2016 جىلدىڭ 1 ساۋىرىنەن باستاپ استانا, الماتى, شىمكەنت جانە اقتوبە قالالارىنىڭ تۇرعىندارى ءۇشىن جەكە كۋالىك پەن تولقۇجاتتى جەدەل دايىنداپ بەرۋ ۋاقىتى نەبارى ەكى جۇمىس كۇنىن الادى.
– بيىل اقتوبەدە اشىلعان قوسىمشا ورتالىقتىڭ ارقاسىندا باستى قۇجاتتاردى بەرۋ مەرزىمى ەكى كۇنگە قىسقاردى. سونداي-اق, ەلىمىزدەگى ءتورت قالادا دا جەكە كۋالىك الۋ مەرزىمى ەكى كۇن بولادى, – دەدى ىشكى ىستەر مينيسترىنىڭ ورىنباسارى ەرلان تۇرعىنباەۆ.
ايتا كەتەيىك, بۇعان دەيىن ءتولقۇجات پەن جەكە كۋالىك الۋ شىمكەنت قالاسىنىڭ حالقى ءۇشىن 15 كۇنگە سوزىلاتىن. ەندى جارتى اي بويى اتالعان قۇجاتتى كۇتەتىن تۇرعىندار ءۇشىن بۇل باستى جاڭالىق بولىپ وتىر.
بۇعان دەيىن قۇجات دايىنداۋ ورتالىقتارى استانا مەن الماتىدا عانا بولعان. سول سەبەپتى قۇجاتتاردى دايىنداۋ ۇزاققا سوزىلىپ كەتەتىن. وسى سەبەپتى شىمكەنت پەن اقتوبەدە جەكە كۋالىك بەرۋ ۋاقىتىن قىسقارتۋ ءۇشىن جاڭا ورتالىقتار اشىلدى.
ايان ءابدۋالي,
«ەگەمەن قازاقستان».