كەشە ەل تاۋەلسىزدىگىنىڭ 25 جىلدىعىنا وراي اسكەري پوليتسيا ماماندارىن دايارلاۋ ورتالىعىندا «ەلباسى مارتەبەسى – ەل مارتەبەسى», «قازاقستان رەسپۋبليكاسىنىڭ تۇڭعىش پرەزيدەنتى جيناعىنان قارۋلار كوللەكتسياسى» اتتى كوشپەلى ەكسكۋرسيالارى كوش جالعادى. كورمەگە كەلۋشىلەر بىرەگەي توپتامالارمەن, ونداعى قۇندى جادىگەرلەرمەن جاقىننان كورىپ تانىسۋعا مۇمكىندىك الدى.
وتانعا قىزمەت ەتۋ – ءاربىر ازاماتتىڭ قۇرمەتتى پارىزى. الايدا, اسكەري ادامداردىڭ ءتۇرلى مادەني مەكەمەلەرگە بارىپ, مۇنداي قىزىقتى ەكسپوناتتاردى تاماشالاۋعا ءمۇمكىندىكتەرى بولا بەرمەيدى. مۇنى ەسكەرە وتىرىپ, «» كەلۋشىلەر ءۇشىن سيرەك جادىگەرلەردى, سۋىق قارۋلاردىڭ ءتۇر-ءتۇرىن كورسەتىلىمگە قويدى.
اتالعان شارا اياسىندا «قازاقستان رەسپۋبليكاسى تۇڭعىش پرەزيدەنتى مۋزەيىنىڭ جيناعىنداعى قارۋلار كوللەكتسياسى» ەكسپوزيتسياسى بويىنشا كوشپەلى ەكسكۋرسيا ادامزاتتىڭ الەۋمەتتىك تاريحىنداعى ەجەلگى قارۋ سىيلاۋ ءداستۇرىمەن, الەمگە ايگىلى قۇباشى ءجانە زلاتوۋست قارۋ-جاراق شەبەرلەرىنىڭ تۋىندىلارىمەن تانىستىردى.
سونداي-اق, «ەلباسى مارتەبەسى – ەل ءمارتەبەسى» ەكسپوزيتسياسى بويىنشا ۇيىمداستىرىلعان كوشپەلى ەكسكۋرسيا الەمنىڭ كوپتەگەن ەلدەرىندەگى مەملەكەتتىك ناگرادالارمەن ماراپاتتالۋ جۇيەسىن كەڭىنەن تانىستىردى.
شارا بارىسىندا بىرەگەي ماتەريالدار كەشەنى, ونىڭ ىشىندە فوتوسۋرەت, بەينەماتەريالدار جانە ەڭ نەگىزگىسى – «قازاقستان رەسپۋبليكاسى تۇڭعىش پرەزيدەنتى مۋزەيىنىڭ» قور جيناعىنداعى جادىگەرلەر ۇسىنىلدى.
راۋشان تاۋىرحانقىزى,
«ەگەمەن قازاقستان».