپپاراتتىق-باعدارلامالىق جانە تەحنيكالىق قۇرالدارىن ەنگىزۋ جانە پايدالانۋ كەزىندەگى ءوزارا ءىس-قيمىل جاساۋ قاعيدالارىن ايقىندايدى.
پوشتا وپەراتورلارى جەدەل-ىزدەستىرۋ ءىس-شارالارىن جۇرگىزۋدى, دەربەس دەرەكتەر تۋرالى اقپارات جيناۋدى جانە ساقتاۋدى قامتاماسىز ەتەتىن تەحنيكالىق قۇرالدار مەن جابدىقتى پوشتا جەلىلەرىندە ورناتۋعا مىندەتتى. دەربەس دەرەكتەر تۋرالى اقپاراتتى ساقتاۋ مەرزىمى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىندا ايقىندالادى.
2. پوشتا وپەراتورلارىنىڭ جەدەل-ىزدەستىرۋ قىزمەتىن جۇزەگە اسىراتىن ورگاندارمەن ءوزارا قاتىناستارى «جەدەل-ىزدەستىرۋ قىزمەتى تۋرالى» قازاقستان رەسپۋبليكاسىنىڭ زاڭىمەن جانە وسى زاڭمەن رەتتەلەدى.
8. پوشتا سالاسىندا كورسەتىلەتىن قىزمەتتەرگە تاريفتەر
1. ەگەر قازاقستان رەسپۋبليكاسىنىڭ زاڭناماسىندا وزگەشە كوزدەلمەسە, پوشتا سالاسىندا كورسەتىلەتىن قىزمەتتەرگە تاريفتەردى پوشتا وپەراتورلارى نەگiزدەلگەن شىعىندار نەگiزiندە ءوزى دەربەس بەلگىلەيدى.
2. پوشتا وپەراتورلارى كورسەتەتىن پوشتا بايلانىسىنىڭ امبەباپ كورسەتىلەتىن قىزمەتتەرىنە تاريفتەردى (باعالاردى, الىم مولشەرلەمەلەرىن) جانە ولاردىڭ شەكتى دەڭگەيىن «تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن ۋاكىلەتتى ورگان بەكىتەدى.
ءتيىستى تاۋار نارىعىندا ۇستەم نەمەسە مونوپوليالىق جاعدايعا يە نارىق سۋبەكتىلەرى بولىپ تابىلاتىن پوشتا وپەراتورلارىنىڭ كورسەتىلەتىن قىزمەتتەرىنە باعا بەلگىلەۋ ءتارتىبى قازاقستان رەسپۋبليكاسىنىڭ زاڭناماسىنا سايكەس بەلگىلەنەدى.
3-تاراۋ. پوشتا سالاسىنداعى قىزمەت
9-باپ. پوشتا سالاسىنداعى قىزمەت
1. قازاقستان رەسپۋبليكاسىندا پوشتا سالاسىندا مىناداي قىزمەت تۇرلەرى:
1) پوشتا قىزمەتى;
2) وسى زاڭعا سايكەس پوشتا سالاسىنداعى وزگە دە قىزمەت قولدانىلادى.
2. پوشتا قىزمەتىنە مىناداي پوشتا بايلانىسىنىڭ كورسەتىلەتىن قىزمەتتەرى جاتادى:
1) پوشتا بايلانىسىنىڭ امبەباپ كورسەتىلەتىن قىزمەتتەرى;
2) تiركەلەتiن پوشتا جونەلتiلىمدەرiن جiبەرۋ بويىنشا كورسەتىلەتىن قىزمەتتەر;
3) پوشتا بايلانىسىنىڭ جەدەلدەتىلگەن جانە كۋرەرلiك كورسەتىلەتىن قىزمەتتەرى;
4) پوشتالىق اقشا اۋدارىمدارى;
5) جازدىرىپ الىناتىن مەرزىمدى باسپا باسىلىمدارىن تاراتۋ جانە بولشەك ساۋدادا ساتۋ بويىنشا كورسەتىلەتىن قىزمەتتەر;
6) پوشتا تولەمىنىڭ بەلگىلەرىن جانە فيلاتەليالىق ءونىمدى وتكىزۋ بويىنشا كورسەتىلەتىن قىزمەتتەر;
7) گيبريدتىك جونەلتىلىمدى جىبەرۋ بويىنشا كورسەتىلەتىن قىزمەتتەر;
8) «بايلانىس تۋرالى» قازاقستان رەسپۋبليكاسىنىڭ زاڭىنا سايكەس ارناۋلى پوشتا بايلانىسىنىڭ كورسەتىلەتىن قىزمەتتەرى;
9) پوشتا بايلانىسىنىڭ كورسەتىلەتىن قىزمەتتەرىمەن تىعىز بايلانىستا ۇسىنىلاتىن وزگە دە كورسەتىلەتىن قىزمەتتەر.
3. پوشتا سالاسىنداعى وزگە دە قىزمەتكە:
1) قازاقستان رەسپۋبليكاسىنىڭ زاڭدارىندا كوزدەلگەن بانك وپەراتسيالارى, قارجىلىق كورسەتىلەتىن قىزمەتتەر;
2) تاۋارلاردى (جۇكتەردى) تاسىمالداۋ, وڭدەۋ, قويماعا جيناۋ جانە ساقتاۋ بويىنشا كورسەتىلەتىن قىزمەتتەر;
3) قازاقستان رەسپۋبليكاسى زاڭناماسىنىڭ تالاپتارىنا سايكەس تاپسىرما جانە (نەمەسە) كوميسسيا شارتى جاعدايلارىندا زاڭدىق ارەكەتتەردى جاساۋ;
4) زەينەتاقىلاردى, جاردەماقىلار مەن وزگە دە الەۋمەتتىك تولەمدەردى جەتكiزۋ بويىنشا كورسەتىلەتىن قىزمەتتەر جاتادى.
10-باپ. پوشتا بايلانىسىنىڭ امبەباپ كورسەتىلەتىن قىزمەتتەرى
1. پوشتا وپەراتورى پوشتا بايلانىسىنىڭ امبەباپ كورسەتىلەتىن قىزمەتتەرىن ۇسىنعان كەزدە پوشتا جاشىكتەرىنەن جيناپ الىنعان جانە (نەمەسە) وندىرىستىك وبەكتىلەردە قابىلدانعان جانە ادرەساتقا تاپسىرعانى تۋرالى قولحات الماي جەتكىزىلەتىن, پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردىڭ تىركەلمەيتىن پوشتا جونەلتىلىمدەرىن جىبەرۋ جونىندەگى قىزمەتتەردى كورسەتەدى.
پوشتا وپەراتورىنىڭ پوشتا بايلانىسىنىڭ امبەباپ كورسەتىلەتىن قىزمەتتەرىن ۇسىنۋى ۋاكىلەتتى ورگان بەكىتكەن, پوشتا وپەراتورىنىڭ كورسەتىلەتىن قىزمەتتەرىن پايدالانۋشىلاردىڭ پوشتا بايلانىسىنىڭ امبەباپ كورسەتىلەتىن قىزمەتتەرىنىڭ قولجەتىمدىلىگىنە, ساپاسىنا جانە ۇسىنىلۋ باعاسىنا دەگەن قاجەتتىلىكتەرىن قاناعاتتاندىراتىن تالاپتار بەلگىلەنەتىن, پوشتا بايلانىسىنىڭ امبەباپ كورسەتىلەتىن قىزمەتتەرىنىڭ ساپا كورسەتكىشتەرىنە سايكەس جۇزەگە اسىرىلادى.
2. پوشتا بايلانىسىنىڭ امبەباپ كورسەتىلەتىن قىزمەتتەرى مىناداي كورسەتىلەتىن قىزمەتتەر تۇرلەرىن:
1) تىركەلمەيتىن حاتتى جىبەرۋ بويىنشا كورسەتىلەتىن قىزمەتتى;
2) تىركەلمەيتىن پوشتا كارتوچكاسىن جىبەرۋ بويىنشا كورسەتىلەتىن قىزمەتتى;
3) تىركەلمەيتىن باندەرولدى جىبەرۋ بويىنشا كورسەتىلەتىن قىزمەتتى;
4) جازدىرىپ الىناتىن مەرزiمدi ءباسپاسوز باسىلىمدارىن تاراتۋ بويىنشا كورسەتىلەتىن قىزمەتتى قامتيدى.
3. تىركەلمەيتىن پوشتا جونەلتىلىمدەرى قازاقستان رەسپۋبليكاسىنىڭ اۋماعى بويىنشا دا, ونىڭ شەگىنەن تىس جەرلەرگە دە جىبەرۋگە قابىلدانادى. تىركەلمەيتىن پوشتا جونەلتىلىمدەرىمەن جىبەرىلەتىن نارسەلەر مەن زاتتارعا قويىلاتىن تالاپتار پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىندا ايقىندالادى.
4. مەملەكەتتىك ورگاندار مەن مەملەكەتتىك زاڭدى تۇلعالار اراسىندا تىركەلمەيتىن پوشتالىق جونەلتىلىمدەردى جىبەرۋگە, سونداي-اق جەكە جانە زاڭدى تۇلعالارعا تىركەلمەيتىن پوشتا جونەلتىلىمدەرى تۇرىندەگى جازباشا جاۋاپتار جولداۋعا تىيىم سالىنادى.
11-باپ. تىركەلەتىن پوشتا جونەلتىلىمدەرىن جىبەرۋ بويىنشا كورسەتىلەتىن قىزمەتتەر
1. تىركەلەتىن پوشتا جونەلتىلىمىن جىبەرۋ پوشتا جونەلتىلىمىنىڭ قابىلدانعانىن قۇجاتتىق راستاۋ, جونەلتۋشiگە تۇبىرتەك بەرۋ جانە پوشتا جونەلتىلىمىنە پوشتالىق تىركەۋ ءنومىرىن (سايكەستەندىرۋ ارىپتىك-تسيفرلىق شتريح-كود) بەرۋ, سونداي-اق پوشتا جونەلتىلىمىن ادرەساتقا قولحات ارقىلى تابىس ەتۋ جولىمەن جۇزەگە اسىرىلادى.
2. تىركەلەتىن پوشتا جونەلتىلىمدەرىنە: حات (تاپسىرىستى, قۇندىلىعى جاريالانعان), پوشتا كارتوچكاسى (تاپسىرىستى), باندەرول (تاپسىرىستى, قۇندىلىعى جاريالانعان), ۇساق پاكەت (تاپسىرىستى, قۇندىلىعى جاريالانعان), جىبەرىلىمدەر (جاي, قۇندىلىعى جاريالانعان) جاتادى.
تىركەلەتىن پوشتا جونەلتىلىمدەرىن جىبەرۋ بويىنشا كورسەتىلەتىن قىزمەتكە ەنگىزىلەتىن پوشتا جونەلتىلىمدەرىنىڭ تۇرلەرى مەن ساناتتارىنىڭ قوسىمشا تىزبەسى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىندا بەلگىلەنەدى.
تىركەلەتىن پوشتا جونەلتىلىمى قايتارىم مەكەنجايى مىندەتتى تۇردە كورسەتىلە وتىرىپ, قابىلدانادى.
3. تىركەلەتىن پوشتا جونەلتىلىمدەرى قازاقستان رەسپۋبليكاسىنىڭ اۋماعى بويىنشا دا, ونىڭ شەگىنەن تىس جەرلەرگە دە قابىلدانادى. تىركەلەتىن پوشتا جونەلتىلىمدەرىمەن جىبەرىلەتىن نارسەلەرگە, زاتتار مەن تاۋارلارعا قويىلاتىن تالاپتار پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىندا ايقىندالادى.
12-باپ. جەدەلدەتىلگەن جانە كۋرەرلىك پوشتا بايلانىسىنىڭ كورسەتىلەتىن قىزمەتتەرى
1. پوشتا وپەراتورىنىڭ جەدەلدەتىلگەن جانە (نەمەسە) كۋرەرلىك پوشتا بايلانىسىنىڭ كورسەتىلەتىن قىزمەتتەرىن ۇسىنۋ بويىنشا قىزمەتى پوشتا جونەلتىلىمدەرىن جەدەل (ەكسپرەسس) وڭدەۋ, تاسىمالداۋ, جەتكىزۋ جانە (نەمەسە) تابىس ەتۋ ەسكەرىلە وتىرىپ جانە (نەمەسە) وسىنداي پوشتا جونەلتىلىمدەرىن كۋرەردىڭ تاسىمالداۋى جانە تابىس ەتۋى ەسكەرىلە وتىرىپ, ولاردى جىبەرۋدەن تۇرادى.
2. جەدەلدەتىلگەن جانە كۋرەرلىك پوشتا بايلانىسىنىڭ كورسەتىلەتىن قىزمەتىنە:
1) پوشتا جونەلتىلىمدەرىن قابىلداۋ;
2) پوشتا جونەلتىلىمدەرىن وڭدەۋ, سۇرىپتاۋ, ساقتاۋ, تاسىمالداۋ جانە جەتكىزۋ;
3) پوشتا جونەلتىلىمدەرىن تابىس ەتۋ;
4) جونەلتۋشىنى پوشتا جونەلتىلىمىنىڭ ادرەساتقا تابىس ەتىلگەنى تۋرالى حاباردار ەتۋ كىرەدى.
13-باپ. پوشتالىق اقشا اۋدارىمى
1. پوشتالىق اقشا اۋدارىمى تىركەلەتىن پوشتا جونەلتىلىمى بولىپ تابىلادى. پوشتالىق اقشا اۋدارىمىنىڭ ءتارتىبى مەن وعان قويىلاتىن تالاپتار, سونداي-اق پوشتا جونەلتىلىمى بلانكىسىنىڭ نىساندارى پوشتا بايلانىسىنىڭ كورسەتىلەتىن قىزمەتتەرىن ۇسىنۋ قاعيدالارىندا بەلگىلەنەدى.
2. قازاقستان رەسپۋبليكاسىنىڭ ىشىندە جىبەرىلەتىن پوشتالىق اقشا اۋدارىمىنىڭ سوماسى, ەگەر قازاقستان رەسپۋبليكاسىنىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل سالاسىنداعى زاڭناماسىندا وزگەشە كوزدەلمەسە, شەكتەلمەيدى. پوشتالىق اقشا اۋدارىمدارى قازاقستان رەسپۋبليكاسىنىڭ ۇلتتىق ۆاليۋتاسىندا جانە قازاقستان رەسپۋبليكاسىنىڭ ۆاليۋتالىق زاڭناماسىنا سايكەس باسقا ۆاليۋتالاردا قابىلدانادى.
پوشتالىق اقشا اۋدارىمدارىن شەتەل ۆاليۋتاسىندا جۇزەگە اسىرعان كەزدە, جونەلتۋشى (الۋشى) قازاقستان رەسپۋبليكاسىنىڭ ۆاليۋتالىق زاڭناماسىنىڭ تالاپتارىنا سايكەس قوسىمشا مالىمەتتەر مەن قۇجاتتاردى تابىس ەتەدى.
3. پوشتالىق اۋدارىمداردى جۇزەگە اسىرۋ ءۇشىن اقشانى قابىلداۋ قولما-قول اقشا جانە قولما-قول اقشاسىز تاسىلمەن جۇرگىزىلەدى. قولما-قول اقشاسىز ءتاسىل كەزىندە پوشتالىق اقشا اۋدارىمى پوشتا وپەراتورىنىڭ بانكتىك شوتىنا اقشا جانە كوميسسيالىق سىياقى سوماسى كەلىپ تۇسكەننەن كەيىن جۇرگىزىلەدى.
14-باپ. جازدىرىپ الىناتىن مەرزىمدى باسپا باسىلىمدارىن تاراتۋ
1. جازدىرىپ الىناتىن مەرزىمدى باسپا باسىلىمدارىن تاراتۋ جونىندەگى قىزمەتتەردى پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا ۇسىنۋ پوشتا وپەراتورى بۇقارالىق اقپارات قۇرالدارىنىڭ مەنشىك يەسىمەن نەمەسە ونىڭ وكىلىمەن پوشتا وپەراتورىنىڭ جازدىرىپ الۋ كاتالوگىنە مەرزىمدى باسپا باسىلىمىن ەنگىزۋ جونىندە شارت جاساسقاننان كەيىن جۇزەگە اسىرىلادى.
پوشتا وپەراتورى جازدىرىپ الۋدىڭ بىرىڭعاي كاتالوگىن قاعاز جەتكىزگىشتە نەمەسە ەلەكتروندىق نىساندا جۇرگىزەدى, وندا مەرزىمدى باسپا باسىلىمدارىنىڭ تاراتىلۋ اۋماعىنا قاراي رەسپۋبليكالىق, جەرگىلىكتى جانە شەتەلدىك مەرزىمدى باسپا باسىلىمدارى جونىندەگى بولىمدەر قامتىلۋعا ءتيىس.
2. جازدىرىپ الىناتىن مەرزىمدى باسپا باسىلىمدارىن تاراتۋ مىنا كەزەڭدەردەن تۇرادى:
1) بۇقارالىق اقپارات قۇرالدارىنىڭ مەنشىك يەسىمەن نەمەسە ونىڭ وكىلىمەن مەرزىمدى باسپا باسىلىمدارىن تاراتۋعا, سونداي-اق پوشتا وپەراتورىنىڭ كورسەتىلەتىن قىزمەتتەرىن پايدالانۋشىدان تاپسىرىستى قابىلداۋعا جانە جازدىرىپ الۋدى رەسىمدەۋگە, ونىڭ ىشىندە ينتەرنەت-رەسۋرستى پايدالانا وتىرىپ رەسىمدەۋگە جانە مەرزىمدى باسپا باسىلىمدارىنا پوشتا وپەراتورى قابىلداعان جازدىرىپ الۋ بويىنشا اقپاراتتى وڭدەۋدى جۇزەگە اسىرۋعا شارت جاساسۋ;
2) پوشتا وپەراتورىنىڭ مەرزىمدى باسپا باسىلىمدارىن قابىلداۋى, وڭدەۋى, تاسىمالداۋى, پوشتا وپەراتورىنىڭ كورسەتىلەتىن قىزمەتتەرىن پايدالانۋشىعا جەتكىزۋى نە مەرزىمدى باسپا باسىلىمىن پوشتا وپەراتورىنىڭ كورسەتىلەتىن قىزمەتتەرىن پايدالانۋشىنىڭ ەلەكتروندىق ابونەنتتىك پوشتا جاشىگىنە ەلەكتروندىق نىساندا جىبەرۋى.
3. رەسپۋبليكالىق, جەرگىلىكتى جانە شەتەل مەرزىمدى باسپا باسىلىمدارىنا جازىلۋدى پوشتا وپەراتورى نەمەسە پوشتا وپەراتورىنىڭ كورسەتىلەتىن قىزمەتتەرىن پايدالانۋشى ءوندىرىستىك وبەكتىلەر نەمەسە ينتەرنەت-رەسۋرستار ارقىلى جۇزەگە اسىرادى. جازدىرىپ الىناتىن رەسپۋبليكالىق مەرزىمدى باسپا باسىلىمدارىن قازاقستان رەسپۋبليكاسىنىڭ بۇكىل اۋماعىندا تاراتۋ بۇقارالىق اقپارات قۇرالدارى سالاسىنداعى ۋاكىلەتتى ورگان بەرەتىن قۇجاتقا سايكەس جۇزەگە اسىرىلادى, ال جەرگىلىكتى مەرزىمدى باسپا باسىلىمدارىن تاراتۋ وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارى بەرەتىن ءتيىستى قۇجاتتا كورسەتىلگەن وبلىس, رەسپۋبليكالىق ماڭىزى بار قالا, استانا اۋماعىندا جۇزەگە اسىرىلادى.
4. جازدىرىپ الىناتىن شەتەلدىك مەرزىمدى باسپا باسىلىمدارىن تاراتۋ «بۇقارالىق اقپارات قۇرالدارى تۋرالى» قازاقستان رەسپۋبليكاسىنىڭ زاڭىنا سايكەس بۇقارالىق اقپارات قۇرالدارى سالاسىنداعى ۋاكىلەتتى ورگان, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارى بەرەتىن قازاقستان رەسپۋبليكاسىنىڭ اۋماعىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋ تۋرالى قۇجاتتا كورسەتىلگەن اۋماقتا جۇزەگە اسىرىلادى.
15-باپ. مەرزىمدى باسپا باسىلىمدارىن بولشەك ساۋدا ارقىلى ساتۋ
1. پوشتا وپەراتورىنىڭ كورسەتىلەتىن قىزمەتتەرىن پايدالانۋشىلارعا مەرزىمدى باسپا باسىلىمدارىن بولشەك ساۋدا ارقىلى ساتۋ جونىندەگى قىزمەتتەردى ۇسىنۋدى پوشتا وپەراتورى بۇقارالىق اقپارات قۇرالدارىنىڭ مەنشىك يەسىمەن نەمەسە ونىڭ وكىلىمەن جاسالعان شارت نەگىزىندە جۇزەگە اسىرادى.
2. شەتەلدىك مەرزىمدى باسپا باسىلىمدارىن بولشەك ساۋدا ارقىلى ساتۋدى پوشتا وپەراتورى قازاقستان رەسپۋبليكاسىندا تاراتىلاتىن, «بۇقارالىق اقپارات قۇرالدارى تۋرالى» قازاقستان رەسپۋبليكاسىنىڭ زاڭىنا سايكەس بۇقارالىق اقپارات قۇرالدارى سالاسىنداعى ۋاكىلەتتى ورگان, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارى بەرەتىن قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋ تۋرالى قۇجاتتا كورسەتىلگەن اۋماقتا جۇزەگە اسىرادى.
16-باپ. پوشتا تولەمىنىڭ بەلگىلەرىن وتكىزۋ
1. پوشتا تولەمىنىڭ بەلگىلەرى پوشتا وپەراتورىنىڭ جازباشا حات-حاباردى جىبەرۋ جونىندەگى قىزمەتتەرىنە قولدانىستاعى تاريفتەرگە سايكەس اقى تولەنگەنىن راستاۋعا ارنالعان. پوشتا تولەمىنىڭ بەلگىلەرىن قولدانۋ جازباشا حات-حابار جونەلتىلىمدەرىنە عانا جۇزەگە اسىرىلادى.
2. پوشتا وپەراتورى, پوشتا تولەمىنىڭ مەملەكەتتىك بەلگىلەرىن قوسپاعاندا, ۋاكىلەتتى ورگانمەن كەلىسىلگەن پوشتا تولەمىنىڭ بەلگىلەرىن پايدالانادى.
3. پوشتا وپەراتورلارى قازاقستان رەسپۋبليكاسىنىڭ اۋماعىندا ىشكى جانە حالىقارالىق جازباشا حات-حاباردى جىبەرۋدى پوشتا تولەمىنىڭ بەلگىلەرى بولعان كەزدە عانا جۇزەگە اسىرادى.
4. ساتىلعان پوشتا تولەمىنىڭ بەلگىلەرى, ونىڭ ىشىندە مەملەكەتتىك بەلگىلەر قايتارىلۋعا جانە اۋىستىرىلۋعا جاتپايدى.
5. پوشتا جونەلتىلىمىندە پوشتا تولەمىنىڭ بەلگىلەرى بولماعان نەمەسە بەلگىلەنگەن تاريف ءىشىنارا تولەنگەن كەزدە, پوشتا وپەراتورى مۇنداي پوشتا جونەلتىلىمىن جونەلتۋشىگە قايتارادى.
6. لاستانعان, ب ۇلىنگەن, پايدالانىلعان (وتەلگەن), اينالىمنان الىنعان پوشتا تولەمىنىڭ بەلگىلەرى, سونداي-اق باسقا مەملەكەتتەردىڭ پوشتا تولەمىنىڭ بەلگىلەرى پوشتا بايلانىسىنىڭ كورسەتىلەتىن قىزمەتتەرىن ءتو