كەشە «تۇران» كوللەدجىندە استانا قالاسى الماتى اۋدانى پروكۋراتۋراسى مەن وسى وقۋ ورنى بىرىگىپ, «بالالىق شاقتى قورعاۋ» اتتى دوڭگەلەك ۇستەل وتكىزدى. وندا بالالار قۇقىعىن قورعاۋ, زورلىق-زومبىلىققا جول بەرمەۋ جانە قۇقىقتىق قوعامدى قالىپتاستىرۋ ماسەلەلەرى تالقىلاندى.
جيىنعا الماتى اۋدانى پروكۋراتۋراسىنىڭ ءبولىم پروكۋرورى د.تىنىشتىعۇلوۆا, ءبىلىم باسقارماسىنىڭ جاسوسپىرىمدەر قۇقىعىن قورعاۋ ءبولىمىنىڭ باسشىسى ل.ورىنباساروۆا, «قۇقىق» قوعامدىق قورىنىڭ باسشىسى و.رىل, استانا قالاسى ىشكى ىستەر باسقارماسىنىڭ پوليتسيا كاپيتانى گ.گافۋر, «تۇران» كوللەدجى ءبىلىم بەرۋ مەكەمەسىنىڭ قۇرىلتايشىسى ق.قۇدايبەرگەنوۆ قاتىسىپ, ماڭىزدى تاقىرىپ شەڭبەرىندە اڭگىمە قوزعادى.
بۇدان سوڭ «تۇران» كوللەدجىنىڭ 1-3 كۋرس ستۋدەنتتەرى اراسىندا وتكىزىلگەن «ءوز قۇقىعىڭدى ءبىل!» اتتى اۆتورلىق پلاكاتتار بايقاۋىنىڭ قورىتىندىسى جاريالانىپ, جەڭىمپازدار انىقتالدى.
اتاپ ايتساق, ءى ورىندى «ساۋلەت» ماماندىعىنىڭ 2-كۋرس ستۋدەنتى مارات قۋانىشقاليەۆ, ءىى ورىندى «ساۋلەت» ماماندىعىنىڭ 1-كۋرس ستۋدەنتى قابدۋالي قابدۋلينوۆ, ال ءىىى ورىندى «ءساۋلەت» ماماندىعىنىڭ 2-كۋرس ستۋدەنتتەرى ارمان ءماجيتوۆ پەن راۋان رىسبەك يەلەندى.
راۋشان سۇلەيمەنوۆا.