جاقىندا ارقالىق قالاسىنىڭ بەس تۇرعىنى «مۋحتاسيب المۇحاممەد» مەشىتىنە كەلىپ, ءتىلىن كاليماعا كەلتىردى. بۇل بەسەۋى دە وزگە ۇلت وكىلدەرى. يسلام ءدىنىن پ.اگوفونوۆ, ن.ۆيشنەۆەتسكي, ۆ.سافونوۆ, ت.وسونوۆەتس, ر.شايحينۋروۆ ەسىمدى ازاماتتار ءوز ەركىمەن قابىلدادى.
مەشىتتە ولارعا نايب-يمام ەسبول كاسەنوۆ يسلام قۇندىلىقتارىنان مالىمەت بەردى. سودان كەيىن جاماعات الدىندا باس يمام بەكتۇرسىن تورعايباي ۇلى اسىل ءدىنىمىزدى قابىلداعان ازاماتتارعا «مۇسىلماننىڭ سيپاتى» اتتى كىتاپشالاردى سالتاناتتى تۇردە تابىس ەتتى.
– يسلام ءدىنى – يماندىلىققا, مەيىرىمدىلىككە, ادامگەرشىلىككە, جاقسىلىققا شاقىراتىن ءدىن. ءبىز ونىڭ ارتىقشىلىقتارىنا كۇن وتكەن سايىن كوز جەتكىزىپ كەلدىك. مەشىتتە بىزگە ءدىن وكىلدەرى سۇراقتارىمىزعا جاۋاپ بەردى. تولعاندىرعان ساۋالدارىمىز كوپ ەدى. سولاردىڭ بارىنە ناقتى جاۋاپ الدىق, – دەيدى ولار.
داستان كەنجالين,
«ەگەمەن قازاقستان».