استانا. 3 ءساۋىر. ساۋد ارابياسىنىڭ وڭتۇستىك-باتىسىنداعى اسير اكىمشىلىك وكرۋگىندا ەكى كولىك سوقتىعىسىپ, 15 ادام مەرت بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اپات سالدارىنان ەكى كولىكتىڭ ءبىرى ورتەنىپ كەتكەن. جەرگىلىكتى بيلىك قازا تاپقانداردىڭ التاۋى بۇلدىرشىندەر ەكەنىن مالىمدەدى. سونداي-اق, بىرنەشە ادام ءتۇرلى دەڭگەيدە جاراقات الىپ, اۋرۋحاناعا جەتكىزىلدى. دارىگەرلەر ولاردىڭ جاعدايى ءبىر قالىپقا كەلگەنىن ايتتى.
قازىرگى كەزدە وقيعا ورنىندا جەدەل جاردەم قىزمەتكەرلەرىنىڭ 8 كومانداسى قىزمەت ەتۋدە. سونداي-اق, ءتارتىپ ساقشىلارى تەرگەۋ امالدارىن جۇرگىزىپ جاتىر.
ايان ءابدۋالي.
دەرەك: ريا «نوۆوستي».
فوتو: 112.ua.