الەمنىڭ ۇزدىك بالۋاندارى بالۋان شولاق سپورت سارايىنا جينالادى

استانا. 20 ءساۋىر. 13-15 مامىر ارالىعىندا الماتى قالاسىندا «Grand Prix» جارىسى وتەدى. بۇل تۋرالى egemen.kz ءتىلشىسى حابارلادى. وعان الەمنىڭ 70-تەن استام ەلدىڭ بالۋاندارى قاتىسادى. بۇگىنگى تاڭدا 76 مەملەكەتتىڭ سپورتشىلارى جارىسقا قاتىسۋعا ءوتىنىش ءبىلدىردى. حالىقارالىق دزيۋدو فەدەراتسياسىنىڭ ەرەجەسىنە سايكەس, الاڭ يەلەرى ءار سالماق دارەجەسى بويىنشا ءتورت سپورتشىعا دەيىن قاتىستىرا الادى. سونىمەن قاتار, «Grand Prix» جارىسى اياسىندا دزيۋدو اكادەمياسى رەسمي تۇردە اشىلادى. دزيۋدو اكادەمياسىنىڭ سالتاناتتى اشىلۋ راسىمىنە مادەنيەت جانە سپورت ءمينيسترى ارىستانبەك مۇحامەدي ۇلى, الماتى قالاسىنىڭ اكىمى باۋىرجان بايبەك, حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر جانە قازاقستان دزيۋدو فەدەراتسياسىنىڭ پرەزيدەنتى كەڭەس راقىشەۆ قاتىسادى. دزيۋدو اكادەمياسى ءتورت تاتاميگە ارنالعان زال, جاتتىعۋ زالى, 100 ورىندىق جاتاقحانا مەن اسحاناسى ورنالاسادى. وندا قازاقستان ۇلتتىق قۇراماسىمەن قاتار, جاس دزيۋدوشىلار دا جاتتىعاتىن بولادى. اكادەميادا حالىقارالىق جاتتىعۋ جيىنى, سەمينارلار مەن شەت ەلدىك ماماندارمەن بىرلەسە ءار-ءتۇرلى شەبەرلىك ساباقتارى ۇيىمداستىرىلادى. «Grand Prix» بالۋان شولاق اتىنداعى سپورت سارايىندا 13 مامىردا ساعات 10.00 باستالىپ, فينالدىق كەزدەسۋ ساعات 17.00-دە وتەدى. 13 مامىر كۇنى ساعات 16.30-دە ءتۋرنيردىڭ رەسمي اشىلۋى بولادى. ال وعان دەيىن ساعات 15.00-دە دزيۋدو اكادەمياسىنىڭ اشىلۋ سالتاناتى جوسپارلانعان. جەرەبە تارتۋ ءراسىمى 12 مامىر كۇنى ساعات 14.00-گە وتكىزىلەدى. جەرەبە تارتۋ ءراسىمى اياقتالعاننان سوڭ Rahat Palace قوناق ۇيىندە باق وكىلدەرىنە ارنالعان ءباسپاسوز ءماجىلىسى وتەدى. ءتۋرنيردى ۇيىمداستىرۋشىلار: قر مادەنيەت جانە سپورت مينيسترلىگى, الماتى قالاسىنىڭ اكىمدىگى, قر ۇلتتىق وليمپيادا كوميتەتى, سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى مەن قر دزيۋدو فەدەراتسياسى جۋرناليستەردى تىركەۋ حالىقارالىق دزيۋدو فەدەراتسياسىنىڭ رەسمي سايتىندا جۇرگىزىلىپ جاتىر (http://media.ijf.org) تىركەۋدەن وتكەن تىلشىلەر تىركەلگەندەرىن راستايتىن قاعازدارىن 11 مامىر كۇنى ساعات 14.00 - 18.00 ارالىعىندا بايتۇرسىنوۆ كوشەسى, 113 ۇيدە ورنالاسقان «استانا» حالىقارالىق قوناق ۇيىنەن الا الادى. جارىستىڭ جالپى جۇلدە قورى 100 000 اقش دوللارى. تۋرنير جەڭىمپازىنا 2 400 اقش دوللارى, جاتتىقتىرۋشىسىنا 600 دوللار بەرىلسە, ەكىنشى ورىن العان بالۋانعا 1 600 اقش دولالرى, ونىڭ جاتتىقتىرۋشىسىنا 400 اقش دوللارى تاپسىرىلادى.  ال قولا مەدال يەگەرى 800 دوللارمەن ماراپاتتالادى. جاتتىقتىرۋشىسىنا 200 دوللار  تابىس ەتىلەدى. داستان كەنجالين. دەرەك, فوتو: دزيۋدو فەدەراتسياسىنىڭ ءباسپاسوز قىزمەتى.