قوستاناي. 2 ءساۋىر. №2 قوستاناي قالالىق سوتى ورتالىق پوليتسيا ءبولىمىنىڭ ەسىرتكى ساۋداسىمەن كۇرەس ءبولىمىنىڭ باسشىسى, پوليتسيا كاپيتانىنا قاتىستى قىلمىستىق ءىستى قاراۋدى باستادى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ول قىلمىستىق كودەكستىڭ 307-بابى 4-بولىگى بويىنشا ايىپتالىپ وتىر. ۇيىمداسقان قىلمىستىق توپ مۇشەسى بولماسا دا, بۇگىندە باس بوستاندىقتارىنان ايىرىلعان ر.اسىلباەۆا, ا.پەترەنكو مەن ن.كيسەليوۆا باسقارعان قىلمىستىق توپقا كومەك جاساعان. قىزمەت وكىلەتتىگىن تەرىس پايدالانعان ايىپتالۋشى تۇراقتى تۇردە ەسىرتكى وتكىزۋشىلەردەن اقشالاي جانە گەروين تۇرىندە سىياقى الىپ, ولاردىڭ قوستاناي قالاسىندا اسا ءىرى كولەمدە زاڭسىز ەسىرتكى وتكىزۋلەرىنە جاعداي جاساپ وتىرعان.
ءنازيرا جارىمبەتوۆا.
دەرەك, فوتو: قوستاناي وبلىستىق سوتتىڭ ءباسپاسوز قىزمەتى.