استانا. 4 ءساۋىر. اۆستراليانىڭ مەلبرۋن قالاسىنداعى دجەيد حەمەيستەر ەسىمدى مەكتەپ وقۋشىسى پوليار ەكسپەديتسياسىنىڭ ەڭ جاس قاتىسۋشىسى اتانباقشى. بۇل تۋرالى vesti.ru-عا سىلتەمە جاساعان egemen.kz حابارلادى.
14 جاستاعى بوزبالا سولتۇستىك جانە وڭتۇستىك پوليۋستەرگە, سونداي-اق, گرەنلاندياعا ساياحات جاساماقشى. ءجاسوسپىرىمنىڭ ساياحاتى ءبىر جىلدان استام ۋاقىتقا سوزىلادى. ەڭ باستىسى ول ساياحاتقا اكەسىمەن بىرگە شىعادى.
دجەيد حەمەيستەر جانە ونىڭ اكەسى پول ساياحات بارىسىندا مۇز بەن قار جاستانعان ەكى مىڭ كيلومەتر جەردى ءجۇرىپ ءوتۋى ءتيىس. سونداي-اق, ولاردىڭ ساياحاتى ءۇش كەزەڭنەن تۇرادى. ساياحاتشىلار الدىمەن 21 كۇن سولتۇستىك پوليۋستە, 2017 جىلدىڭ ءساۋىر ايىندا گرەنلانديانى باسىپ ءوتىپ, وڭتۇستىك پوليۋسكە اتتانادى.
ايتا كەتەيىك, اكەسى مەن قىزىنا سولتۇستىك جانە وڭتۇستىك پوليۋستەردى شاڭعىمەن باعىندىرعان تۇڭعىش اۆستراليالىق قۇرمەتىنە يە بولعان گيد – ەريك فيليپس كومەكتەسەدى. باتىل ءجاسوسپىرىمنىڭ اكەسى قيىن جاعدايدا ومىرمەن كۇرەسكەن ادام. ونىڭ جەڭىستەرىنىڭ ءبىرى – ەۆەرەستكە كوتەرىلۋ. ال دجەيد بيىلعى جىلدىڭ باسىندا جاڭا زەلاندياداعى جاتتىعۋ لاگەرىندە كروسسفيتپەن اينالىسىپ, كۇردەلى جاعدايلاردا امان قالۋ كۋرسىنان ءوتىپ, شاڭعى تەبۋدى دە ۇيرەنگەن. ونىڭ ايتۋىنشا, ساياحاتقا شىعۋ ءۇشىن ول 12 جاسىنان باستاپ جاتتىققان.
سالتانات ءجۇسىپ.
دەرەك: vesti.ru.
فوتو: massaget.kz.