الماتىدا ايالدامادا قارت ايەلگە شابۋىل جاساعان كۇدىكتى جەدەل ۇستالدى. وقيعا تۋرالى Threads الەۋمەتتىك جەلىسىندە جابىرلەنۋشىنىڭ قىزى جازعان, دەپ حابارلايدى Egemen.kz.
ونىڭ ايتۋىنشا, وقيعا ساناتوري الماتى كوشەسىندە بولعان. كۇدىكتى اينالادا ەشكىم جوق ءساتتى پايدالانىپ, 66 جاستاعى ايەلگە ارتىنان كەلىپ, باسى مەن دەنەسىنىڭ جوعارعى بولىگىنە قول-اياعىمەن اياۋسىز سوققى جاساعان. قازىرگى ۋاقىتتا زارداپ شەككەن ايەل اۋرۋحانادا جاتىر.
الماتى قالالىق پوليتسيا دەپارتامەنتىنىڭ مالىمەتىنشە, اتالعان دەرەك بويىنشا بوستاندىق اۋداندىق پوليتسيا باسقارماسى قىلمىستىق ءىس قوزعاعان. كۇدىكتى جەدەل-ىزدەستىرۋ شارالارى بارىسىندا انىقتالىپ, ۇستالىپ, ۋاقىتشا ۇستاۋ يزولياتورىنا قامالعان.
اكەسىن سوققىعا جىققان ازاماتتىڭ ءىسى: سوت ايىپتالۋشىعا قاتىستى ۇكىمدى وزگەرتتى
قازىرگى تاڭدا پوليتسەيلەر وقيعانىڭ ءمان-جايىن جان-جاقتى جانە وبەكتيۆتى انىقتاۋعا باعىتتالعان تەرگەۋ ارەكەتتەرىن جۇرگىزىپ جاتىر.
ەسكە سالا كەتەيىك, تۇركىستان وبلىسى شاردارا اۋدانىندا 70 جاستاعى دەنساۋلىعى ناشار اكەسىن جۇيەلى تۇردە ۇرىپ كەلگەن كۇدىكتىنىڭ جازاسى قاتاڭداتىلعان ەدى.