استانا. 31 ناۋرىز. تۇركيانىڭ وڭتۇستىك-شىعىسىنداعى ديارباكىر قالاسىندا لاڭكەستەردىڭ شابۋىلىنان 7 پوليتسيا قىزمەتكەرى قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«لاڭكەستىك ارەكەتتەن 7 پوليتسەي قازا تاۋىپ, 27 ادام ءتۇرلى دەڭگەيدە جاراقات الدى. جاراقات العانداردىڭ ءبارى اۋرۋحاناعا جەتكىزىلدى», – دەدى تۇركيانىڭ دامۋ ءمينيسترى دجەۆدەت يىلماز. لاڭكەستەر جول جيەگىندە تۇرعان كولىكتى جارىپ جىبەردى. ءدال وسى كەزدە ءتارتىپ ساقشىلارى مىنگەن اۆتوبۋس ءوتىپ بارا جاتقان.
قازىرگى كەزدە وقيعا ورنىندا تەرگەۋ امالدارى ءجۇرىپ جاتىر. جارىلىستى ازىرگە ەشبىر تەررورلىق ۇيىم ءوز موينىنا العان جوق.
ايان ءابدۋالي.
دەرەك, فوتو: تاسس.