24 ءساۋىر كۇنى رەسپۋبليكانىڭ باسىم بولىگىندە قۇبىلمالى كۇن رايى ساقتالادى. اتموسفەرالىق فرونتالدى بولىكتەردىڭ وتۋىنە بايلانىستى جەكەلەگەن وڭىرلەردە نايزاعاي ويناپ, جاڭبىر جاۋادى. سولتۇستىك-باتىس جانە باتىستا – جاۋىن-شاشىن, داۋىل, تۇمان, ەكپىندى جەل, باتىس جانە وڭتۇستىكتە – شاڭدى داۋىل, بۇرشاق كۇتىلەدى, دەپ حابارلايدى Egemen.kz.
اتاپ ايتقاندا, قوستاناي وبلىسىنىڭ كەي جەرلەرىندە تۇندە داۋىل, تۇمان كۇتىلەدى. كۇندىز باسىم بولىگىندە جەل 15-23 م/س-قا دەيىن كۇشەيەدى.
قىزىلوردا وبلىسىنىڭ كەي جەرلەرىندە شاڭدى داۋىل سوعىپ, بۇرشاق جاۋادى, كەي جەرلەرىندە جەلدىڭ ەكپىنى 15-23 م/س-قا دەيىن ارتادى.
كۇندىز جامبىل, تۇركىستان, باتىس قازاقستان, اقتوبە وبلىستارىنىڭ كەي جەرلەرىندە جەل 15-20 م/س-قا دەيىن كۇشەيەدى. تۇركىستان وبلىسىنىڭ كەي جەرلەرىندە داۋىل كۇتىلەدى, باتىس قازاقستان وبلىسىندا بۇرشاق جاۋى ىقتيمال.
اتىراۋ, سولتۇستىك قازاقستان, قاراعاندى, شىعىس قازاقستان وبلىستارىنىڭ كەي جەرلەرىندە جەلدىڭ كۇشى 15-25 م/س-قا دەيىن كۇشەيەدى. اتىراۋ وبلىسىنىڭ كەي جەرلەرىندە شاڭدى داۋىل سوعادى, قاراعاندى وبلىسىندا تۇمان بولجانعان.
اقمولا وبلىسىنىڭ كەي جەرلەرىندە تۇمان بولادى, بۇرشاق جاۋادى, 15-20 م/س ەكپىندە جەل كۇتىلەدى.
الماتى وبلىسىنىڭ جالاڭاشكول اۋدانىندا جەلدىڭ جىلدامدىعى 15-20 م/س-قا دەيىن ارتادى.
كۇندىز پاۆلودار وبلىسىنىڭ كەي جەرلەرىندە داۋىل سوعادى, بۇرشاق جاۋادى, 15-25 م/س جىلدامدىقتا جەل تۇرادى دەپ كۇتىلەدى.