اقتوبە. 18 ناۋرىز. ناۋرىز مەيرامى قارساڭىڭدا اقتوبە قالالىق اكىمدىگىنىڭ عيماراتىندا «قولجەتىمدى باسپانا» مەملەكەتتىك باعدارلاماسىنىڭ «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامى تۇرعىن ءۇيى باعىتى بويىنشا پاتەر كىلتتەرىن تابىستاۋ سالتاناتى بولدى. بۇل تۋرالى egemen.kz ءتىلشىسى حابارلادى.
قالا اكىمى بەكبول ساعىن مەرەكەلىك شاراعا قاتىسۋشىلاردى كەلە جاتقان ۇلىستىڭ ۇلى كۇنىمەن قۇتتىقتاپ, جەرگىلىكتى اتقارۋشى ورگاندا كەزەكتە تۇرعان 17 ازاماتقا №12 شاعىن اۋدانداعى «كەندالا» جانە №41 رازەزدەگى «التىن دالا» تۇرعىن ءۇي كەشەندەرىنەن سۋ جاڭا پاتەرلەردىڭ كىلتتەرىن تابىستادى.
جالدامالى پاتەرلەر كەزەكتە تۇرعان بيۋدجەتتىك جانە مەملەكەتتىك قىزمەتكەرلەرگە, تولىق ەمەس, كوپ بالالى جانە مۇگەدەك بالالارى بار وتباسىلارعا, جەتىم, اتا-اناسىنىڭ قامقورلىعىنسىز قالعان بالالارعا, اسكەري قىزمەتشىلەرگە بەرىلدى.
«قازىرگى تاڭدا ۇستىمىزدەگى جىلعى 18 ناۋرىزعا دەيىن كەزەكتەگى ازاماتتاردان «باتىس-1» شاعىن اۋدانىنداعى 192 پاتەرگە جانە لەنينگرادسكايا كوشەسىندەگى 9 پاتەرگە ەلەكتروندىق نۇسقادا قۇجاتتار قابىلدانۋدا. سونىمەن قاتار, «جاس وتباسىلارعا ارانالعان تۇرعىن ءۇي» باعدارلاماسى بويىنشا «نۇر اقتوبە» اۋدانىنداعى 234 پاتەرگە ازاماتتاردىڭ تولەم قابىلەتتەرىن تەكسەرۋ بويىنشا جۇمىستار جالعاسۋدا», – دەدى بەكبول ساعىن.
شاھار باسشىسى اتاپ وتكەندەي, اقتوبە قالاسىندا مەملەكەت باسشىسىنىڭ باستامالارىن جۇزەگە اسىرۋ بارىسىندا تۇرعىن ءۇي قۇرىلىس باعدارلامالارى جۇزەگە اسىرىلىپ, 2013 جىلدان باستاپ بۇگىنگە دەيىن 4 215 وتباسى باسپانالى بولعان. بيىل «نۇر اقتوبە» شاعىن اۋدانىندا «تۇرعىنۇيقۇرىلىسجيناق» جۇيەسى بويىنشا قۇرىلىسى وتكەن جىلى باستالعان 540 پاتەرلىك 10 بلوك-سەكتسيالى 3 ءۇي تاپسىرىلادى دەپ كۇتىلۋدە. داعدارىسقا قارسى باعدارلاما اياسىندا وبلىسىمىزعا قوسىمشا قاراجات بولىنەتىن بولدى. «نۇر اقتوبە» تۇرعىن ءۇي الابىنىڭ №3 جانە №4 شاعىن اۋداندارىندا جالدامالى تۇرعىن ۇيلەردى سالۋ قاراستىرىلعان. بيىل مۇندا 1 728 پاتەرلىك 9 تۇرعىن ءۇيدى سالۋ جوسپارلانۋدا.
ساتىبالدى ءساۋىرباي.
دەرەك, سۋرەت: egemen.kz.