2010 جىلعى 15 قاراشا
ورالمان مارتەبەسىن بەرۋ ەرەجەسىن بەكىتۋ تۋرالى
«حالىقتىڭ كوشى-قونى تۋرالى» قازاقستان رەسپۋبليكاسى 1997 جىلعى 13 جەلتوقسانداعى زاڭىنىڭ 34-بابى 6-تارماعىنا سايكەس بۇيىرامىن:
1. قوسا بەرىلىپ وتىرعان ورالمان مارتەبەسىن بەرۋ ەرەجەسى بەكىتىلسىن.
2. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيستردىڭ مىندەتىن اتقارۋشىنىڭ №224-ءو «ورالمان مارتەبەسىن بەرۋ ەرەجەسىن بەكىتۋ تۋرالى» 2007 جىلعى 27 قىركۇيەكتەگى بۇيرىعىنىڭ كۇشى جويىلسىن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №4964 تىركەلگەن, «زاڭ گازەتى» گازەتىندە 2007 ج. 8 قاراشادا №171 (1200) جاريالانعان).
3. قازاقستان رەسپۋبليكاسى ىشكى ىستەر مينيسترلىگىنىڭ كوشى-قون پوليتسياسى كوميتەتى زاڭنامادا بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن ءوتۋىن جانە ونىڭ رەسمي جاريالانۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ا.ۆ. كۋلينيچكە جانە قازاقستان رەسپۋبليكاسى ىشكى ىستەر مينيسترلىگى كوشى-قون پوليتسياسى كوميتەتىنە جۇكتەلسىن.
5. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر س.بايماعانبەتوۆ.
قوسىمشالار بۇيرىق476