ارعى بەتتە ەرەكشە باعالانادى ەكەن
شەكارادان نەبىر قۇندى, باعالى ءارى سيرەك كەزدەسەتىن زاتتاردى زاڭسىز جولمەن وتكىزۋگە قۇمار جاندار وتە كوپ كەزدەسەدى. ولاردىڭ زاڭسىز ارەكەتىنە توسقاۋىل قويىپ كەلە جاتقان تەك قىراعى شەكاراشىلار عانا. ماسەلەن, قازاق-قىتاي شەكاراسى بويىندا ورنالاسقان «قورعاس» شەكارالىق باقىلاۋ-وتكىزۋ بەكەتىنىڭ شەكارا ناريادى قاسقىردىڭ, ايۋدىڭ ازۋ تىستەرىن, ايۋدىڭ تىرناقتارىن الىپ وتۋگە ارەكەتتەنگەن قازاقستاندىق ازاماتتى ۇستاۋعا ءماجبۇر بولدى.
اتاپ ايتقاندا, اتالعان ازاماتتىڭ سومكەسىنەن شەكارالىق باقىلاۋ جاساۋ كەزىندە قاسقىردىڭ 10 دانا, ايۋدىڭ 39 دانا ازۋ تىستەرى تابىلدى. ودان ءارى تاعى دا مۇقيات قاراعان كەزدە, سومكەدەن ايۋدىڭ 10 دانا تىرناعى دا شىعا كەلدى.
ۇستاۋ دەرەگى بويىنشا ماتەريالدار ءتيىستى ورىندارعا بەرىلدى, دەپ حابارلادى ۇقك شق ءباسپاسوز قىزمەتى.