قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ماسكەۋدە ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى.
وتىرىستا قارالعان ماسەلەلەرىنىڭ ايتارلىقتاي بلوگى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قازاقستاننىڭ ەاەو ورگاندارىنا ءتوراعالىعى شەڭبەرىندە ەۋرازيالىق ەكونوميكالىق وداققا مۇشە مەملەكەتتەر باسشىلارىنا ۇندەۋىندە كەلتىرىلگەن باستامالارمەن سايكەسەدى.
ەەك كەڭەسىنىڭ مۇشەلەرى ەاەو رىنوگىنداعى كەدەرگىلەردى, الۋلاردى جانە باسقا دا شەكتەۋلەردى جويۋ ماسەلەلەرىن تالقىلادى, ورىن الىپ وتىرعان شەكتەۋلەر ءمالىمەتتەرىنىڭ ەلەكتروندى بازاسىن قۇرۋ تۋرالى ۋاعدالاستىققا قول جەتكىزىلدى.
بولاشاقتا وداق مەملەكەتتەرىنىڭ بيزنەس-قاۋىمداستىعى كەدەرگىلەردى جويۋ جونىندەگى جۇمىس بارىسىمەن ونلاين رەجىمىندە تانىسۋ مۇمكىندىگىنە يە بولماق.
سونداي-اق, وتىرىسقا قاتىسۋشىلار ونەركاسىپ سالاسىندا بولاشاقتا ەۋرازيالىق تەحنولوگيالىق تۇعىرناما قۇرۋ مۇمكىندىگىن دە تالقىلادى, ول مەملەكەتتىڭ قولدا بار يننوۆاتسيالىق الەۋەتىن ءتيىمدى پايدالانۋعا, ءوزارا ءتيىمدى ونەركاسىپتىك كووپەراتسيا ءۇشىن نەگىزدى قامتاماسىز ەتۋگە جاعداي جاسايتىن بولادى.