استانا. 31 ناۋرىز. زيمبابۆەنىڭ 92 جاستاعى پرەزيدەنتى روبەرت مۋگابە 2018 جىلى وتەتىن مەملەكەت باسشىلىعىنىڭ ورىنتاعى سايلاۋعا قاتىسۋ نيەتىندە بار ەكەنىن مالىمدەدى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى.
اتالعان سايت حابارلاعانداي, ول ءوزىنىڭ مۇنداي ويى بار ەكەنىن جاپوننىڭ «سانكەي» گازەتىنە بەرگەن سۇحباتىندا ايتقان. قازىرگى كۇندەرى مۋگابە توكيودا رەسمي ساپارمەن ءجۇر.
«جاقتاستارىم مەنىڭ كانديداتۋرامدى ۇسىنادى», – دەدى 92 جاستاعى پرەزيدەنت. «مەن ءالى شيراقپىن. ەگەر حالىق قالاسا, ءوزىمنىڭ مىندەتىمدى جالعاستىرۋعا دايىنمىن», – دەدى ول.
باتىستىڭ زيمبابۆەدە وپپوزيتسيانىڭ باسىپ تاستالاتى تۋرالى تاراتقان ءسوزىن مۋگابە «ەلدىڭ حالقى تاراپىنا ايتىلعان قورلاۋ» دەپ باعالادى.
روبەرت مۋگابە زيمبابۆەنىڭ سەگىزىنشى مارتە سايلانعان پرەزيدەنتى بولىپ تابىلادى.
2014 جىلى ونىڭ ايەلى گرەيس مۋگابە كۇيەۋىنە ەلدى الاڭسىز باسقارۋى ءۇشىن ارنايى مۇگەدەكتەر ارباسىن ساتىپ الىپ بەرگىسى كەلەتىنىن مالىمدەگەن بولاتىن. ول مەملەكەت باسشىسىنا كۇشى سارقىلعانشا كومەكتەسەتىنىن جەتكىزدى. ال وپپوزيتسيا مۇشەلەرى ەلدەگى بيلىكتىڭ شىن مانىندە گرەيس مۋگابەنىڭ قولىندا ەكەنىن ايتادى.
تالعات رايىمبەك.
دەرەك: ras.kz.
فوتو: polit.ru.