استانا. 31 ناۋرىز. اقش-تىڭ وكلاحوما شتاتىندا جويقىن تورنادونىڭ سالدارىنان 6 مىڭ ءۇي جارىقسىز قالدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
تابيعات اپاتىنان 9 ادام زارداپ شەكتى. جەرگىلىكتى بيلىكتىڭ حابارلاۋىنشا, داۋىل اتالعان شتاتقا قاراستى تالسا قالاسىنا كوپ شىعىن اكەلگەن. بىرقاتار جولدار جابىلىپ, كولىك قوزعالىسى توقتاتىلدى. قالا باسشىلىعى تۇرعىندارعا سىرتقا شىقپاۋعا كەڭەس بەردى.
سونداي-اق, قازىرگى كەزدە لۋيزيانا مەن ميسسيسيپي شتاتتارىندا جاۋىن تولاستار ەمەس. الدىن الا بولجام بويىنشا, مۇنىڭ ارتى سۋ تاسقىنىنا ۇلاسۋى مۇمكىن. ماماندار بۇل جاعداي الاباما شتاتىندا دا قايتالانۋى ىقتيمال ەكەنىن ايتتى.
ايتا كەتەيىك, اقش-تا توسىن تابيعات اپاتى ءجيى بولىپ تۇرادى. وتكەن جىلدىڭ 10 ءساۋىر كۇنى سوڭعى 20 جىلدا بولماعان تورنادو سوعىپ, تەحاس, لۋيزيانا, اركانزاس, ميسسيسيپي, تەننەسسي, ميسسۋري, كەنتۋككي, ينديانا شتاتتارىندا ونداعان ءۇي قيراپ قالعان.
ايان ءابدۋالي.
دەرەك: ريا «نوۆوستي».
فوتو: hronika.info.