ءماجىلىس سپيكەرى باقتىقوجا ءىزمۇحامبەتوۆتىڭ توراعالىعىمەن ءماجىلىس بيۋروسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى پالاتانىڭ ءباسپاسوز قىزمەتى.
كۇن تارتىبىندە بىرقاتار راتيفيكاتسيالىق قۇجاتتاردى جۇمىسقا قابىلداۋ ماسەلەسى قارالدى. ولار: حالىقارالىق قايتا قۇرۋ جانە دامۋ بانكىمەن قازاقستاندا وفيستەر قۇرۋ جانە ولاردىڭ جۇمىس ىستەۋى تۋرالى, سونىمەن قاتار, ماكەدونيامەن ينۆەستيتسيالاردى كوتەرمەلەۋ جانە ءوزارا قورعاۋ تۋرالى ۇكىمەتارالىق كەلىسىمدەردى راتيفيكاتسيالاۋعا قاتىستى بولماق.
سونداي-اق, جالپى وتىرىستا ازاماتتىق زاڭنامانى جەتىلدىرۋ ماسەلەلەرى بويىنشا جۇمىستى ودان ءارى جالعاستىرۋدى تالقىلاۋ ۇسىنىلىپ وتىر.
زاڭ جوباسىندا ۇلەستىك مەنشىكتى يەلەنۋ, پايدالانۋ جانە وعان بيلىك ەتۋ ماسەلەلەرىندە ازاماتتاردىڭ زاڭدى مۇددەلەرى مەن قۇقىقتارىن قامتاماسىز ەتۋ ماقساتىندا م ۇلىكتى بەلگىلەنگەن ءتارتىپپەن ءبولىپ شىعارۋ مۇمكىن بولماعان جاعدايدا, سوتتىڭ ونى جاريا ساۋداعا سالىپ ساتۋ تۋرالى شەشىم قابىلداۋى بويىنشا يمپەراتيۆتى نورما بەلگىلەۋ قاراستىرىلادى.