استانا. 1 ءساۋىر. ەلباسى گەرمانيا فەدەرالدىق كانتسلەرى انگەلا مەركەلگە بۇرىنعى ۆيتسە-كانتسلەر, سىرتقى ىستەر ءمينيسترى گانس-ديتريح گەنشەردىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى. بۇل تۋرالى akorda.kz حابارلادى.
جەدەلحاتتا مەملەكەت قايراتكەرى گانس-ديتريح گەنشەردىڭ بۇكىل ءومىرىن گەرمانيا حالقىنىڭ بىرلىگى جولىنا ارناعانى اتاپ وتىلگەن.
«قازاقستان حالقى گانس-ديتريح گەنشەردىڭ ەكىجاقتى دوستىق قارىم-قاتىناستاردى ورناتۋعا جانە نىعايتۋعا زور ۇلەس قوسقان ءىرى تاريحي تۇلعا رەتىندە ءاردايىم ەستە ساقتايتىن بولادى», – دەلىنگەن جەدەلحاتتا.
سوڭىندا نۇرسۇلتان نازارباەۆ گانس-ديتريح گەنشەردىڭ وتباسى مۇشەلەرىنە, بۇكىل گەرمانيا حالقىنا جەكە ءوزىنىڭ جانە قازاقستان حالقىنىڭ اتىنان كوڭىل ايتتى.
ايان ءابدۋالي.
دەرەك, فوتو: akorda.kz.