ەۋروپالىق وداق 2026 جىلعى 23 ساۋىردە رەسەيگە قارسى سانكتسيالاردىڭ 20-پاكەتىن جاريالادى. اتالعان تىزىمگە ەنگىزىلگەن سۋبەكتىلەر قاتارىندا قازاقستاندا تىركەلگەن United Trading Group كومپانياسى دا بار, دەپ حابارلايدى Egemen.kz.
ەو دەرەكتەرىنە سايكەس, كومپانيانىڭ نەگىزىن قالاۋشى – ءالىمجان بەكوۆ نەمىستىڭ UrSeCo Handels GmbH & Co. KG كومپانياسىمەن بايلانىستا بولعان. وسى ارقىلى United Trading Group جوعارى ساپالى حلورلى سۋتەك (HCl) حيميالىق زاتىن رەسەيگە جەتكىزۋ سحەماسىنا قاتىسقان دەپ كورسەتىلگەن. بۇل ءونىم جارتىلاي وتكىزگىشتەر وندىرىسىندە قولدانىلادى.
اقش رەسەي مۇنايىنا قاتىستى سانكتسيالىق جەڭىلدىكتەردى 16 مامىرعا دەيىن ۇزارتتى
قۇجاتتا كورسەتىلگەندەي, حيميالىق زات گەرمانيادان قازاقستان ارقىلى رەسەيدىڭ Siltron جانە Electronsnab كومپانيالارىنا جەتكىزىلگەن. جەتكىزۋ تىزبەگى پولشا, تۇركيا, قازاقستان جانە رەسەي اۋماقتارى ارقىلى وتكەن. وسىعان بايلانىستى ەو تاراپىنان اتالعان كومپانيا سانكتسيالىق شەكتەۋلەردى اينالىپ وتۋگە كومەكتەستى دەگەن قورىتىندى جاسالعان.
رەسەي ەۋروپاعا گاز جەتكىزۋدى توقتاتۋى مۇمكىن
ەسكە سالا كەتەيىك, بۇعان دەيىن دە قازاقستانعا قاتىستى بىرقاتار كومپانيا ەۋرووداق سانكتسيالىق تىزىمىنە ەنگىزىلگەن. اتاپ ايتقاندا, 2025 جىلعى اقپاندا 16-پاكەتتە Kazstanex جانە MetallStan, 2024 جىلعى ماۋسىمدا 14-پاكەتتە Da Group 22, ال 2024 جىلعى اقپاندا 13-پاكەتتە Elem Group كومپانيالارى سانكتسيا تىزىمىنە ەنگەن.