«تاماشا ادامدار ءومىرى» سەرياسىمەن شىققان «نۇرسۇلتان نازارباەۆ». ءومىربايان جالعاسۋدا» ومىرباياندىق باسىلىمى رەسەيدىڭ «2015 جىلعى ەڭ ۇزدىك كىتاپتار مەن باسىلىمدار» ۇلتتىق سىيلىعىنا يە بولدى.
ومىرباياندىق ەڭبەكتىڭ اۆتورلارى – ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم ءجونىندەگى القاسىنىڭ مۇشەسى, ساياسي عىلىمدار دوكتورى تايىر مانسۇروۆ پەن قازاقستان جازۋشىلار وداعى باسقارماسىنىڭ حاتشىسى, «پروستور» ادەبي جۋرنالىنىڭ باس رەداكتورى ۆالەري ميحايلوۆ.
كىتاپ بىلتىرعى جىلدىڭ قاراشا ايىندا جارىق كورىپ, ونىڭ تۇساۋكەسەرى قازاقستاننىڭ ماسكەۋدەگى ەلشىلىگىندە 2016 جىلدىڭ قاڭتار ايىندا وتكەن بولاتىن.
مۇنداي كىتاپتارعا بەرىلەتىن سىيلىق ورىس بيوگرافيا ينستيتۋتى, «ليتەراتۋرنايا گازەتا», رەسەي مەملەكەتتىك كىتاپحاناسى مەن «وردەن» مادەني-اعارتۋ ورتالىعى تاراپىنان 2000 جىلى تاعايىندالعان بولاتىن.
«ەگەمەن-اقپارات».